Last Update:
 
ऍग्रो प्लॅनिंग
नारळ लागवडीचे पूर्वनियोजन असेल, तर पुढे फारशा अडचणींना तोंड द्यावे लागत नाही. बाणवली, प्रताप आणि संकरीत टीxडी आणि डीxटी या जातींची निवड करावी. रोपे कृषी विद्यापीठ, शासकीय आणि शासकीय मान्यताप्राप्त रोपवाटिकेतूनच खरेदी करावीत. डॉ. वैभव शिंदे, डॉ. सुनील घवाळे ओलिताची सोय असल्यास जवळ जवळ सर्वच प्रकारच्या जमिनीत नारळाची लागवड करता येते. दोन नारळांत २५ फूट (७.५ मीटर) अंतर असेल, तर झावळ्या एकमेकांत शिरणार नाहीत किंवा एकमेकांना झाकणार नाहीत.

Friday, April 28, 2017 AT 06:00 AM (IST)

निशगंध कंदाची लागवड ३० सें.मी. ओळीत आणि दोन कंदांत ३० सें.मी. अंतर ठेवून करावी. लागवडीसाठी सिंगल, डबल, सेमी डबल जातींची निवड करावी. डॉ. मनीषा देशमुख, डॉ. एस. आर. दलाल  सर्वप्रकारच्या जमिनीत (सामु ६.५ - ८) हे पीक घेता येते. मात्र जमिनीत पाण्याचा चांगला निचरा होणे आवश्‍यक आहे. जमिनीची चांगली नांगरणी व वखरणी करून ती भुसभुशीत करावी. त्यानंतर प्रतिहेक्टरी २० - २५ टन चांगले कुजलेले शेणखत किंवा कंपोस्ट खत मिसळावे.

Thursday, April 27, 2017 AT 06:00 AM (IST)

डॉ. एस. डी. सावंत सर्व द्राक्ष विभागांमध्ये मागच्या आठवड्यातील तापमानामध्ये १ ते २ अंश सेल्सिअसने वाढ होईल. परंतु सोलापूरचा भाग वगळता इतर कोणत्याही विभागामध्ये दुपारचे कमाल तापमान ४० अंश सेल्सिअसपेक्षा खालीच राहील. नाशिक, पुणे विभागांत ३५ ते ३८ अंश सेल्सिअस तर सांगली विभागामध्ये ३८ ते ३० अंश सेल्सिअस तापमान राहील. सोलापूर विभागात हे तापमान ४१ ते ४२ अंश सेल्सिअसपर्यंत राहील.

Thursday, April 27, 2017 AT 05:45 AM (IST)

हळदीच्या लागवडीसाठी बियाणे जातिवंत असावे. प्रामुख्याने सेलम, फुले स्वरूपा, कृष्णा, रोमा, प्रतिभा या जातींची निवड करावी. कंद चांगले पोसण्यासाठी जमिनीमध्ये हवा खेळती राहणे अत्यंत महत्त्वाचे आहे. त्यासाठी जमिनीची उभी-आडवी एक फूट खोल नांगरणी करावी. डॉ. जितेंद्र कदम बदलत्या हवामानाचा हळद पिकाच्या वाढीवर फारसा प्रतिकूल परिणाम होत नाही.

Tuesday, April 25, 2017 AT 06:00 AM (IST)

तुती बागेत पालापाचोळा, पाचटाचे आच्छादन करावे. अंडीपुंजांची वाहतूक सकाळ किंवा संध्याकाळी करावी. कीटकसंगोपनगृहाच्या छतावर उसाचे पाचट, गवताच्या पेंढ्यांचे एक-दीड फूट आच्छादन करावे. संजय फुले सध्या तापमानात चांगली वाढ झालेली आहे. अशावेळी रेशीम उत्पादक शेतकऱ्यांकडे तुती बाग व्यवस्थापनाकडे विशेष लक्ष द्यावे.

Friday, April 21, 2017 AT 05:45 AM (IST)

प्रा. एस. ए. पवार, डॉ. बी. टी. पवार, डॉ. एम. एन. भालेकर शेडनेटमध्ये होणाऱ्या भाजीपाल्यामध्ये प्रामुख्याने ढोबळी मिरची, टोमॅटो व काकडी यांसारख्या फळभाज्या व कोथिंबीर, मेथी यांसारख्या पालेभाज्यांची लागवड केली जाते. सध्या उन्हाळा वाढत असल्याने तापमान नियंत्रित ठेवण्याच्या दृष्टीने मिनी स्प्रिंकलर किंवा फॉगर्स यांच्या वापर करून आर्द्रता वाढवावी. - मावा, फुलकिडे, पांढरी माशी यांसारख्या रसशोषक किडींचा प्रादुर्भाव वाढू शकतो.

Thursday, April 20, 2017 AT 06:00 AM (IST)

शेतीचे आरोग्य टिकवून ठेवण्यासाठी वेळच्यावेळी माती परीक्षण करणे हिताचे ठरते. माती परीक्षणामुळे जमिनीची अन्नद्रव्यांची नेमकी गरज लक्षात येते, त्यामुळे खतांच्या वापरात आणि खर्चात बचत होऊन पिकांचे उत्पादनही वाढण्यास मदत होते. रवींद्र जाधव, दीपाली मुटकुळे पिकांसाठी उपलब्ध  अन्नद्रव्यांचे प्रमाण शोधून  काढणे, हा माती परीक्षणाचा मुख्य हेतू अाहे. त्यानुसार  वेगवेगळ्या पिकांसाठी खतांचे  नियोजन करता येते.

Wednesday, April 19, 2017 AT 06:00 AM (IST)

सध्याच्या काळात बहुतांशी कंदपिकांची सुप्तावस्था संपून त्यांना कोंब येण्यास सुरवात होत असते. जमिनीची मशागत करावी. कंदपिकांच्या योग्य बेण्याची निवड करावी. डॉ. नामदेव म्हसकर करांदा, कणगर, घोरकंद, सुरण -  १) मागील खरीप हंगामात काढणी केलेल्या डायस्कोरिया कुळातील करांदा, घोरकंद, कणगर, श्वेतकंद, तसेच अरॉईड गटातील सुरण या पिकांची सुप्तावस्था या महिन्यात संपून त्यांना कोंब फुटण्यास सुरवात होते.

Tuesday, April 18, 2017 AT 05:45 AM (IST)

- प्रा. सी. बी. बाचकर, डॉ. के. जी. शिंदे, डॉ. एम. एन. भालेकर * लसूण पातीसह काढून जुड्या बांधून सावलीत सुकवावा. * वेलवर्गीय भाजीपाला पिकांच्या बगलफुटी काढून टाकाव्यात व वेलांना मातीची भर द्यावी. वेलांना मंडप किंवा ताटीवर सुतळीवर आधार द्यावा. * वेलवर्गीय भाजीपाला पिकांना फुले येणाऱ्या व फळ पोसण्याच्या काळात पाण्याचा ताण पडू देऊ नये. महाराष्ट्रात सध्या विषय हवामान चालू आहे.

Thursday, April 13, 2017 AT 06:00 AM (IST)

सध्या तापमान ३५ ते ४० अंश सेल्सिअसच्या दरम्यान आहे. वाढत्या तापमानाचा परिणाम फळांवर होत आहे. उशिरा मोहोर आलेल्या बागेतील कलमांवर सध्या सुपारी किंवा त्यापेक्षा मोठ्या आकाराची फळे आहेत. वाढत्या उष्णतेमुळे या फळांच्या गळीची शक्यता वाढते. उपाययोजना -  १) सध्या सुपारी किंवा त्यापेक्षा मोठ्या आकाराच्या फळांवर १० ग्रॅम पोटॅशिअम नायट्रेट प्रति लिटर पाण्यात मिसळून फवारणी करावी. पोटॅशिअममुळे फळांमध्ये उष्णतेचा ताण सहन करण्याची शक्ती वाढते.

Saturday, April 08, 2017 AT 06:00 AM (IST)

टोमॅटो, मिरची व वांगी या फळवर्गीय भाजीपाला पिकांमध्ये एप्रिल महिन्यात करपा, फळसड, मर आदी रोगांचा प्रादुर्भाव होतो. त्यांच्या नियंत्रणाबाबत वेळीच योग्य उपाययोजना करणे आवश्‍यक आहे. डाॅ. चारुदत्त ठिपसे, स्वप्निल कोंडे टोमॅटो : टोमॅटो पिकात प्रामुख्याने लवकर आणि उशिरा येणारा करपा, फळसड या बुरशीजन्य रोगांचा प्रादुर्भाव होतो.

Friday, April 07, 2017 AT 06:00 AM (IST)

प्रा.सुरेश परदेशी, प्रा.एन.बी.शेख सद्यस्थितीत मृग बागेची निसवणीची अवस्था पूर्ण झाली आहे. केळीचे घड पक्वतेच्या अवस्थेत आहे. कांदे बाग ही मुख्यत: वाढीच्या अवस्थेत आहे. इन्फो : वाढत्या तापमानामुळे होणारे नुकसान - मुळाची वाढ खुंटते तसेच झाडाची पाने पिवळी पडायला सुरवात होते. केळीचे पीक ३५ अंश सेल्सिअस तापमान सहन करू शकते. तापमान ३८ अंश सेल्सिअसच्या पुढे गेल्यास प्रकाशसंश्‍लेषणाची क्रिया मंदावते.

Tuesday, April 04, 2017 AT 06:15 AM (IST)

सध्याची अवस्था ही छाटणीनंतर १४७ दिवसांची असून, घड काढणीच्या स्थितीमध्ये आहे. पाणी व खत व्यवस्थापन : - डॉ. ए. के. उपाध्याय - अपेक्षित पॅन बाष्पीभवन - ८ ते १० मिमी - ज्या बागा विश्रांतीच्या स्थितीमध्ये जाणार आहेत, त्या ठिकाणी सध्या वेलीवर असलेली पाने वाळणार नाहीत, व वेलींची प्रकाश संश्लेषणाची क्रिया योग्य प्रकारे सुरू राहील इतपत पाणी द्यावे. या काळात सिंचनाचे प्रमाण अंदाजे आठवड्यातून दोन वेळा ५,००० लिटर प्रति एकर द्यावे.

Tuesday, April 04, 2017 AT 06:00 AM (IST)

शेततळे निर्मितीसाठी सध्याचा काळ अनुकूल आहे. मात्र तांत्रिक बाबींची काळजी घेऊन जागेची निवड व तळ्याची रचना केल्यास दीर्घकाळापर्यंत शेततळ्याचा वापर करणे सुलभ होते. डॉ. सुनील गोरंटीवार, डॉ. सुधीर दहिवाळकर दीर्घकाळापर्यंत शेततळ्याचा लाभ घेता यावा यासाठी खालील बाबींकडे लक्ष द्यावे. १) शेततळे करताना घ्यावयाची काळजी : - शेततळ्यासाठी जागा निवडताना कठीण, मुरूम, खडक, जिवंत पाण्याचे झरे लागणार नाही याची दक्षता घ्यावी.

Friday, March 31, 2017 AT 06:00 AM (IST)

- डॉ. डी. बी. फोंडे उन्हाळ्यामध्ये पाण्याची कमतरता असताना ऊस शेतीमध्ये पाण्याचा कार्यक्षमपणे वापर करण्याची आवश्यकता आहे. आपल्या ऊस शेतीमध्ये खालील प्रकारे बदल केल्यास फायदा होऊ शकताे. - पाट पद्धतीने प्रवाही पाणी दिल्यास ऊस पिकाला हेक्टरी २५० ते ३०० लाख लिटर पाणी लागते. त्याऐवजी ठिबक सिंचन पद्धतीचा अवलंब करावा. या पद्धतीमुळे पाण्याचा कार्यक्षम वापर होऊन हेक्टरी केवळ १२५ लाख लिटर पाण्यामध्ये उसाचे उत्पादन घेता येते.

Friday, March 31, 2017 AT 05:45 AM (IST)

सध्या द्राक्ष काढणी हंगाम सर्वत्र जोमात सुरू असून, ६०-७० टक्के काढणी पूर्ण झाली आहे. पुढील वर्षातील उत्तम द्राक्ष उत्पादनासाठी पूर्वतयारी करण्याची हीच योग्य वेळ आहे. त्यासाठी खरड छाटणीदरम्यान करावयाच्या कामांची माहिती घेऊ. वासुदेव काठे फळ काढणीनंतर विसाव्याचा कालावधी -  द्राक्षवेलींवर घेतलेल्या उत्पादन व जमिनीच्या प्रतिनुसार विसाव्याचा काळ ठरवावा लागतो. उदा.

Thursday, March 30, 2017 AT 06:00 AM (IST)

कांदा काढणीनंतर चांगला भाव मिळेपर्यंत त्याची साठवणूक करावी लागते. साठवणुकीसाठी एक पाखी व दोन पाखी साठवणूकगृहांचा वापर केल्यास कांदा सडण्याचे प्रमाण कमी राहते. डॉ. शैलेंद्र गाडगे, डॉ. विजय महाजन कांद्याची साठवणूक करताना साठवणगृहातील तापमान व आर्द्रता यांचा विचार गरजेचा आहे. त्याबाबत माहिती घेणे गरजेचे आहे. कांदा साठवणुकीत महत्त्वाच्या बाबी : - साठवणगृहात अधिक आर्द्रता (७५-८० टक्के) असल्यास बुरशी लागून कांदा सडतो.

Saturday, March 25, 2017 AT 06:00 AM (IST)

राज्यामध्ये उन्हाळी भुईमुगाची लागवड झालेली आहे. या भुईमुगावर अनेक ठिकाणी टिक्का, तांबेरा व कळी करपा रोगांचा प्रादुर्भाव दिसून येत आहे. या रोगाच्या नियंत्रणासाठी खालील उपाययोजना त्वरेने कराव्यात. डॉ. राजेंद्र गाडे, रणजित लाड. टिक्का : रोगकारक बुरशी - सरकोस्पोरा लक्षणे - झाड एक ते दोन महिन्यांचे झाले असताना या रोगाचा प्रादुर्भाव आढळून येतो. या बुरशीमुळे पानांवर काळे, लहान वर्तुळाकार व त्याभोवती पिवळी वलये तयार होतात.

Friday, March 24, 2017 AT 05:45 AM (IST)

अलीकडे विविध पिकांमध्ये प्लॅस्टिक मल्चिंग करण्याचे प्रमाण वाढत आहे. याचे रंग, गुणधर्मानुसार विविध प्रकार असून, योग्य कारणासाठी योग्य प्लॅस्टिकचा वापर केल्यास पिकांसाठी फायदा होतो. डॉ. सुनील गोरंटीवार पिकातील खते व पाण्याचा ऱ्हास रोखण्यासाठी प्रामुख्याने आच्छादनाचा वापर केला जातो. त्यामध्ये सेंद्रिय आणि प्लॅस्टिक असे प्रामुख्याने दोन प्रकार पडतात.

Thursday, March 23, 2017 AT 06:00 AM (IST)

पीक काढणी झाल्यानंतर शेतकरी बरेच दिवस शेत तसेच ठेवतात. मात्र त्यामुळे तणांची वाढ होतच राहते. पुढील हंगामात तणनियंत्रणाचा खर्च मोठ्या प्रमाणात वाढतो. त्यासाठी पीककाढणीनंतर शेताची मशागत करावी. डॉ. अशोक जाधव, डॉ. रोहित सोनवणे शेत तण विरहित ठेवणे हा मशागतीचा महत्त्वाचा उद्देश आहे. एकूण मशागतीच्या ३० ते ३५ टक्के खर्च हा तण नियंत्रणासाठी केला जातो. रब्बी हंगाम आता संपत आलेला आहे. खरिपातील जास्त कालावधीच्या पिकांची (उदा. तूर) काढणी पूर्ण झाली आहे.

Tuesday, March 21, 2017 AT 06:00 AM (IST)

डॉ. एस. एम. पाटील - वेलवर्गीय भाजीपाला पिकांना प्रतिहेक्टरी नत्र २५ किलो या प्रमाणात खतांचा दुसरा हफ्ता द्यावा. एकूण खतमात्रा ५० किलो नत्र अधिक २५ किलो स्फुरद अशी असून, नत्राची अर्धी व संपूर्ण स्फुरदची मात्रा लागवडीसोबत देतात. - टरबूज व खरबूज या पिकांची लागवड होऊन एक महिना झाला आहे. अशा पिकांनासुद्धा नत्राची दुसरी मात्रा ४० किलो प्रतिहेक्टरी या प्रमाणात द्यावी.

Tuesday, March 21, 2017 AT 06:00 AM (IST)

डॉ. यू. एन. आळसे, प्रा. डी. डी. पटाईत, डॉ. एस. जी. पुरी - लागवडीनंतर ६ आठवड्यांनी नत्राचा दुसरा हप्ता हेक्टरी १०० किलो युरिया या प्रमाणात द्यावा. - निंदणी करून पीक तणविरहित ठेवावे. - पिकास ८ ते १० दिवसांच्या अंतराने पाण्याच्या पाळ्या द्याव्यात. - पिकास पाणी शक्यतो मोठे वाफे, पाडगे यामध्ये न देता सरळ ओळीमध्ये द्यावे. - लोहाच्या कमतरतेमुळे पीक पिवळे किंवा पांढरे पडल्यास ०.५ टक्के (५० ग्रॅम प्रति १० लिटर पाणी) फेरस सल्फेटची फवारणी करावी.

Friday, March 17, 2017 AT 06:00 AM (IST)

डॉ. एस. डी. सावंत आज (गुरुवारी) पुणे, सांगली, सोलापूर विभागांतील काही द्राक्ष परिसरामध्ये वातावरण ढगाळ राहून हलक्या पावसाची शक्यता आहे. असाच पाऊस उद्या (ता. १७) सांगली व सोलापूर भागांमध्ये राहण्याची शक्यता आहे. काल संध्याकाळी व रात्री बऱ्याच ठिकाणी पाऊस झाला असण्याची शक्यता आहे. ज्या ज्या ठिकाणी पाऊस झालेला असेल, त्या ठिकाणी वातावरणातील आर्द्रता काही दिवस पुन्हा वाढण्याची शक्यता आहे.

Thursday, March 16, 2017 AT 05:45 AM (IST)

वेळीच करा नियंत्रण अलीकडील काळात नगर जिल्ह्यात पेरू झाडांच्या फांद्या व बऱ्याचदा संपूर्ण झाड वाळत जाऊन बागेचे नुकसान होत असल्याचे दिसून येत आहे. प्रयोगशाळेत माती व मुळांचे नमुने तपासले असता मर रोगाबरोबरच ‘सूत्रकृमी’ सारख्या डोळ्यांनी न दिसणाऱ्या प्राण्यांचाही प्रादुर्भाव आर्थिक नुकसान करणाऱ्या पातळीपेक्षा जास्त प्रमाणात दिसून येत आहे. त्यांचे नियंत्रण योग्य वेळीच करणे गरजेचे झाले आहे. डॉ. अंकुश चोरमुले, डॉ. नानासाहेब म्हसे, डॉ.

Wednesday, March 15, 2017 AT 06:15 AM (IST)

औरंगाबाद येथील मोहम्मद शाहेद व सहकाऱ्यांनी सहा- सात म्हशींपासून सुरू केलेला रॉयल डेअरी फार्म आज दीडशे म्हशींपर्यंत पोचला आहे. चारा पिकांचे १२ एकर क्षेत्र, दररोज ९०० लिटरपर्यंत दूध संकलन, दोन विक्री केंद्रे, प्रक्रियायुक्त पदार्थ अशा विविध वैशिष्ट्यांसह हा व्यवसाय आज दुष्काळी स्थिती व महागाईच्या संकटातही उत्कृष्ट व्यवस्थापनामुळे शाश्वत व स्थिर होण्याकडे वाटचाल करीत आहे.

Wednesday, March 15, 2017 AT 06:00 AM (IST)

हळदीवर शिजवणे, सुकवणे आणि पॉलिशिंग या प्रक्रिया केल्या जातात. कच्च्या हळदीपेक्षा प्रक्रिया करून बाजारात आणल्यास नफ्याचे प्रमाण वाढते. - डॉ. जितेंद्र कदम हळद काढणीचा हंगाम सुरू होत आहे. साधारणः नऊ महिन्यांमध्ये हळद पीक काढण्यास तयार होते. काढणी केल्यानंतर त्यावर प्रक्रिया करणे महत्त्वाचे ठरते. कच्च्या हळदीसही बाजारपेठ उपलब्ध आहे. मात्र, प्रक्रिया करून विक्री केल्यास नफ्याचे प्रमाण वाढते.

Tuesday, March 14, 2017 AT 06:00 AM (IST)

टोमॅटो, मिरची व वांगी या भाजीपाला पिकांची रोपे लागवडीपूर्वी प्रक्रिया करूनच लावावीत. जात व जमिनीच्या प्रकारानुसार लागवडीचे नियोजन करावे. गजानन तुपकर, डॉ. उमेश ठाकरे टोमॅटो, मिरची व वांगी लागवडीच्या सुधारित तंत्रज्ञानाबाबत माहिती घेऊ. १) टोमॅटो : - जमीन मध्यम ते भारी पाण्याचा उत्तम निचरा होणारी असावी. - टोमॅटोच्या रोपांची लागवड करण्याआधी शेताची नांगरट व कोळपणी करून शेत तणविरहित ठेवावे.

Saturday, March 11, 2017 AT 05:45 AM (IST)

रासायनिक पद्धतीच्या शेतीच्या मर्यादा आता लक्षात येऊ लागल्या आहेत. शाश्वत शेतीसाठी सेंद्रिय पद्धतीकडे वळणाऱ्या शेतकऱ्यांचे प्रमाणही वाढत आहे. अशा शेतकऱ्यांसाठी सेंद्रिय शेती पद्धतीतील मूलभूत घटकांची माहिती करून घेणे आवश्यक आहे. प्रा. रवींद्र जाधव, प्रा. दीपाली मुटकुळे मातीमध्ये अनेक प्रकारचे सूक्ष्मजीव वास्तव्य करून असतात. त्यामुळे पिकाला व वनस्पतींच्या वाढीला चालना मिळते. अशा जिवाणू व सूक्ष्मजीवांनी परिपूर्ण मातीला सजीव मानले जाते.

Thursday, March 09, 2017 AT 05:45 AM (IST)

उसाचा खोडवा कमी खर्चात उत्पादन मिळते म्हणून घेतला जातो. मात्र या पिकाची मशागत न करताही खोडव्याचे उत्पादन घेता येईल, असे तंत्रज्ञान शोधण्यात आले आहे. त्याविषयी माहिती घेऊ. पी. व्ही. घोडके मशागतीशिवाय खोडवा उत्पादन घेताना बाळ बांधणी व मोठी बांधणीला फाटा दिला जातो, तसेच पाचट आच्छादन केल्यामुळे तणनियंत्रणासाठीही मशागत करावी लागत नाही. व्यवस्थापनातील महत्त्वाच्या बाबी : - ऊस तुटून गेल्यानंतर पाचट सलग सर्व सऱ्यात आहे तसेच पडू द्यावे.

Tuesday, March 07, 2017 AT 06:00 AM (IST)

फळपिकाची पाण्याची गरज ही पिकाचा प्रकार, पिकाच्या वाढीची अवस्था, जमिनीचा प्रकार, हवामान यावर अवलंबून असते. पिकास गरजेप्रमाणे पाणी द्यावे. कमी पाणी दिल्यास पिकावर पाण्याचा ताण बसून उत्पादनात घट होऊ शकते. हे लक्षात घेऊन ठिबक सिंचनाचे नियोजन करावे. डॉ. सुनील गोरंटीवार ठिबक सिंचन पद्धतीद्वारे ५० टक्क्यांपर्यंत पाण्याची बचत होऊन १० ते २५ टक्के उत्पादनात वाढ होते. २५ टक्क्यांपर्यंत खताच्या वापरात बचत होते.

Friday, March 03, 2017 AT 06:00 AM (IST)

उन्हाळी तीळ पिकाचे बीजोत्पादन घेण्यासाठी योग्य विलगीकरण अंतर राखणे आवश्‍यक आहे. पायाभूत बियाण्यांच्या उत्पादनासाठी दोन वाणांतील विलगीकरण अंतर १०० मी., तर प्रमाणित बियाण्यांच्या उत्पादनासाठी ५० मी. ठेवणे आवश्यक आहे. डॉ. डी. टी. देशमुख, डॉ. डी. एम. मानकर उन्हाळी तीळ पिकाचे बीजोत्पादन करताना सुधारित तंत्रज्ञानाचा अवलंब आवश्‍यक आहे. त्यासाठी सुधारित तंत्रज्ञानाची माहिती घेऊ.

Thursday, March 02, 2017 AT 06:00 AM (IST)

 
 
About Us | Contact Us | Advertise With Us | RSS
© Copyrights Agrowon.com - All rights reserved.
of
Powered By: