पुणे - शेतकऱ्यांना कृषी पर्यटनाच्या माध्यमातून पूरक व्यवसाय उभारता यावा, या उद्देशाने दै. "सकाळ- ऍग्रोवन'च्या वतीने आयोजित "कृषी पर्यटन कार्यशाळे'च्या नोंदणीसाठी राज्याच्या विविध भागांतील शेतकऱ्यांनी उत्स्फूर्त प्रतिसाद दिला आहे. 21 ते 23 जूनच्या दरम्यान माळेगाव (ता. बारामती) येथील ऍग्रिकल्चर डेव्हलपमेंट ट्रस्टच्या कृषी पर्यटन केंद्रावर निवासी कार्यशाळेचे आयोजन करण्यात आले आहे. "प्राइम ऍग्रो' ही संस्था कार्यशाळेची प्रायोजक आहे. या कार्यशाळेमध्ये कृषी पर्यटन संकल्पना, संधी, राज्यासह राष्ट्रीय आणि आंतरराष्ट्रीय कृषी पर्यटन क्षेत्राच्या प्रगतीचा आढावा, वित्तपुरवठा, आदरातिथ्य, व्यवस्थापन, विपणन आदी विविध विषयांवर तज्ज्ञ मार्गदर्शन करणार आहेत. तसेच, या कार्यशाळेत कृषी पर्यटन केंद्र उभारून ते यशस्वीपणे चालविलेल्या व्यावसायिकांच्या यशोगाथा अनुभव कथनाद्वारे ऐकायला मिळणार आहेत. कार्यशाळेदरम्यान बारामती कृषी पर्यटन केंद्रात प्रक्षेत्र दौरा, संग्रहालय भेट, वाइन फॅक्‍टरी अभ्यास दौरा आदी उपक्रम आयोजित करण्यात आले आहेत. कार्यशाळेत सहभागी होणाऱ्यांची निवास, न्याहारी, भोजनाची व्यवस्था करण्यात येणार आहे.

सदस्यपदी "ऍग्रोवन'चे संतोष डुकरे पुणे  - पुणे श्रमिक पत्रकार संघाची नुकतीच निवडणूक होऊन नव्या कार्यकारिणीने सूत्रे हाती घेतली. संघाच्या सदस्यपदी "ऍग्रोवन'चे संतोष डुकरे यांनी निवड झाली आहे. अध्यक्षपदी संतोष कुलकर्णी (महाराष्ट्र टाइम्स) व सरचिटणीसपदी राजेंद्र पाटील (सार्वमत-देशदूत) यांची निवड झाली. इतर पदाधिकारी  - उपाध्यक्ष- धनंजय बिजले (सकाळ), मेधा पालकर (सामना), खजिनदार- सुकृत करंदीकर (दिव्य मराठी), चिटणीस- सदानंद गोडसे (टाइम्स ऑफ इंडिया), राजू हिंगे (सामना). कार्यकारिणी सदस्य- उत्तमकुमार इंदोरे, दर्शना कुंटे व विश्‍वजित पवार (सकाळ), सुनील राऊत व श्रीकिशन काळे (लोकमत), ब्रिजमोहन पाटील (सामना), सुनील जगताप (पुढारी), सूर्यकांत गावडे (प्रभात), संजय ऐलवाड (केसरी). निवडणूक निर्णय अधिकारी म्हणून ऍड. प्रताप परदेशी, ऍड. सुभाष किवडे, युवराज पाटील व पृथ्वीराज देसाई यांनी काम पाहिले.

डॉ. रामचंद्र साबळे यांचा अंदाज अकोला, नागपूर भागांत पावसाचे खंड पुणे - यंदा विदर्भात मॉन्सून वेळेत दाखल झाल्यास, जून ते सप्टेंबर या पावसाळ्याच्या चार महिन्यांत पश्‍चिम विदर्भ (अकोला) विभागात सरासरीच्या 103 टक्के, मध्य विदर्भ (नागपूर, यवतमाळ) विभागात सरासरीच्या 97.5 टक्के, पूर्व विदर्भात (सिंदेवाही) 102 टक्के पाऊस पडेल, असा अंदाज महात्मा फुले कृषी विद्यापीठाचे निवृत्त हवामानशास्त्र विभागप्रमुख डॉ. रामचंद्र साबळे यांनी व्यक्त केला आहे. स्थानिक ठिकाणच्या पावसाचा अंदाज व्यक्त करण्याच्या "डॉ. साबळे मॉडेल'नुसार कमाल तापमान, सकाळ व दुपारची आर्द्रता, वाऱ्याचा वेग आणि सूर्यप्रकाशाचा कालावधी या निकषांवर आधारित जून ते सप्टेंबरदरम्यानच्या पावसाचा अंदाज व्यक्त करण्यात येतो. मात्र यंदा विदर्भ वगळता इतर ठिकाणच्या निकषांची माहिती उपलब्ध न झाल्याने केवळ विदर्भाबाबतचाच अंदाज शनिवारी (ता. 25) डॉ. साबळे यांनी व्यक्त केला आहे. डॉ. साबळे यांचा स्थानिक पावसासाठीचा हा दहावा अंदाज आहे. डॉ.

गडचिरोली : ग्रामसभांच्या बळकटीकरणासाठी शासनाने वनहक्क कायद्यांतर्गत शेकडो ग्रामसभांना जंगलाचा हक्क बहाल केला असला तरी प्रत्यक्षात आरमोरी तालुक्‍यातील नरोटीचक ग्रामसभेने अधिकाराचा वापर करून यंदा तेंदू खरेदीचे काम हाती घेतले. ग्रामसभेला मिळालेल्या तेंदूपत्ता खरेदीच्या अधिकारामुळे 12 गावांतील हजारो कुटुंबांना रोजगार प्राप्त झाला. 195 रुपये शासकीय दर मजुरांना देत नरोटीचक ग्रामसभेने 45 लाख रुपये किमतीचा उच्च प्रतीचा तेंदूपत्ता खरेदी केला, त्यामुळे तेंदू संकलन करणारे ते देशातले पहिले गाव ठरले आहे. आदिवासी विकास महामंडळाने नरोटीचक ग्रामसभेला आर्थिक मदतीचा हात दिला आहे. लेखा मेंढा गावाने मागील वर्षी बांबू खरेदीचा अधिकार प्राप्त केला होता. यामुळे ही दोन्ही आदिवासी गावे जगाच्या नकाशावर आली आहे. नक्षल घटनांनी गडचिरोली होरपळून निघाले आहे. 78 टक्के जंगल आणि 22 टक्के शेतजमीन उपलब्ध असलेल्या या जिल्ह्याला सामूहिक वनहक्क कायदा वरदान ठरणार आहे. हजारो लोकांना गावातच रोजगाराची संधी उपलब्ध होणार आहे. तेंदूपत्ता व्यवसायाला जिल्ह्यात आठवडाभरापासून सुरवात झाली.

' सकाळ- ऍग्रोवन'च्या वतीने आयोजन आज प्रदर्शनाचा शेवटचा दिवस पुणे - स्वप्नातील फार्म हाऊस, विकेंड आणि सेकंड होमचे स्वप्न साकार करण्यासाठी राज्याच्या विविध भागांतून आलेल्या नागरिकांनी शनिवारी (ता. 25) "सकाळ- ऍग्रोवन'च्या वतीने आयोजित दुसऱ्या ग्रीन होम एक्‍स्पोला उत्स्फूर्त प्रतिसाद दिला. राज्याच्या कानाकोपऱ्यांतून आलेल्या नागरिकांनी प्रदर्शन फुलून गेले होते. आज (रविवार) या प्रदर्शनाचा शेवटचा दिवस आहे. "सकाळ- ऍग्रोवन'च्या वतीने आयोजित स्वारगेट जवळील गणेश कला-क्रीडा रंगमंच येथे दुसऱ्या ग्रीन होम एक्‍स्पोचे उद्‌घाटन शनिवारी (ता. 25) साईरंग डेव्हलपर्स ऍण्ड प्रमोटर्स प्रा. लि.चे संचालक के. आर. मलिक आणि लॅंडमार्क डेव्हलपमेंट कार्पोरेशन प्रा. लि.चे संचालक विशाल चव्हाण यांच्या हस्ते झाले. या वेळी "ऍग्रोवन'चे वरिष्ठ व्यवस्थापक (इव्हेंट) सचिन हलगेकर, वरिष्ठ वितरण व्यवस्थापक चंद्रशेखर जोशी उपस्थित होते. या एक्‍स्पोचे साईरंग डेव्हलपर्स ऍण्ड प्रमोटर्स प्रा. लि. हे मुख्य प्रायोजक, तर लॅंडमार्क डेव्हलपमेंट कार्पोरेशन प्रा. लि. हे सहप्रायोजक आहेत.