Last Update:
 
Search Tag:     Section:  
 
  From Date:     To Date:    
Total Results: 6
दुष्काळ हा संवेदनशीलतेने हाताळण्याचा विषय आहे. आपल्या निर्णयामुळे दुष्काळग्रस्त शेतकऱ्यांच्या जखमा चिघळू नयेत, तर त्यावर फुंकर घालण्याचे काम झाले पाहिजे, याची काळजी राज्य सरकारने घ्यायला हवी. मराठवाड्यात दिवसेंदिवस दुष्काळाची दाहकता वाढत आहे. जनावरांना चारा-पाण्याचे संकट भीषण होत आहे. दुष्काळाच्या पार्श्‍वभूमीवर राज्यात चारा छावण्या सुरू करण्यात आल्या. ऑक्‍टोबर 2015 मध्ये मराठवाड्याचील चारा छावण्यांची संख्या केवळ बारा होती. पुढील चार महिन्यांत हा आकडा अडीचशेच्या जवळपास जाऊन पोचला. अत्यंत प्रतिकूल परिस्थितीमुळे शेतकरी जनावरे घेऊन छावणीकडे धाव घेत आहेत. त्यामुळेच आज दोन लाखांहून अधिक जनावरे छावणीच्या आश्रयात आहेत. नेमक्‍या अशा वेळी जनावरांचा हा आश्रयच काढून घेण्याच्या राज्य शासनाच्या निर्णयाचे आश्‍चर्य वाटते. डिसेंबर-जानेवारीमध्ये चारा छावणी चालकांची शिवारात चाऱ्यासाठी केवळ ऊसच उपलब्ध आहे, अशी ओरड सुरू होती. अशा वेळी नेमका आता चारा उपलब्ध झाला असून, शेतकरी छावणीतून जनावरे घेऊन जात असल्याच्या सबबीखाली चारा छावण्या बंदचा शासनाचा निर्णय कितपत योग्य आहे.
Thursday, February 18, 2016 AT 12:00 AM (IST)
जिद्द, प्रामाणिकता, चिकाटी, सातत्य व आधुनिक तांत्रिकता या बाबींचा वापर केल्यास अडीअडचणींवर मात करीत पोल्ट्री उद्योग यशस्वी करता येतो. सांगली जिल्ह्यातील विटा येथील शत्रूघ्न जाधव यांनी आपल्या कर्तृत्वातून ही बाब सिद्ध केली आहे. २० हजार पक्ष्यांपासून सुरू केलेला हा व्यवसाय त्यांनी ४० हजार पक्ष्यांपर्यंत विस्तारला आहे. त्यात शाश्वशता मिळवली आहे. सांगली जिल्ह्यातील खानापूर तालुक्‍यातील सुलतानगादे येथील शत्रुघ्न जाधव पोल्ट्री व्यवसायानिमित्त विटा येथे राहतात. विटा शहराची ओळख द्राक्षे, यंत्रमाग, पोल्ट्री व्यवसायासाठी आहे. गावात ९० हून अधिक पोल्ट्रीचा व्यवसाय करणारे व्यावसायिक आहेत. शत्रुघ्न यांनीही विज्ञान शाखेत पदवी घेतल्यानंतर १९९२ मध्ये पोल्ट्री व्यवसायाला खाद्य पुरवठा करणे, पोल्ट्रीतील अंडी गोळा करून ती बाजारात विकणे हा व्यवसाय सुरू केला. या निमित्ताने देशातील बाजारपेठांचा अभ्यास केला. बाजारातील चढ-उतार, त्यामुळे होणारे परिणाम यांची टिप्पणी ठेवण्याची सवय त्यांना लागली. त्यातून व्यवसायाचे अर्थकारण समजण्यास मदत झाली. मार्केटमधील व्यापाऱ्यांशी चांगली ओळख निर्माण झाली.
Wednesday, February 17, 2016 AT 12:00 AM (IST)
अंबड, जि. जालना ः अंबड- जालना रस्त्यावर फलक दिसला "निर्मल ग्राम पुरस्कार विजेते गाव मठ-पिंपळगाव स्वागत करीत आहे.' भाजप नेत्यांचे होर्डिंग. जवळच पाच-दहा जण चर्चेत रमलेले. मीही घोळक्‍यात बसलो. चर्चा दुष्काळाचीच होती. नारायण कचर बोलू लागले, ""भाऊ, जालना बॅंकेकडे पैसा नाही. गावातली स्टेट बॅंक कर्ज देत नाही. हैदराबाद बॅंक दारात येऊ देत नाही. पीक करू कसं? जगायचं कसं?'' शेजारी बोपेश सत्यकांडे बसले होते. चहाचा झुरका घेत म्हणाले, ""माझी पाच एकर शेती. मला कर्ज दिले पन्नास हजार. त्यात काय होणार? हे सरकार फक्त टीव्ही चॅनेलवर दुष्काळाची चर्चा करते. इथं लोक लागलेत मरायला.'' तासभर गप्पांत दुष्काळाचे नाना पैलू उलगडले. त्यांना म्हणले, का चला गावात जाऊ. गेलो असतो पण जालन्याला जायचे आहे, असे ते म्हणाले. मग एक मुलगा बरोबर घेऊन निघालो. दुष्काळाच्या दौऱ्यात निर्मल, स्वच्छ, सुंदर गाव ही कल्पनाच मनात उत्सुकता वाढवत होती. गाव काही येत नव्हते. तेवढ्यात दुर्गंधीचा उग्र दर्प जाणवला. भाऊ, गाव आले असे म्हणत मुलाने वर्दी दिली आणि तो रस्त्यातच उतरला. गावात प्रवेश करताच मुख्य रस्त्यावरच सगळी हागणदारी.
Wednesday, February 17, 2016 AT 12:00 AM (IST)
अकोला (प्रतिनिधी)- राज्यातील कृषी सहायक संवर्गाच्या प्रलंबित असलेल्या मागण्या शासनाकडून मान्य केल्या जात नसल्याने महाराष्ट्र राज्य कृषी सहायक संघटनेने 9 फेब्रुवारीपासून राज्यभर आंदोलन सुरू केले आहे. याची दखल घेत मागण्यांबाबत तोडगा काढण्यासाठी कृषिमंत्री एकनाथ खडसे यांनी बुधवारी (ता. 17) मुंबई येथे सकाळी साडेअकरा वाजता बैठक बोलविली आहे. यामध्ये मागण्यांबाबत तोडगा निघण्याची शक्‍यता व्यक्त होत आहे. कृषी सहायक, कृषी पर्यवेक्षक पदाच्या सेवा प्रवेश नियमात सुधारणा करून कृषी सहायकांना कृषी पर्यवेक्षकपदी सेवा ज्येष्ठतेनेच 100 टक्के पदोन्नतीची संधी मिळावी, कृषी सहायकांना पदोन्नती मिळावी यासह एकूण 18 मागण्यांसाठी राज्यात संघटनेने आंदोलन सुरू केले. याची दखल कृषिमंत्री खडसे यांनी घेतली आहे. मंत्रालयात बुधवारी कृषी आयुक्त, कृषी सहसंचालक (आस्थापना), महाराष्ट्र राज्य कृषी सहायक संघटनेचे सरचिटणीस विक्रांत परमार यांना उपस्थित राहण्याचे सुचविण्यात आले आहे. या वेळी संघटनेचे अध्यक्ष संदीप केवटे (सातारा), कार्याध्यक्ष संजय पाटील (सोलापूर), उपाध्यक्ष संजय घरत (ठाणे), कोशाध्यक्ष संजय एस.
Tuesday, February 16, 2016 AT 12:00 AM (IST)
अनंत तीर्थांचे माहेर। अनंत रूपांचे हे सार। अनंता अनंत अपार। तो हा कटी कर ठेवूनि उभा।। धन्य धन्य पांडुरंग । सकळ दोषा होय भंग। पूर्वज उद्धरती सांग। पंढरपूर देखिलिया।। निरा, भीवरा पडता दृष्टी। स्नान करिता शुद्ध सृष्टी। अंती तो वैकुंठप्राप्ती। ऐसें परमेष्टि बोलिला।। तेथे एक शित दिधल्या अन्न। कोटी कुळांचे होय उद्धरण। कोटी याग केले पूर्ण। ऐसे महिमान ये तीर्थांचे।। नामा म्हणे धन्य जन्म। जे धरिती पंढरीचा मान। तया अंती पुरुषोत्तम। जीवे भावे न विसंबे।। - संत नामदेव पंढरपूर म्हणजे पृथ्वीवरचे वैकुंठ. तीर्थाचे परम तीर्थ. भक्तिरंगाची पेठ. हे अवघ्या तत्त्वांचे परमतत्त्व अवघ्या सारांचे सार. अवघ्या संतांचं माहेरघर. कटेवर हात ठेवून उभा असलेला विठ्ठल हा मायबाप. या अभंगात संत नामदेव म्हणतात, ""पंढरपूर हे अनेक तीर्थांचे माहेर व अनंत रूपांचेही सार आहे. हा विठ्ठल अमर्याद आणि अनंत असून तो कमरेवर हात ठेवून येथे उभा आहे. पांडुरंग धन्य आहे, कारण त्याला पाहताक्षणीच सारे दोष नाहीसे होतात आणि पंढरीच्या दर्शनाने सर्व पूर्वजांचा उद्धार होतो. नीरा आणि भीवरा यांचे दर्शन घडताच आणि त्यात स्नान करताच सर्व जग पवित्र होते.
Tuesday, February 16, 2016 AT 12:00 AM (IST)
 
 
 
About Us | Contact Us | Advertise With Us | RSS
© Copyrights Agrowon.com - All rights reserved.
of
Powered By: