परभणी जिल्ह्यात २ लाख ६२ हजार शेतकऱ्यांची नोंदणी
माणिक रासवे
मंगळवार, 12 सप्टेंबर 2017

परभणी : छत्रपती शिवाजी महाराज शेतकरी सन्मान योजनेअंतर्गत कर्जमाफीसाठी आॅनलाइन अर्ज भरण्याकरिता शेवटचे काही दिवस शिल्लक राहिले आहेत. कर्जमाफीसाठी पात्र असलेल्या जिल्ह्यातील ६२ हजार ७५१ शेतकऱ्यांच्या नोंदणीचे काम शिल्लक आहे. शुक्रवारपर्यंत (ता. ८) परभणी जिल्ह्यातील २ लाख ६२ हजार २४९ शेतकऱ्यांनी आॅनलाइन नोंदणी केली आहे. एकूण १ लाख २४ हजार शेतकरी कुटुंबांनी कर्जमाफीचे अर्ज भरले आहेत, अशी माहिती जिल्हा उपनिबंधक (सहकारी संस्था) गणेश पुरी यांनी दिली.

परभणी : छत्रपती शिवाजी महाराज शेतकरी सन्मान योजनेअंतर्गत कर्जमाफीसाठी आॅनलाइन अर्ज भरण्याकरिता शेवटचे काही दिवस शिल्लक राहिले आहेत. कर्जमाफीसाठी पात्र असलेल्या जिल्ह्यातील ६२ हजार ७५१ शेतकऱ्यांच्या नोंदणीचे काम शिल्लक आहे. शुक्रवारपर्यंत (ता. ८) परभणी जिल्ह्यातील २ लाख ६२ हजार २४९ शेतकऱ्यांनी आॅनलाइन नोंदणी केली आहे. एकूण १ लाख २४ हजार शेतकरी कुटुंबांनी कर्जमाफीचे अर्ज भरले आहेत, अशी माहिती जिल्हा उपनिबंधक (सहकारी संस्था) गणेश पुरी यांनी दिली.

परभणी जिल्ह्यात ३ लाख ४७ हजार शेतकरी खातेदार आहेत. त्यापैकी ३ लाख २५ हजार शेतकरी विविध बॅंकांचे कर्जदार आहेत. यामध्ये १ लाख ५० हजार रुपये कर्ज असलेले १ लाख ९७ हजार शेतकरी, पुनर्गठन केलेले ८५ हजार शेतकरी आणि चालू बाकीदार ४३ हजार शेतकऱ्यांचा समावेश आहे.

जिल्ह्यातील महा-ई-सेवा केंद्र, आपले सरकार केंद्र, सामुदायिक सेवा केंद्र अशा एकूण ७३८ केंद्रांवर शेतकऱ्यांचा कर्जमाफी अर्ज आॅनलाइन भरण्याची सुविधा उपलब्ध करून दिली आहे. अनेक शेतकरी वैयक्तिकरीत्या आॅनलाइन अर्ज भरत आहेत. जिल्ह्यात प्रत्येक दिवशी १० ते ११ हजार शेतकरी नोंदणी करीत आहेत. गेल्या दिवसांत नोंदणी केलेल्या शेतकऱ्यांच्या संख्येत वाढ झाली असून, शेवटच्या चार दिवसांत उर्वरित शेतकऱ्यांची नोंदणी पूर्ण होईल, अशी अपेक्षा व्यक्त केली जात आहे.

ग्रामीण भागातील जनसुविधा केंद्रांवर भारनियमन, नेट कनेक्टिव्हिटीचा अभाव, सर्व्हर डाउन आदी कारणांमुळे कर्जमाफीचे अर्ज भरण्यासाठी शेतकऱ्‍यांना दिवस-दिवस ताटकळत बसावे लागत आहे. अनेक ठिकाणी रात्रभर थांबूनही अर्ज भरता येत नाहीत. अनेक ठिकाणी शेतकऱ्यांना भल्या पहाटे कुटुंबासह जनसुविधा केंद्र गाठावे लागत आहेत.

कर्जमाफीचे आॅनलाइन अर्ज भरण्यासाठी जनसुविधा केंद्रचालकांना प्रति अर्ज १० रुपये याप्रमाणे शुल्क देण्यात येत आहे. परंतु अनेक ठिकाणचे जनसुविधा केंद्रचालक ५० ते ३०० रुपये प्रतिअर्ज याप्रमाणे शेतकऱ्यांकडून पैसे उकळत आहेत. आॅनलाइन नोंदणीची पावती दिली जात नसल्याच्या तक्रारी शेतकऱ्यांमधून येत आहेत. शेतकऱ्यांच्या तक्रारी आल्यानंतर पाथरी तालुक्यातील दोन जनसुविधा केंद्रांवर कारवाई करण्यात आली.

आॅनलाइन अर्ज भरण्यासाठी शुक्रवार (ता. १५) पर्यंतची मुदत आहे. शेवटच्या पाच दिवसांत जनसुविधा केंद्रावरील गर्दी वाढणार आहे. या कालावधीत उर्वरित ६२ हजार २४९ शेतकऱ्यांची नोंदणी करून अर्ज भरण्याचे काम पूर्ण होणे आवश्यक आहे .अन्यथा तांत्रिक अडचणीमुळे अर्ज भरू न शकलेले शेतकरी कर्जमाफीच्या लाभापासून वंचित राहू शकतात.

इतर ताज्या घडामोडी
चार हजार एकरांतील बटाटा पीक गेले वायामंचर, जि. पुणे : आंबेगाव तालुक्‍यात सातगाव पठार...
मन्याड, बहुळा प्रकल्पांतील पाणीसाठ्यात... जळगाव : जिल्ह्यातील मृतसाठा स्थितीत गेलेले...
अकोला जिल्ह्यात करार तत्त्वावर पिकणार... अकोला ः केळीच्या उत्पादनासाठी जिल्ह्यातील अकोट...
तब्बल २५१ ग्रामपंचायतींचा वीजपुरवठा...जळगाव : जिल्हाभरातील जवळपास २५१...
साडेसहा हजार शेतकऱ्यांचे तुरीचे चुकारे...परभणी : नांदेड, परभणी, हिंगोली जिल्ह्यात यंदाच्या...
औरंगाबादमध्ये हिरवी मिरची १५०० ते १६००... औरंगाबाद : येथील कृषी उत्पन्न बाजार समितीमध्ये...
पर्यावरणपूरक उपायातून पोल्ट्री...कॅनडा : येथील अंडी व त्यापासून पदार्थांचा वापर...
हरभरा पीक प्रात्यक्षिकातून धुळ्याला...धुळे : राष्ट्रीय अन्न सुरक्षा अभियानांतर्गत...
बेळगाव जिल्ह्यात ऊसटंचाईने गाळप... संकेश्‍वर, कर्नाटक ः बेळगाव जिल्ह्यातील काही...
शेतमाल विपणन यंत्रणा बदलायला हवी ः मोदी नवी दिल्ली ः शेतकरी अनेक समस्यांना तोंड देत...
प्रशासनाला समजते आंदोलनांचीच भाषा अकोला ः शासनाने या हंगामात सुरवातीला हमीभाव व...
तुरळक ठिकाणी हलक्‍या सरींचा अंदाजपुणे ः सध्या राज्यात अनेक भागांतील हवेचा दाब 1004...
रयत क्रांतीसमोर संघटना बांधणीचे अाव्हान कोल्हापूर : कृषी राज्यमंत्री सदाभाऊ खोत यांनी...
साताऱ्यातील प्रमुख धरणांत ९३ टक्‍क्‍...सातारा : जिल्ह्यातील सर्वच धरणांच्या पाणलोट...
वऱ्हाडात पिकांचे नुकसान; प्रकल्पांतील...अकोला : गेल्या तीन दिवसांपासून ढगाळ वातावरण...
पालघर जिल्ह्यात पावसाने पिकांचे नुकसानवाडा, जि. पालघर  : तालुक्‍यात दोन दिवस...
खानदेशात पाऊस, वाऱ्यामुळे पूर्वहंगामी...जळगाव  ः जिल्ह्यासह नंदुरबार व धुळे...
कसमादे पट्टयात पावसामुळे कांदा पिकाला...देवळा, जि. नाशिक : येथील देवळा- चांदवडसह कसमादे...
नियमित कर्जदार शेतकऱ्यांच्या भावना...जळगाव : कर्जमाफीची प्रक्रिया शेतकऱ्यांसाठी राज्य...
सोलापूर जिल्ह्यातील भीमा, सीना...सोलापूर  ः पुणे जिल्ह्याकडून उजनी धरणाच्या...