agiculture news in marathi, cotton crop damage | Agrowon

जळगाव जिल्ह्यात कपाशीचे पीक हातचे जाण्याची शक्‍यता
चंद्रकांत जाधव
शनिवार, 9 सप्टेंबर 2017
जळगाव : जिल्ह्यात बोदवड, मुक्ताईनगर व जामनेरमधील विविध भागांमधील हलक्‍या जमिनीच्या भागात पावसाने दडी मारल्याने पिकांची स्थिती नाजूक बनत आहे. पुढील काळात पाऊस आला नाही तर कापसाचे पीकही हातचे जाईल की काय, अशी स्थिती आहे.
जळगाव : जिल्ह्यात बोदवड, मुक्ताईनगर व जामनेरमधील विविध भागांमधील हलक्‍या जमिनीच्या भागात पावसाने दडी मारल्याने पिकांची स्थिती नाजूक बनत आहे. पुढील काळात पाऊस आला नाही तर कापसाचे पीकही हातचे जाईल की काय, अशी स्थिती आहे.
सोयाबीन, कापूस, मका या पिकांना पाण्याची नितांत गरज आहे. परंतु मागील १२ ते १३ दिवसांपासून पाऊस झालेला नाही. मुक्ताईनगरमधील पूर्व व दक्षिण भाग, बोदवडमधील पूर्व व पश्‍चिम भाग आणि जामनेरातील पूर्व भागातील गावांमध्ये हलकी, मुरमाड जमीन आहे. या भागात जेवढा अधिक पाऊस असतो तेवढी जोमात पिके येतात. पाच- सहा दिवसही पाऊस झाला नाही तर पिकांच्या वाढीवर, फळे, फुले लावण्याच्या प्रक्रियेवर परिणाम होतो. 
 
मागील पाच- सहा दिवसांपासून कडक ऊन पडत आहे. त्यात हलक्‍या जमिनींमधील ओलावा लागलीच दूर झाला. उष्णता वाढल्याने पिकांना पाण्याची गरज निर्माण झाली आहे. ढगाळ वातावरण राहिले तर पिकांना फारशी पाण्याची गरज नसते. पण ऊन असले तर पिके माना टाकतात. यातच या भागात कृत्रिम जलसाठ्यांची स्थिती बिकट आहे. त्यांना हवा तसा पाऊस यंदा मिळाला नाही. पीक जेमतेम तग धरून होते, त्यातच पुन्हा एकदा पाऊस गायब झाल्याने हळूहळू स्थिती बिकट बनत आहे.
या तालुक्‍यांमध्ये कापूस हे प्रमुख पीक आहे. त्याची वाढ खुंटली असून, फुलगळ, पातेगळ सुरू आहे. परिणामी शेतकऱ्यांचे नुकसान होत आहे. ज्या शेतकऱ्यांकडे कृत्रिम जलसाठे आहेत त्यांनी सिंचन सुरू केले आहे. काही कापूस उत्पादकांकडे सूक्ष्म सिंचन प्रणाली असल्याने त्यांना सिंचन करणे सुकर आहे. परंतु सूक्ष्म सिंचन प्रणाली नसलेल्या शेतकऱ्यांना एक आड एक सरीत पट पद्धतीने सिंचन करावे लागत आहे.
 
आमच्याकडे पिकांची स्थिती सुरवातीपासून नाजूक आहे. त्यात पुन्हा एकदा पावसाने दडी मारली आहे. कापसाचे पीक माना टाकू लागले आहे. पावसाची नितांत गरज आहे, अशी माहिती बोदवड येथील शेतकरी नाना पाटील यांनी दिली.

इतर ताज्या घडामोडी
नांदेड, परभणी, हिंगोलीत लांबणीवर पडलेली...नांदेड ः नांदेड, परभणी, हिंगोली जिल्ह्यांमध्ये...
हिंगोली जिल्ह्यात ९४ हजार हेक्टरवर पेरणीहिंगोलीः जिल्ह्यात बुधवार (ता. २०) पर्यंत ९४ हजार...
नगर जिल्ह्यात चांगल्या पावसाची ४२...नगर ः नगर जिल्ह्यामधील बहुतांश भागात शनिवारी (ता...
खत व्यवस्थापनासाठी शासनाच्या विविध योजनापीक उत्पादनवाढीसाठी जमिनीची सुपीकता महत्त्वाची...
धुळे जिल्ह्यात डाळिंब पिकासाठी विमा...देऊर, जि. धुळे : हवामानवर आधारित फळपीक योजना २०१७...
राष्ट्रीयीकृत बॅंकांच्या पीककर्जाबाबत...कोल्हापूर : संपन्न असणाऱ्या कोल्हापूर जिल्ह्यातही...
गूळ उद्योजकांना एकत्र करण्यासाठी शाहू...कोल्हापूर : राज्यातील गूळ उद्योजकांना एकत्र करून...
पीककर्ज : महसूल संघटनेचा ‘एसबीआय’ला...यवतमाळ : स्टेट बॅंक आँफ इंडियामधून महसूल कर्मचारी...
सर्वच शेतमाल नियंत्रणमुक्त करण्याची गरज...पुणे ः फळे भाजीपाला नियमनमुक्त केल्यामुळे शेतमाल...
स्वयंचलित हवामान केंद्राचे बोरी बुद्रुक...आळेफाटा, जि. पुणे : अॅग्रोवन स्मार्ट प्रकल्पात...
फडणवीस सरकार करणार ५० सामाजिक सेवा करारमुंबई : निवडणुकांना काही महिन्यांचा अवधी उरला...
शिक्षक, पदवीधरसाठी आज मतदानमुंबई : सत्ताधारी भाजप आणि शिवसेनेची प्रतिष्ठा...
...तर विद्यार्थ्यांना निम्मे शुल्क...मुंबई : कृषीसह वैद्यकीय व इतर व्यावसायिक...
एकात्मिक खत व्यवस्थापनावर भरशेतकरी ः योगेश रामदास घुले गाव ः गिरणारे (ता. जि...
व्यंग्यचित्रकार लहू काळे यांची ‘इंडिया...पुणे : शेतकऱ्यांच्या जीवनावर सर्वाधिक...
युरोपीय महासंघाने तयार केला...युरोपीय महासंघाच्या संयुक्त संशोधन केंद्राच्या...
उस्मानाबाद, नांदेड, लातूर, हिंगोली...औरंगाबाद : मराठवाड्यातील बहुतांश भागात शनिवारी (...
शाश्वत विकासासाठी ग्राम सामाजिक...औरंगाबाद ः ग्रामीण भागात मूलभूत सोयी सुविधांच्या...
पीककर्जासाठी टाळाटाळ केल्यास कारवाई :...कोल्हापूर : यंदाच्या खरीप हंगामात पीककर्ज वाटपात...
`विश्वास`चे सात लाख टनांपेक्षा जास्त...शिराळा, जि. सांगली : विश्वास साखर कारखाना २०१८-...