agiculture news in marathi, sugar factory, Nashik, Niphad | Agrowon

नाशिक, निफाड कारखान्यांच्या विक्रीला ‘ब्रेक’ ?
ज्ञानेश उगले
शनिवार, 9 सप्टेंबर 2017
नाशिक  : आर्थिक संकटात सापडलेल्या तसेच अवसायनात निघालेल्या सहकारी साखर कारखान्यांची मालमत्ता सहकारी विकास महामंडळाच्या माध्यमातून संपादित करून हे कारखाने भाडेतत्त्वावर चालविण्यास देण्याचा निर्णय राज्याच्या सहकार विभागाने घेतल्याने नाशिक आणि निफाड या दोन सहकारी साखर कारखान्यांच्या विक्रीला ब्रेक मिळण्याचे संकेत आहेत. या निर्णयानंतर जिल्हा मध्यवर्ती सहकारी बॅंकेची भूमिका महत्त्वाची ठरणार आहे.
 
नाशिक  : आर्थिक संकटात सापडलेल्या तसेच अवसायनात निघालेल्या सहकारी साखर कारखान्यांची मालमत्ता सहकारी विकास महामंडळाच्या माध्यमातून संपादित करून हे कारखाने भाडेतत्त्वावर चालविण्यास देण्याचा निर्णय राज्याच्या सहकार विभागाने घेतल्याने नाशिक आणि निफाड या दोन सहकारी साखर कारखान्यांच्या विक्रीला ब्रेक मिळण्याचे संकेत आहेत. या निर्णयानंतर जिल्हा मध्यवर्ती सहकारी बॅंकेची भूमिका महत्त्वाची ठरणार आहे.
 
राज्यात एकूण १७५ सहकारी साखर कारखाने असून, त्यापैकी ९३ कारखाने सद्यःस्थितीत सुरू आहेत. ३३ कारखान्यांची सरफेसी कायद्यांतर्गत विक्री झाली आहे. सहा कारखान्यांची त्यावेळची परिस्थिती पाहून सरकारी पातळीवरून विक्री झाली आहे. तीन कारखान्यांचे खासगी कारखान्यांमध्ये रूपांतर झाले असून, ४० कारखाने हे उसाची उपलब्धता नसणे, अधिक उत्पादन खर्च, अनावश्‍यक कामगार भरती, यंत्रसामग्रीचा अकार्यक्षम वापर, आर्थिक नियोजन व व्यावसायिक दृष्टिकोनाचा अभाव या कारणांमुळे सद्यःस्थितीत बंद आहेत.
 
नाशिक जिल्ह्यातील सहकार तत्त्वावरील रानवड साखर कारखाना भाडेतत्त्वावर रडतखडत का होईना सुरू आहे. निफाड आणि नाशिक हे दोन्ही कारखाने कर्जाच्या ओझ्याखाली दबले गेल्याने आर्थिक संकटात आहेत. तीन वर्षांपासून गाळपही बंद आहे. हे दोन कारखाने जिल्हा बॅंकेने थकीत कर्जाच्या वसुलीसाठी ताब्यात घेतले असून, विक्रीची प्रक्रियाही सुरू झाली आहे. मात्र या कारखान्यांना अभय मिळण्याची आशा निर्माण झाली आहे.
 
८ जूनला मुख्यमंत्र्यांच्या उपस्थितीत झालेल्या बैठकीत आर्थिकदृष्ट्या आजारी तथा अवसायनात असलेल्या सहकारी साखर कारखान्यांची मालमत्ता राज्य सहकारी विकास महामंडळाच्या माध्यमातून संपादित करून कारखाने भाडेतत्त्वावर चालविण्यास देण्याचा निर्णय घेण्यात आला आहे. म्हणजे सरफेसी कायद्यांतर्गत संबंधित बॅंकेने जप्त केलेल्या सहकारी साखर कारखान्यांची यादी करून त्यांचे आर्थिक व तांत्रिकदृष्ट्या मूल्यांकन करण्यासाठी समिती स्थापन करण्यात आली आहे.
 
साखर आयुक्त या समितीचे अध्यक्ष असून, राज्य सहकारी बॅंकेचे कार्यकारी संचालक प्रमोद कर्नाड, नाबार्डचे सरव्यवस्थापक, वसंतदादा साखर संशोधन संस्थेचे मुख्य कार्यकारी अभियंता के. आर. पाटील हे सदस्य तर सहकार विकास महामंडळाचे महाव्यवस्थापक मिलिंद आकरे हे सदस्य सचिव आहेत. राज्य सहकारी बॅंकेने अथवा अन्य वित्तीय संस्थेने सरफेसी कायद्यांतर्गत राज्यातील ताब्यात घेतलेल्या अशा कारखान्यांची जमीन, यंत्रसामग्री, इमारत आदी बाबींचे तांत्रिक व आर्थिक मूल्यांकन ही समिती करणार आहे.
कारखाना संपादित करणे भविष्यात फायदेशीर होईल की नाही, यासंबंधी सरकारला शिफारस करण्याचे कामही समिती करणार आहे. तसेच कारखाना सुरू करावयाचा झाल्यास किती निधी लागेल, या संदर्भातील अहवाल सरकारला सादर केला जाणार आहे. समितीने सर्वंकष आढावा घेऊन अहवाल पंधरा दिवसांत सरकार करणे आवश्‍यक आहे.अशी माहिती सूत्रांनी दिली.

इतर ताज्या घडामोडी
भाजपत दोघांचीच मनमानी : यशवंत सिन्हापुणे : सध्या लोकशाही धोक्यात आणणा-या भाजपची घमेंड...
सरकार स्थापनेनंतर लगेचच शेतकऱ्यांना...नवी दिल्ली : छत्तीसगड, राजस्थानमध्ये कॉंग्रेसचे...
शाश्वत भविष्यासाठी अन्न पद्धतीमध्ये...सन २०५० पर्यंत जगाची लोकसंख्या सुमारे १० अब्ज...
परभणीत प्रतिटन २२०० रुपये ऊसदरासाठी ‘...परभणी ः गंगाखेड शुगर्स साखर कारखान्याने गेल्या...
नांदेड, परभणी, हिंगोलीत 'शेतीमाल तारण'...नांदेड ः शेतीमाल तारण योजनेअंतर्गत नांदेड, परभणी...
कोल्हापूर जिल्ह्यात लाळ्या खुरकूतचा...कोल्हापूर : जिल्ह्यात लाळ्या खुरकूत रोगाने थैमान...
औरंगाबादेत गटशेती संघाचे पहिले विभागीय...औरंगाबाद : ‘शेतकऱ्यांनी शेतकऱ्यांसाठी...
शेतकरीप्रश्‍नी राष्ट्रवादी कॉंग्रेसचा...टाकळी राजेराय, जि. औरंगाबाद ः सध्या असलेल्या...
जळगाव जिल्ह्यातील वाळूठेक्‍यांवरील बंदी...जळगाव : नागपूर खंडपीठाने स्थगिती उठविल्याने...
गाळपेराची कार्यवाही तात्काळ पूर्ण करा नाशिक : नाशिक जिल्ह्यात जूनपर्यंत पुरेल एवढा चारा...
निकम समितीचा अहवाल बाहेर निघण्याची...पुणे  : जलयुक्त शिवार योजनेत कृषी विभागाने...
मराठा जातप्रमाणपत्र वितरणातील संभ्रम...पुणे  : मराठा समाजाला शासकीय जातप्रमाणपत्र...
शेतकरी संघटना अधिवेशन : 'निसर्ग कमी, पण...शिर्डी, जि. नगर  : पोळ्यापासून पाऊस नाही,...
जमीन अधिग्रहणाविरोधात...कोल्हापूर  : रत्नागिरी-नागपूर व विजापूर-...
घटनादुरुस्तीनंतरचे कायदे शेतकऱ्यांसाठी...शिर्डी, जि. नगर  ः शेतकऱ्यांसंबंधी केलेले...
तीन हजार कोटी खर्चूनही बेंबळा प्रकल्प...यवतमाळ   ः चार तालुक्‍यांतील शेतीसाठी वरदान...
अकोट बाजारात कापसाला ५८०० रुपयांपर्यंत...अकोला  ः वऱ्हाडातील कापसाची प्रमुख बाजारपेठ...
नगर जिल्ह्यात ३८ हजार हेक्‍टरवर कांदा...नगर   ः जिल्ह्यातील बहुतांश भागात दुष्काळी...
फूल प्रक्रियेसाठी उद्योग उभारण्याची गरज...पुणे   ः पांरपरिक शेतीमधून शेतकऱ्यांचे...
कळमणा बाजारात गहू प्रतिक्‍विंटल २५०० ते...नागपूर ः नागपूर बाजार समितीत मंगळवारी (ता. ११)...