agiculture stories in marathi, agrowon, water shortage in varhad | Agrowon

वऱ्हाडात पाणीटंचाईचे सावट
गोपाल हागे
सोमवार, 11 सप्टेंबर 2017
अकोला : पावसाचे तीन महिने लोटले तरी सरासरीइतकाही पाऊस झाला नसल्याने वऱ्हाडातील तीनही जिल्ह्यांवर पाणीटंचाईचे सावट उभे राहले आहे. या जिल्ह्यांमधील जलसाठ्यांची स्थिती चिंताजनक बनत चालली आहे. जोरदार पाऊस न झाल्यास दिवाळीनंतरच टँकरने पाणीपुरवठा करण्याच्या मागणीत वाढ होण्याची शक्यता आहे. 
 
अकोला : पावसाचे तीन महिने लोटले तरी सरासरीइतकाही पाऊस झाला नसल्याने वऱ्हाडातील तीनही जिल्ह्यांवर पाणीटंचाईचे सावट उभे राहले आहे. या जिल्ह्यांमधील जलसाठ्यांची स्थिती चिंताजनक बनत चालली आहे. जोरदार पाऊस न झाल्यास दिवाळीनंतरच टँकरने पाणीपुरवठा करण्याच्या मागणीत वाढ होण्याची शक्यता आहे. 
 
वाशीम जिल्ह्यातील मध्यम व लघू अशा १२६ प्रकल्पांत मिळून केवळ १९.७७ टक्के उपयुक्त पाणीसाठा शिल्लक आहे. या जिल्ह्यातील ४० हून अधिक प्रकल्प कोरडे पडले आहेत. अकोला जिल्ह्यातील खारपाण पट्ट्यातील ६१ गावांना ४५ टॅंकरद्वारे पाणीपुरवठा करण्याचा आदेश जिल्हाधिकारी आस्तिककुमार पाण्डेय यांनी दिले आहेत. 
 
बुलडाणा जिल्ह्यातील १४० गावांत पाणीटंचाई असून, ती दूर करण्यासाठी विविध उपाययोजना केल्या जात आहेत.अकोला जिल्ह्यात कमी पावसामुळे प्रकल्प कोरडे पडत आहेत. महान या मोठ्या प्रकल्पात अत्यल्प पाणीसाठा असल्याने या प्रकल्पावर अवलंबून असलेली खांबोरा प्रादेशिक पाणीपुरवठा योजना बंद पडली आहे. यामुळे ६१ गावांना पाणी समस्येला तोंड द्यावे लागते आहे. या गावांमधून जिल्हा प्रशासनाकडे पाणी समस्या सोडविण्याची सातत्याने मागणी केली जात आहे. यासाठी आता टँकरचा आधार घेतला जाणार आहे.
 
महान धरणातून पुरवठा बंद झाल्यावर खांबोराजवळील उन्नई बंधाऱ्यातून आठ दिवसाआड पाणीपुरवठा करण्यात येत होता; परंतु याही बंधाऱ्यातील पाणी संपल्याने खांबोरा प्रादेशिक पाणीपुरवठा योजनेअंतर्गत गावांचा पाणीपुरवठा ७ ऑगस्टपासून बंद झाला आहे. यामुळे आता ६१ गावांना टँकरद्वारे पाणीपुरवठा केला जाईल. 
 
या मोसमात पावसाळ्याचा चौथा महिना सुरू होऊनही पावसाने सरासरी गाठलेली नाही. परिणामी वाशीम जिल्ह्यातील मध्यम आणि लघू मिळून १२६ प्रकल्पांतील पाणीसाठा वाढलेला नाही. जिल्ह्यातील ४०  पेक्षा अधिक प्रकल्प कोरडे आहेत. जिल्ह्यात यंदा वार्षिक सरासरीच्या तुलनेत केवळ ६२.१९ टक्के पाऊस झाला. कमी पर्जन्यमानामुळे ३ मध्यम आणि १२३ लघू प्रकल्पांसह बॅरेजेस मिळून एकूण १२६ प्रकल्पांत केवळ १९.७७ टक्के पाणीसाठा शिल्लक आहे.

मागील नऊ वर्षांतील स्थिती पाहता यंदा टंचाईचे सावट अधिक तीव्र आहे. जिल्ह्यातील एकूण १२६ प्रकल्पांची उपयुक्त पाण्याची टक्केवारी १९.७७ असली, तरी त्यामधील ४४ प्रकल्पांत शून्य टक्के पाणीसाठा आहे. हे प्रकल्प कोरडे आहेत. त्याशिवाय १३ प्रकल्पांत ५ टक्क्यांपेक्षा कमी पाणीसाठा आहे, तर ८ प्रकल्पांत १० टक्क्यांच्या आत उपयुक्त पाणीसाठा शिल्लक आहे. 

 
कमी पावसामुळे बुलडाणा जिल्ह्यातील विविध प्रकल्पात अल्पसाठा आहे. सध्या टंचाईग्रस्त १४० गावे असून, तेथील ही पाणीटंचाई दूर करण्यासाठी ९७ हातपंपांचा आधार घ्यावा लागत आहे. बुलडाणा जिल्ह्यातील पावसाची सरासरी ७१२.७ मिमी असताना या वर्षी आजपर्यंत केवळ ४९५.६ मिमी म्हणजे सरासरीच्या ६९.९३ टक्के पाऊस झाला आहे. हा पाऊस अल्प असून, जिल्ह्यातील विविध प्रकल्पांत अल्प प्रमाणात पाणीसाठा झाला आहे.

इतर अॅग्रो विशेष
मराठवाड्यातील ८६४ प्रकल्पांत ३३ टक्‍केच...औरंगाबाद : मराठवाड्यातील पाणीसाठ्यांमधील उपयुक्‍त...
ऊस ठिबक योजनेसाठी लेखापरीक्षकाची नेमणूक पुणे : राज्यात ऊस लागवडीसाठी ठिबक अनुदान...
इथेनॉलमधील फरक ओळखण्यासाठी यंत्रणानवी दिल्ली ः देशात तीन प्रकारच्या मोलॅसिसपासून...
‘ग्लायफोसेट’वर बंदी नाहीपुणे : मानवी आरोग्याला धोकादायक असल्याचा कोणताही...
विदर्भात पावसाची दमदार हजेरीपुणे : बंगालच्या उपसागरातील ‘दाये’ वादळाने बाष्प...
बचत गटांतून मिळाली विकासाला उभारीअस्तगाव (ता. राहाता, जि. नगर) हा तसा सधन परिसर....
कांदाचाळीसाठी सव्वाशे कोटींचा निधीनगर  ः एकात्मिक फलोत्पादन विकास...
शेती, आरोग्य अन्‌ शिक्षणाचा जागरगावाच्या शाश्वत विकासासाठी शेती, आरोग्य, शिक्षण...
महाराष्ट्राची सिंचनक्षमता आता 40 लाख...मुंबई - शेतीयोग्य जमिनीतील केवळ 18 टक्‍के...
देशात ऊस लागवड 51.9 लाख हेक्टरवरनवी दिल्ली ः मागील वर्षी अतिरिक्त साखर...
देशातील कृषी संशोधन व्यवस्था खिळखिळी...पुणे: केंद्र सरकारने देशातील १०३ पैकी ६१...
मराठवाड्यात ३५ टक्के खरिप पीककर्ज वाटपऔरंगाबाद : मराठवाड्यात खरीप पीककर्ज वाटप...
सुधारित तंत्राद्वारे केली केळी शेती...ब्राह्मणपुरी (ता. शहादा, जि. नंदुरबार) येथील...
पाणी अडवले, पाणी जिरवले पाण्याचे संकट...नांदेड जिल्ह्यातील तालुक्याचे ठिकाण असलेल्या...
राज्यात पाच कीटकनाशके विक्रीला दोन...अकोलाः राज्यात कीटकनाशक फवारणीद्वारे विषबाधा...
उत्तर महाराष्ट्र, उत्तर कोकणात...पुणे : बंगालच्या उपसागरातील ‘दाये’ चक्रीवादळाने...
अकोला कृषी विद्यापीठात ड्रोनद्वारे...नागपूर ः ड्रोनद्वारे फवारणीचा राज्यातील पहिला...
विदर्भात आज अतिवृष्टीचा इशारा पुणे ः बंगालच्या उपसागरात तयार झालेल्या कमी दाब...
राज्यातील १७ जिल्हे दुष्काळाच्या छायेतमुंबई ः राज्यात मॉन्सूनचे आगमन झाल्यानंतर अनेक...
प्रयत्नवादातून उभारलेला बेकर्स वेव्ह...वडगाव मावळ तालुक्यातील (जि. पुणे) दिवड येथील...