पुणे जिल्ह्यातील दुष्काळी पट्ट्याला पावसाचा दिलासा

rain in pune district
rain in pune district
पुणे  गत दोन ते तीन दिवसांपूर्वी पुणे जिल्ह्यातील अनेक भागात जोरदार पाऊस झाला. विशेष म्हणजे दुष्काळी असलेल्या पूर्वेकडील बारामती, इंदापूर, पुरंदर, शिरूर तालुक्‍यातही चांगला पाऊस झाला. त्यामुळे पूर्वेकडील भागातील तूर, बाजरी, मूग, उडीद, तर पश्‍चिमेकडील भात पिकाला चांगला फायदा झाला असून, ही पिके वाढीच्या अवस्थेत आहे.   
पुणे जिल्ह्यात गेल्या आठवड्यापासून पावसाने उघडीप दिली आहे. गुरुवारी (ता. ७) देखील दिवसभर ऊन पडले होते; परंतु दुपारनंतर अचानक ढग भरून आले. त्यानंतर जिल्ह्यातील अनेक भागात मध्यम स्वरूपाचा पाऊस पडला. शुक्रवारी अशीच काहीशी स्थिती होती. शनिवारी पावसाने उघडीप दिल्याचे चित्र होते; परंतु पश्‍चिमेकडील मावळ, मुळशी, भोर, वेल्हा तालुक्‍याच्या काही भागात हलक्‍या स्वरूपात पाऊस झाला. पूर्वेकडील बारामती, इंदापूर, पुरंदर तालुक्‍यातील काही ठिकाणी मुसळधार पाऊस पडला. त्यामुळे काही ठिकाणी पिकांचे नुकसान झाले; परंतु काही पिकांना दिलासा मिळाल्याने पिके जोमाने वाढत आहेत.   
मुसळधार पावसामुळे बारामती, इंदापूर, पुरंदर, दौंड तालुक्‍यातील ओढे, नाले, नद्याही दुथडी भरून वाहिल्या. पश्‍चिमेकडील मावळ, मुळशी,भोर, वेल्हा तालुक्‍यातही हलका ते मध्यम स्वरूपाचा पाऊस पडल्याने भात पिकांना चांगलाच दिलासा मिळाला आहे.   
 
मंडलनिहाय शनिवारी (ता. ९) सकाळपर्यंत झालेला पाऊस (मिमी)  :  हवेली ः पुणे शहर ०.९, भोसरी ११, चिंचवड ३२.  मुळशी  ः पौड १२, मळे १४ मुठे १५, पिरंगुट ४.  भोर ः भोर ८, भोळावडे ८, नसरापूर २, किकवी ४, संगमनेर २, निगुडघर १.  वडगाव मावळ ः वडगाव मावळ २३, तळेगाव २१, काले १५, कार्ला ४, खडकाळा १५, लोणावळा ४, शिवने ९.  वेल्हा ः वेल्हा ४, पानशेत ५, विंझर ३, आंबवणे ३.  जुन्नर ः जुन्नर १, नारायणगाव ७. खेड ः वाडा ३६, कुडे ४०, पाईट १५, कडुस १.  दौंड ः राहू २.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com