agricultur news in marathi, farmers not get payment of tur and gram procurement, jalgaon, maharashtra | Agrowon

जळगावमधील तूर, हरभरा उत्पादकांना चुकारे नाहीच
टीम अॅग्रोवन
बुधवार, 20 जून 2018

जळगाव : जिल्ह्यात सुमारे ६८ हजार क्विंटल तूर आणि सुमारे ९० हजार क्विंटल हरभऱ्याची शासकीय केंद्रात खरेदी झाली असून, यातील सुमारे २५ टक्के तूर व हरभरा उत्पादक शेतकऱ्यांचे चुकारे प्राप्त झालेले नसल्याची माहिती मिळाली आहे.

जळगाव : जिल्ह्यात सुमारे ६८ हजार क्विंटल तूर आणि सुमारे ९० हजार क्विंटल हरभऱ्याची शासकीय केंद्रात खरेदी झाली असून, यातील सुमारे २५ टक्के तूर व हरभरा उत्पादक शेतकऱ्यांचे चुकारे प्राप्त झालेले नसल्याची माहिती मिळाली आहे.

हरभरा खरेदी मागील आठवड्यातच बंद झाली तर तूर खरेदी मागील महिन्यात बंद झाली. असे असतानाही शासकीय खरेदी केंद्रात तूर विक्री केलेल्या अनेक तूर उत्पादकांना चुकारे मिळालेले नाहीत. मार्केटिंग फेडरेशनच्या वरिष्ठ कार्यालयाकडून यासंदर्भात ठोस कार्यवाही होत नसल्याची माहिती आहे. तूर उत्पादकांची सुमारे दोन कोटी रुपयांची रक्कम अडकली आहे, तर हरभरा उत्पादकांची सुमारे अडीच कोटी रुपये रक्कम प्राप्त झालेली नाही.

संबंधित तूर किंवा हरभरा उत्पादक या चुकाऱ्यांसाठी तालुक्‍याच्या ठिकाणी शेतकी संघात जातात. परंतु, शेतकी संघाकडून समाधानकारक माहिती दिली जात नाही. जिल्ह्यात नऊ ठिकाणी तूर खरेदी केंद्र सुरू होते, तर १२ ठिकाणी हरभरा खरेदी केंद्र संबंधित तालुक्‍यातील शेतकी संघांनी सुरू केले होते. तूर खरेदी बंद होऊन अनेक दिवस झाले तरी चुकारे कसे मिळत नाहीत, असा प्रश्‍न शेतकऱ्यांनी उपस्थित केला आहे.

तुरीची ५४५० रुपये व हरभऱ्याची ४४०० रुपये प्रतिक्विंटल या दरात खरेदी करण्यात आली. काही शेतकऱ्यांनी उशिरा तूर विक्री केली तरी त्यांचे चुकारे त्यांच्या बॅंक खात्यात आले आहेत. सध्या खरीप हंगामाचे दिवस आहेत. हाती पैसा हवा आहे. पीक कर्जही अनेक जणांना मिळालेले नाही. अशा स्थितीत तातडीने तूर व हरभऱ्याचे चुकारे मिळावेत, अशी मागणी शेतकऱ्यांनी केली आहे. निम्म्या तूर व हरभरा उत्पादकांना चुकारे दिले आहेत. लवकरच त्यासंबंधी निधी आणखी मिळेल. त्याचे वाटप होईल, असे स्पष्टीकरण मार्केटिंग फेडरेशनने दिले आहे.

इतर ताज्या घडामोडी
जळगावात दादरला ३१०० रुपयांपर्यंत दरजळगाव ः कृषी उत्पन्न बाजार समितीमध्ये दादरची (...
भारतीयांच्या पचनसंस्थेतील...भारतीय लोकांच्या पचनसंस्थेमध्ये कार्यरत...
अमरावती विभागाला पाणीटंचाईच्या झळाबुलडाणा : कमी पावसामुळे अमरावती विभागातील...
तूर विक्रीच्या नोंदणीकडे शेतकऱ्यांची...अकोला  : या हंगामात शेतकऱ्यांनी पिकविलेल्या...
शेतकरी, जवान अडचणीत : भुजबळनाशिक : सध्याच्या सरकारच्या काळात देशातील...
दुष्काळात खचू नका, शासन पाठीशी :...सोलापूर : दुष्काळी परिस्थितीमुळे पाणी,...
शेतकऱ्यांच्‍या थकवलेल्या पैशांची...पुणे ः शेतीमालाचा लिलाव झाल्यानंतर २४ तासांत पैसे...
नगर जिल्हा परिषदेचा यंदा ४४ कोटी...नगर : जिल्हा परिषदेत सोमवारी झालेल्या सर्वसाधारण...
नांदेड परिमंडळात सौर कृषिपंप योजनेसाठी...नांदेड ः मुख्यमंत्री सौर कृषिपंप योजनेअंतर्गत...
शेतीमाल तारण योजनेत ४०६ शेतकऱ्यांनी...औरंगाबाद : मराठवाड्यातील जालना, परभणी व हिंगोली...
ऊस उत्पादक शेतकरी देणार शहिदांच्या...कोल्हापूर : पुलवामा जिल्ह्यातील दहशतवादी हल्ल्यात...
तूर खरेदीतील अनागोंदीविरुद्ध आंदोलनअकोला  ः जिल्ह्यातील बार्शीटाकळी तालुक्यात...
'पुलवामा'चा सूत्रधार काश्‍मीरमध्येच?नवी दिल्ली : पुलवामामधील दहशतवादी हल्ल्याचा...
उन्हाळी पिकातील खतांचे व्यवस्थापनउन्हाळी हंगामात प्रामुख्याने भुईमूग, सूर्यफूल,...
केम प्रकल्पाला लागली भ्रष्टाचाराची वाळवीअमरावती : अंमलबजावणीपेक्षा गैरव्यवहार व...
‘पेंच’ लाभक्षेत्रातील शेतकऱ्यांना १३...नागपूर : मध्य प्रदेशातील चौराई प्रकल्पामुळे पेंच...
‘एसटी’साठी जागा आठ हजार अन्‌ अर्ज ४१...सोलापूर : राज्य परिवहन महामंडळात चालक व...
दररोजचा दोनशे टन द्राक्षपुरवठा ठप्पपिंपळगाव बसवंत, जि. नाशिक : जम्मू-काश्‍...
'देशात आयात होणाऱ्या सोयाबीनवर बंदी...पुणे : देशांतर्गत दर वाढत असल्याने...
बांबू उत्पादन, गुंतवणूक संधीसाठी...मुंबई : देशातील बांबू लागवडीला चालना देण्याबरोबरच...