पर्यावरणपूरक उपायातून पोल्ट्री उद्योगातील समस्यांवर मात

पोल्ट्री
पोल्ट्री

कॅनडा : येथील अंडी व त्यापासून पदार्थांचा वापर २०१० पासून वेगाने वाढत आहे. त्यामुळे पोल्ट्री आणि अंडी उत्पादन हा उद्योग दरवर्षी एक अब्जापेक्षा अधिक नफा कमावणारा उद्योग ठरला आहे. अशा वेळी त्यातून निर्माण होणाऱ्या पर्यावरणीय समस्यांचा वेध घेण्याचा व त्यातील समस्यांवर उत्तर शोधणारा अभ्यास पर्यावरणीय अर्थशास्त्रज्ञ नॅथन पेल्लेटीअर यांनी केला आहे. त्याचे निष्कर्ष जर्नल ऑफ क्लीनर प्रोडक्शन या संशोधनपत्रिकेमध्ये प्रकाशित करण्यात आले आहेत.

जगभरातील लोक सेंद्रिय आणि व्हेगान खाद्य पदार्थांकडे वळत आहे. अशा वेळी पोल्ट्रीमध्येही व्हेगान किंवा सेंद्रिय चिकन पशुखाद्य देऊन ‘युनिव्हर्सिटी ऑफ ब्रिटिश कोलंबिया’ येथील संशोधकांनी प्रयोग केले आहेत. या प्रकारच्या पशुखाद्यामुळे पर्यावरणावरील ताण कमी होण्यास मदत होऊ शकतो. येथील पर्यावरणीय अर्थशास्त्रज्ञ नॅथन पेल्लेटीअर यांनी सांगितले, की कॅनडामध्ये लेअर पोल्ट्री उद्योगामध्ये सुमारे एक हजार प्रमाणित फार्म आहेत. ते ७० दशलक्ष टनापेक्षा अधिक अंडी उत्पादन करतात. अंडी उत्पादनाच्या संधी आणि आव्हानांचे व्यवस्थापन करण्यासाठी शाश्वत पद्धतीचा शोध सातत्याने घेतला जात आहे. त्यासाठी विविध निविष्ठांचा वाहतूक, ऊर्जा आणि उत्सर्जन अशा सर्व घटकांचा प्रामुख्याने विचार केला जातो.

पेल्लेटियर आणि सहकाऱ्यांनी केलेला हा अंडी आणि संबंधित उद्योगाचा पहिला राष्ट्रीय पातळीवरील अभ्यास आहे. पोल्ट्री उद्योगामध्ये शाश्वतता आणण्यासाठी त्याचा फायदा होणार आहे. पारंपरिक खाद्याच्या तुलनेमध्ये सेंद्रिय खाद्य, अप्राणीज खाद्य स्रोत यातून होणारे उत्सर्जन अत्यल्प आहे. या सर्व माहितीचा अवलंब करून वेबआधारित साधन विकसित करण्याचा प्रयत्न असून, शेतकऱ्यांनाही आपल्या फार्मनुसार ध्येय ठरवता येईल. स्रोतांचा वापर आणि मिथेन उत्सर्जनाची तीव्रता ५० टक्क्यांपर्यंत कमी होऊ शकते.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com