कुपोषणावर मात करण्यासाठी ‘न्यूट्रिशन गार्डन’

कुपोषणावर मात करण्यासाठी ‘न्युट्रीशन गार्डन’
कुपोषणावर मात करण्यासाठी ‘न्युट्रीशन गार्डन’

केनिया येथील ओसेरियन फेअरट्रेड जॉइंट बॉडी या संस्थेने पोषकतेसाठी बाग ही संकल्पना राबवली आहे. त्यात सर्व कर्मचारी व कामगारांसाठी ताज्या व अधिक पोषक भाज्यांची लागवड या बागेमध्ये केली जाते. आफ्रिकन देशांमध्ये सामान्यांच्या कुपोषणाची समस्या फार मोठी आहे. या समस्येवर मात करण्यासाठी पोषक घटकांची उपलब्धता वाढविण्याची आवश्यकता आहे. त्या दिशेने सरकारी संस्था, स्वयंसेवी संस्था, खासगी कंपन्यांही कार्यरत आहे. यामध्ये पुढाकार घेतला आहे, तो ओसेरियन फेअरट्रेड या फूल उत्पादक कंपनीने. त्याविषयी माहिती देताना न्यूट्रिशन गार्डन अधिकारी मेरी किनयुवा व डॉ. डॅनिअल वाट्टा यांनी सांगितले, की ओसेरियनमध्ये सुमारे ६० टक्के कामगार हे एचआयव्ही आणि एड्सग्रस्त आहेत. या लोकांसाठी रोजगारासोबतच पोषक आहार पुरविण्याचा प्राथमिक उद्देश या प्रकल्पामागे होता. यांना आठवड्यातून एकदा ताज्या भाज्या मोफत दिल्या जातात. पूर्वी उत्पादन कमी असताना केवळ रोगग्रस्तांसाठीच ही सुविधा दिली जात होती. मात्र, अलीकडे कुटुंबातील प्रत्येक सदस्यासाठी भाज्या उपलब्ध होतील, हे पाहिले जाते. या सर्व भाज्या कंपनीच्या एक एकर क्षेत्रामध्ये कामगार स्वतः पिकवतात. त्यामुळे भाज्यांच्या शेतीचे कौशल्यही त्यांच्यामध्ये विकसित होण्यास मदत होईल. त्याचा फायदा भविष्यामध्ये परसबागेमध्ये भाज्यांचे उत्पादन घेण्यासाठी होईल, अशी आशा आहे.

  • सध्या या बागेमध्ये प्रामुख्याने पालेभाज्या घेण्यात येतात. त्यासह ब्रोकोली, गाजर, मिरची, ढोबळी मिरची उत्पादन होते.
  • पुढील टप्प्यामध्ये प्रथिनांचा अधिक उपलब्धतेसाठी पोल्ट्री फार्म सुरू करण्याचाही मानस आहे.
  • या प्रकल्पासाठी १५ लाखांची गुंतवणूक केली असून, यातून मिळणारे उत्पादन सुमारे २५ लाखांपर्यंत असण्याची शक्यता आहे. या उत्पन्नापेक्षाही कामगारांच्या आरोग्यांचे मोल मोठे आहे.
  • Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

    ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

    Related Stories

    No stories found.
    Agrowon
    agrowon.esakal.com