भुईमूग ः रब्बी उन्हाळी भुईमूग लागवडीसाठी शेताच्या पूर्वतयारीसाठी कामे हाती घ्यावीत. जमीन खोल नांगरून, ढेकळे फोडून घ्यावीत. हेक्टरी १० ते १५ टन चांगले कुजलेले शेणखत/कंपोस्ट मिसळून जमीन तयार करावी. पेरणीसाठी टी.जी. २६, टी.ए.जी. २४, टी.पी.जी. ४१, कोकण गौरव, कोकण टपोरा या जातींचे बियाणे आकारानुसार हेक्टरी १२५ ते १५० किलो या प्रमाणात वापरावे. मोहरी ः मोहरी पिकाच्या पेरणीसाठी सध्याचे हवामान योग्य आहे. पुसा बोल्ड किंवा वरुणा या जातीची लागवड करावी. पिकाची पेरणी ४५ x १० सें.मी. अंतरावर ३ ते ४ सें.मी. खोलीवर करावी. पेरणीपूर्वी प्रती गुंठ्यास १ किलो युरिया आणि ३ किलो सिंगल सुपर फॉस्फेट ओळीत पेरून द्यावे. आंबा ः आंबा बागांमध्ये तुडतुडे व भुरी रोगांचा प्रादुर्भाव होऊ शकतो. या कीड व रोगाच्या नियंत्रणासाठी फवारणी प्रति लिटर पाणी तुडतुडे नियंत्रण ः इमिडाक्लोप्रीड (१७.८ टक्के प्रवाही) ०.३ मिली भुरी नियंत्रण ः हेक्झाकोनॅझोल (५ टक्के)०.५ मिली किंवा पाण्यात विरघळणारे ८० टक्के गंधक २ ग्रॅम. काजू ः काजूवर ढेकण्याचा (टी मॉस्किटो) प्रादुर्भाव झाल्यास नियंत्रणासाठी फवारणी प्रति लिटर पाणी लॅम्बडा सायहॅलोथ्रिन (५ टक्के प्रवाही) ०.६ मिली - नवीन पालवी फुटण्याच्या वेळी फवारणी करावी. (सदर नमूद केलेल्या कीटकनाशकाला लेबल क्लेम नाही.) नारळ/सुपारी ः
भाजीपाला ः
कलिंगड लागवड ः जमीन नांगरून कुळवून लागवडीसाठी तयार करावी. लागवडीसाठी ४ मीटर अंतरावर पाट किंवा सऱ्या काढाव्यात. पाटाच्या दोन्ही बाजूस ९० सें.मी. अंतरावर ३० x ३० x ३० सें.मी. आकाराचे खड्डे करावेत. त्यात १ ते १.५ किलो चांगले कुजलेले शेणखत व शिफारशीनुसार कीटकनाशकाची भुकटी मिसळून खड्डा भरून घ्यावा. प्रत्येक खड्ड्यात ३-४ बिया एकमेकांपासून ४-५ सें.मी. अंतरावर व २ ते २.५ सें.मी. खोलीवर लावाव्यात. रुजवा झाल्यावर १५ दिवसांनी रोपांची विरळणी करून प्रत्येक ठिकाणी २ चांगली जोमदार रोपे ठेवावीत. या पिकाला प्रती हेक्टरी १५० किलो नत्र, ५० किलो स्फुरद व ५० किलो पालाश यांची मात्रा द्यावी. स्फुरद आणि पालाश यांची संपूर्ण मात्रा व नत्राची १/३ मात्रा पेरणीच्या वेळेस द्यावी. उर्वरीत नत्राची मात्रा सम प्रमाणात विभागून १ व २ महिन्यांनी लागवडीनंतर द्यावी. दुभती जनावरे/शेळ्या ः
संपर्क ः ०२३५८- २८२३८७ (कृषी विद्या विभाग, डॉ. बाळासाहेब सावंत कोकण कृषी विद्यापीठ, दापोली)
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.