ऑस्ट्रेलियामध्ये गेल्या दोन वर्षांमध्ये रोपवाटिका आणि बागकाम उद्योगातून चांगला व्यवसाय होत आहे. त्यासंबंधीची माहिती नुकतीच ‘नर्सरी अॅण्ड गार्डन इंडस्ट्री ऑस्ट्रेलिया’ (NGIA) या संस्थेने प्रकाशित केली आहे. २०१५-१६ मध्ये या उद्योगामध्ये सुमारे २.२९ अब्ज डॉलरचा व्यवसाय झाल्याचे दिसून येते. शेतीच्या दृष्टीने रोपवाटिका हा अत्यंत महत्त्वाचा व्यवसाय असूनही त्यांच्या योगदानाविषयी फारशी माहिती उपलब्ध होत नाही. मात्र, ऑस्ट्रेलियातील नर्सरी अॅण्ड गार्डन इंडस्ट्री ऑस्ट्रेलिया (NGIA) या संस्थेने त्याबाबत केलेल्या सर्वेक्षणाची माहिती नुकतीच उघड केली आहे. त्याविषयी बोलताना हॉर्ट इनोव्हेशनचे मुख्य कार्यकारी अधिकारी जॉन लॉईड यांनी सांगितले की, ऑस्ट्रेलियातील अन्न, तंतुमय पदार्थ, वनस्पती उत्पादनांमध्ये लक्षणीय वाढ झाली आहे. शहरी बागकाम व्यवसायामध्येही उत्तम वाढ दर्शवत असून, फळे, भाज्या, वन उत्पादने आणि सुशोभीकरणाला चालना मिळत आहे.
स्पष्टता येण्यास मदत ः ‘व्हिक्टोरियन ग्रोअर’चे हमीश मिटचेल हे प्रामुख्याने वनशेती किंवा मोठ्या झाडांच्या रोपांची निर्मिती करतात. त्यांची रोपवाटिका ही नरे वॅरन ईस्ट आहे. सर्वेक्षणातून पुढे आलेल्या गोष्टीबाबत समाधान व्यक्त करतानाच ऑस्ट्रेलियातील रोपवाटिका उद्योगाचे एकूण उद्योगक्षेत्रातील योगदान, रोजगाराची उपलब्धता आणि आकार याविषयी स्पष्टता येण्यास मदत झाल्याचे सांगितले. नव्या सुरू होत असलेल्या प्रकल्पाच्या उभारणी संदर्भात सुमारे २०० रोपवाटिकांनी सहभाग घेतला होता. यातून स्वतंत्र संशोधन सल्लागार, प्रत्यक्षातील संशोधनाला चालना मिळण्यास मदत होणार आहे.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.