agriculturai stories in marathi, grapes advice, powdery mildew in grapes | Agrowon

भुरीसह थंडीपासून वाचवा द्राक्षबागा
डॉ. एस. डी. सावंत
गुरुवार, 4 जानेवारी 2018

सर्व द्राक्ष विभागांमध्ये सध्या थंडीची लाट आहे. ही लाट येत्या शनिवार-रविवारपर्यंत (ता. ६, ७) अशीच राहील. शनिवार-रविवारनंतर सर्वच विभागांमध्ये कमी-जास्त प्रमाणामध्ये वातावरण अंशतः ढगाळ राहण्याची शक्यता आहे. याच काळामध्ये दुपारचे तापमान सर्व विभागामध्ये ३० अंश सेल्सिअसच्या पुढे जाईल. सांगली, सोलापूर भागांमध्ये ३४-३५ अंश, तर नाशिक-पुणे भागामध्ये ३२-३३ अंश सेल्सिअसपर्यंत वाढेल. ढगाळ वातावणामुळे रात्रीचे तापमान बऱ्यापैकी वाढेल. ते नाशिक भागामध्ये १७-१८ अंशांच्या पुढे जाण्याची शक्यता आहे. सांगली, सोलापूरमध्ये तापमान २० ते २१ पर्यंत जाण्याची शक्यता आहे.

सर्व द्राक्ष विभागांमध्ये सध्या थंडीची लाट आहे. ही लाट येत्या शनिवार-रविवारपर्यंत (ता. ६, ७) अशीच राहील. शनिवार-रविवारनंतर सर्वच विभागांमध्ये कमी-जास्त प्रमाणामध्ये वातावरण अंशतः ढगाळ राहण्याची शक्यता आहे. याच काळामध्ये दुपारचे तापमान सर्व विभागामध्ये ३० अंश सेल्सिअसच्या पुढे जाईल. सांगली, सोलापूर भागांमध्ये ३४-३५ अंश, तर नाशिक-पुणे भागामध्ये ३२-३३ अंश सेल्सिअसपर्यंत वाढेल. ढगाळ वातावणामुळे रात्रीचे तापमान बऱ्यापैकी वाढेल. ते नाशिक भागामध्ये १७-१८ अंशांच्या पुढे जाण्याची शक्यता आहे. सांगली, सोलापूरमध्ये तापमान २० ते २१ पर्यंत जाण्याची शक्यता आहे.

सध्याच्या परिस्थितीमध्ये भुरीच्या नियंत्रणाकडे लक्ष देणे आवश्यक आहे. बहुतांशी बागा या सर्वसाधारणपणे छाटणीनंतरच्या ७० दिवसांपुढे आहेत. आता ट्रायअझोल किंवा एचडीएचआय गटातील कोणतीही बुरशीनाशके भुरीच्या नियंत्रणासाठी वापरल्यास त्यांचे रेसिड्यू एमआरएलपेक्षा कमी झाले तरीही निदर्शनास येणार, हे नक्की. या दृष्टीकोनातून विचार केल्यास एक ते दोन वेगवेगळ्या बुरशीनाशकांचा वापर जास्त वेळा करावा. त्यामुळे एक ते दोन रसायनापेक्षा जास्त उर्वरित अंश अहवालात दिसणार नाहीत. त्यासाठी शक्यतो सल्फर व त्यानंतर जैविक नियंत्रक घटकांची फवारणी भुरीच्या नियंत्रणासाठी उपयुक्त ठरेल. एअर ब्लास्ट नोझल किंवा इलेक्ट्रोस्टॅटिक तंत्रज्ञान असणाऱ्या फवारणी यंत्रामध्ये सर्वसाधारपणे एकरी १०० लिटर पाणी जाईल, अशी व्यवस्था करावी व त्यानंतर सल्फर (८० डब्ल्यूजी) एकरी ६०० ते ८०० ग्रॅम फवारल्यास भुरीचे नियंत्रण चांगले मिळते. मण्यावर डागही दिसत नसल्याचा बऱ्याच शेतकऱ्यांचा अनुभव आहेत. डाग न येता सल्फर फवारणीचे तंत्रज्ञान शक्य तेवढे आत्मसात करावे.

  • फक्त सल्फर वापरलेल्या बागांमध्ये जैविक नियंत्रणाचा वापर केल्यास भुरीच्या नियंत्रणाला मदत होईल. दोन सल्फरच्या फवारणीमध्ये एक जैविक नियंत्रण घटकांची (अॅम्पिलोमायसीस किंवा ट्रायकोडर्मा किंवा बॅसिलस सबटिलिस) फवारणी घेतल्यास बागेमध्ये भुरी वाढणार नाही.
  • मागील सल्ल्यामध्ये सांगितल्याप्रमाणे ७५ दिवसांपर्यंत कॅल्शिअम पूर्तता करण्यासाठीच्या फवारण्या भुरीच्या नियंत्रणासाठीही मदत करतात.
  • मोनो पोटॅशिअम फॉस्फेट किंवा एसओपी मण्यांवर वापरल्यास भुरीचे नियंत्रण चांगले मिळते.

थंडीचे परिणाम ः

  • मण्यांमध्ये पाणी भरण्यास सुरवात झालेल्या बागांमध्ये थंडीच्या दिवसांमध्ये (प्रामुख्याने सकाळ व दुपारच्या तापमानामध्ये २० अंशांपेक्षा अधिक फरक असताना) पिंक बेरी वाढण्याची शक्यता असते. या कारणासाठी मण्यात पाणी भरण्यास सुरवात होण्याच्या काळात घडावर पेपर लावतात. हे पेपर लावण्याआधी भुरीच्या नियंत्रणासाठी चांगली फवारणी करून घ्यावी. पेपर चढवल्यानंतर मण्यामध्ये भुरी वाढणार नाही. पेपर चढवण्याआधी मण्यावर बॅसिलस सबटिलिस या जिवाणूजन्य घटकांची फवारणी भुरीच्या नियंत्रणासाठी उपयुक्त ठरू शकेल.
  • ज्या ठिकाणी अजूनही जास्त थंडी आहे, अशा बागांच्या बाहेर रात्रीच्या वेळी शेकोटी लावाव्यात. थंडीने खराब होणारे घड वाचवता येतील. त्याचप्रमाणे सिलिसिलिक अॅसिड फवारणीसाठी वापरल्यास मण्यांची फार कमी तापमानामध्ये किंवा दुपारच्या जास्त तापमानासाठी सहनशीलता वाढते.

इतर ताज्या घडामोडी
पुणे जिल्ह्यातील सात साखर कारखान्यांचा...पुणे ः पुणे जिल्ह्यातील साखर कारखान्यांचा ऊस गाळप...
उष्णतेचे कारण देऊन पपईच्या दरात अडवणूकनंदुरबार : जिल्ह्यातील पपई उत्पादकांना अपेक्षित...
नांदेड जिल्ह्यात साडेअकराशे हेक्टरवर...नांदेड ः नांदेड जिल्ह्यात गुरुवार (ता. १४) पर्यंत...
नगर जिल्हाधिकाऱ्यांच्या तपासणी मोहिमेची...नगर : जनावरांच्या छावण्या सुरू केल्या. मात्र,...
वऱ्हाडात हळद काढणीला सुरवातअकोला : वऱ्हाडात दुष्काळी परिस्थिती, तसेच पाणी...
परभणीतील पशुवैद्यक विद्यार्थ्यांचे भीक...परभणी ः पशुसंवर्धन विभागांतर्गंत पशुधन सहायकांना...
नाशिक जिल्ह्यात बिबट्यांचा धुमाकूळनाशिक : नाशिक शहर व जिल्ह्यात बिबट्याच्या...
सोलापूर कृषी विज्ञान केंद्राला...सोलापूर : भारतीय कृषी व संशोधन परिषदेअंतर्गत...
नगर जिल्ह्यात सव्वा कोटी टन उसाचे गाळपनगर ः जिल्ह्यातील २३ सहकारी व खासगी साखर...
सोलापूर जिल्हा दूध संघाचे पैसे...सोलापूर : दूध अनामत रक्कम, पशुखाद्य व गायी...
शेतकऱ्यांचे नाही, तर श्रीमंतांचे...प्रयागराज, उत्तर प्रदेश : "गेल्या काही...
नगरला चिंच प्रतिक्विंटल ८३०० ते ११९००...नगर ः नगर बाजार समितीत गेल्या आठवडाभरात भुसार...
शिरवळला पशुवैद्यकीय विद्यार्थ्यांचे...सातारा : सहायक पशुधन विकास अधिकाऱ्यांच्या...
स्वाभिमानीसोबत दिलजमाईसाठी बुलडाण्यात...बुलडाणा ः लोकसभा निवडणुकीसाठी राष्ट्रवादीने...
जळगावात गव्हाची आवक रखडत; दर स्थिरजळगाव ः जिल्ह्यात गव्हासाठी प्रसिद्ध असलेल्या...
नाशिकमध्ये हिरव्या मिरचीची आवक टिकून;...नाशिक : नाशिक कृषी उत्पन्न बाजार समितीमध्ये...
I transfer my JOSH to you...पणजी : गोव्याचे मुख्यमंत्री मनोहर पर्रीकर यांनी...
जीवलग मित्र गेला...मनोहर गेला. हे जरी सत्य असले तरी ते मान्य होणे...
जबरदस्त, प्रभावी इच्छाशक्तीचे केंद्र :...लहानपणापासूनच कुठलीही गोष्ट एकदा ठरवली की, तो ती...
तळपत्या सूर्याचा अस्त !राजकारणी माणसाला यश आणि अपयशाचा सामना रोजच करावा...