भातावरील पर्ण करपा, कडा करपा रोग नियंत्रण

राज्यात भातामध्ये अनेक ठिकाणी पर्ण करपा व कडा करपा या रोगांचा प्रादुर्भाव झाल्याचे दिसून येत आहे. त्यांच्या नियंत्रणासाठी तातडीने खालील उपाययोजना कराव्यात. पर्ण करपा ः रोगकारक बुरशी ः रिंकोस्पोरियम ओरायझी लक्षणे ः सुरवातीला पानाचे टोक किंवा कडेवर अर्धवर्तुळाकार फिक्कट ठिपके येतात. पुढे ते रुंद होत तपकिरी होतात. पानांचे शेंडे व काही वेळेस पानांचा मधला भागही करपलेला दिसतो. नियंत्रणासाठी, फवारणी प्रतिलिटर कार्बेन्डाझीम १ ग्रॅम किंवा प्रोपीकोनॅझोल १ मि.लि. किंवा मॅन्कोझेब २.५ ग्रॅम किंवा हेक्साकोनॅझोल १ मि.लि.

कडा करपा ः रोगकारक जिवाणू ः झान्थोमोनस ओरायझी पी. व्ही. ओरायझी

लक्षणे ः

अनुकूल वातावरण ः उष्ण तापमान (२७ ते ३२ अंश सेल्सिअस), अधिक आर्द्रता (५५ टक्क्यांपेक्षा अधिक) रोगप्रसारासाठी अनुकूल असते. नियंत्रणासाठी, फवारणी प्रतिलिटर कॉपर ऑक्सिक्लोराईड २.५ ग्रॅम अधिक स्ट्रेप्टोमायसीन* ०.२० ते ०.२५ ग्रॅम अधिक स्टिकर १ मि.लि. आवश्यकतेनुसार पुढील फवारणी १० ते १५ दिवसांच्या अंतराने करावी. संपर्क ः ०२११४-२७२५४८ डॉ. अनिल गायकवाड, ९४२०४९८८११ (लेखक डॉ. क्षीरसागर, डॉ. बालगुडे हे कृषी संशोधन केंद्र, लोणावळा, ता. मावळ, जि. पुणे येथे, तर डॉ. गायकवाड हे अळिंबी सुधार प्रकल्प, कृषी महाविद्यालय, पुणे येथे कार्यरत आहेत.)