agricultural news in marathi, coconut crop advisory , Agrowon, Maharashtra | Agrowon

नारळ बागेत ठेवा स्वच्छता
डॉ. पी. बी. सानप, डॉ. व्ही. व्ही. शिंदे
शनिवार, 3 मार्च 2018

पहिली दोन वर्षे नारळ रोपांना विणलेले झाप, झावळ्या, गवत, फांद्या यांची सावली करावी. बागेत स्वच्छता, इतर कामे करताना झाडाच्या बुंध्याला जखमा होणार नाहीत याची काळजी घ्यावी. ठिबक सिंचनाद्वारे मोठ्या झाडांसाठी प्रतिझाड, प्रतिदिन ३० ते ३५ लिटर पाणी द्यावे.

नवीन बागेचे व्यवस्थापन

पहिली दोन वर्षे नारळ रोपांना विणलेले झाप, झावळ्या, गवत, फांद्या यांची सावली करावी. बागेत स्वच्छता, इतर कामे करताना झाडाच्या बुंध्याला जखमा होणार नाहीत याची काळजी घ्यावी. ठिबक सिंचनाद्वारे मोठ्या झाडांसाठी प्रतिझाड, प्रतिदिन ३० ते ३५ लिटर पाणी द्यावे.

नवीन बागेचे व्यवस्थापन

  • नवीन रोपांना आधार द्यावा. रोप लावल्यानंतर पश्‍चिमेकडून वाऱ्याने हलू नये म्हणून रोपाच्या उंचीच्या दोन काठ्या ४५ सें.मी. अंतरावर रोपाच्या दक्षिणोत्तर बाजूस रोवून त्याला आडवी काठी बांधावी, नारळ रोप सैलसर बांधून ठेवावे.
  • नवीन लागवड केलेल्या बागेची स्वच्छता करावी. नांग्या त्वरित भरून घ्याव्यात.
  • बागेत मोकाट पाणी दिल्यास आळ्यात तणांचा प्रादुर्भाव होतो. तसेच पाण्याचा अपव्यय होतो, त्यामुळे ठिबक किंवा तुषार सिंचन पद्धतीने पाणी द्यावे.
  • तण नियंत्रणासाठी रोपांच्या अळ्यात जैविक अथवा प्लॅस्टिक पेपरचे आच्छादन करावे.ज्यामुळे तणाचा कमी प्रादुर्भाव होतो. पाण्याचे बाष्पीभवन होत नाही.
  • पहिली दोन वर्षे रोपांचे उन्हापासून संरक्षण करण्यासाठी विणलेले झाप, झावळ्या, गवत, झाडाच्या फांद्यांची कृत्रिम सावली करावी. रोपाच्या चारही दिशांना केळी, पपई, एरंडी अगर गिरिपुष्पाची लागवड करावी. यामुळे रोपांना सावली तसेच या पिकांपासून उत्पादनही मिळते.
  • प्रति लहान झाडाला १५ लिटर पाणी द्यावे.

जुन्या बागेचे व्यवस्थापन

  • बागेची स्वच्छता करावी. फळे येतात तेथील शिल्लक जुने नारळाचे देठ, फोकी, वांझ पोयी व इतर कचरा काढून टाकावा.
  • नारळाची मुळे तंतुमय प्रकारातील असल्यामुळे पाऊस संपल्यानंतर झाडाच्या बुंध्यात मातीची भर द्यावी. त्यामुळे त्यांचे संरक्षण होऊन अन्नशोषण क्षमता वाढते.
  • ठिबक सिंचनाद्वारे प्रतिमोठे झाड प्रतिदिन ३० ते ३५ लिटर पाणी द्यावे.
  • कमी उत्पादन म्हणजे प्रतिझाड प्रतिवर्षी वार्षिक सरासरी दहा नारळांपेक्षा कमीत कमी फळे देणारी जुनी झाडे काढून टाकावीत.
  • बागेत स्वच्छता किंवा इतर कामे करताना झाडाच्या बुंध्याला जखमा करू नयेत.
  • झाडाचा कोंब गळणे, पडणे किंवा सुकणे, खोडातून डिंक बाहेर पडणे अशा प्रकारच्या विकृतीकडे लक्ष देऊन उपाययोजना कराव्यात.
  • बऱ्याचशा बागांमध्ये पालाशच्या कमतरतेमुळे फळ गळ, झावळी झाडावर लोंबणे, फोकी झाडावर राहणे अशा बाबी दिसून येतात. त्यासाठी प्रतिझाडाला सिंचनाबरोबर १ ते २ किलो पालाशची मात्रा देणे आवश्‍यक आहे.
  • चांगले वाढलेले झाड म्हणजे सुमारे २६ पेक्षा जास्त झावळ्या आणि ही पाने ३६० अंश कोनात विखुरलेली असणे ही लक्षणे महत्त्वाची आहेत. अशा झाडांना दर महिना एक झावळी आणि एक पेंड येते.
  • जमिनीमध्ये पाण्याचा ओलावा टिकवून धरण्यासाठी प्लॅस्टिक अथवा झावळ्यांचे अाच्छादन  करावे.

रोपवाटिका व्यवस्थापन

  • रोपवाटिकेतील गवत काढून घेऊन स्वच्छता ठेवावी. त्यामुळे रोपांची चांगली वाढ होते.
  • रोपे रोग किडीमुक्त आहेत याची खात्री करावी.
  • बुंध्यात मातीची भर द्यावी. रोपाला वाढीसाठी आधार मिळतो.
  • जोमाने वाढीसाठी गांडूळखताबरोबर युरिया खताची मात्रा द्यावी. खताच्या मात्रेनंतर मुबलक पाणी द्यावे.
  • गरजेनुसार नवीन रोपांसाठी मार्च - एप्रिलमध्ये नियंत्रित सावली करावी.

संपर्क : ०२३५२-२५५०७७
(प्रादेशिक नारळ संशोधन केंद्र, भाट्ये, जि. रत्नागिरी)

 

टॅग्स

इतर ताज्या घडामोडी
शिवसेनेच्या २१ उमेदवारांची घोषणा,...मुंबई : आगामी लोकसभा निवडणुकीसाठी...
आनंदी देशांच्या यादीत भारताचे स्थान...न्यूयॉर्क : देशातील आनंदाला ओहोटी लागल्याचे...
केळी पीक सल्लाउन्हाळ्यात अधिक तापमान, तीव्र सूर्य प्रकाश, वादळी...
बॅंक कर्मचाऱ्याच्या दक्षतेमुळे मोदी...लंडन : पंजाब नॅशनल बॅंकेची हजारो कोटींची फसवणूक...
गुलाबी बोंड अळी नियंत्रणासाठी फरदड;...केंद्रीय कापूस संशोधन संस्था, नागपूरद्वारे तयार...
नाशिक जिल्हा बँकेने रेणुकादेवी संस्थेचा...नाशिक : जिल्हा सहकारी बँकेच्या संचालक मंडळासमोर...
शेतकऱ्यांचा 'वसाका' प्रशासनाला घेरावनाशिक  : देवळा तालुक्यातील वसंतदादा सहकारी...
मीटर रीडिंगची पूर्वसूचना संदेशाद्वारे...सोलापूर  : ग्राहकांची गैरसोय होऊ नये, मीटर...
दिव्यांग मतदारांना सुविधा द्या :डॉ....सोलापूर : दिव्यांग मतदारांना मतदान करण्यासाठी...
कोल्हापुरात २३०० हेक्टरवर उन्हाळी पेरणीकोल्हापूर  : जिल्ह्यात उन्हाळी हंगामाची...
जळगावात गवारीला प्रतिक्विंटल ७५०० रुपयेजळगाव : कृषी उत्पन्न बाजार समितीमध्ये गुरुवारी (...
नंदुरबार जिल्ह्यात पाणीटंचाई गंभीरनंदुरबार  : जिल्ह्यातील पाणीटंचाई वाढत आहे....
पुणे विभागात ४१५ टॅंकरने पाणीपुरवठापुणे : विभागात पाणीटंचाईच्या झळा दिवसेंदिवस तीव्र...
रणजितसिंहाच्या भाजप प्रवेशाने खरच...सोलापूर ः सोलापूर जिल्ह्यातील विशेषतः पश्चिम...
काँग्रेस-राष्ट्रवादीचे प्रत्येकी बारा...मुंबई ः आगामी लोकसभा निवडणुकीसाठी राज्यातील...
आचारसंहिता भंगाच्या ७१७ तक्रारीमुंबई : नागरिकांना आचारसंहिता भंगाच्या तक्रारी...
भाजपकडून लोकसभा उमेदवारांची पहिली यादी...नवी दिल्ली : पंतप्रधान नरेंद्र मोदी वाराणसी तर...
एचटी सीड ‘एसआयटी’ची पोलिसांच्या...नागपूर  ः राज्य शासनाने स्थापन केलेल्या एच....
इतिहासकालीन जलसंधारण अन् त्यामागचे...दरवर्षी पिढ्यानपिढ्या पावसाचे पाणी वेगवेगळे उपाय...
अभ्यासक्रमात हवा भूसूक्ष्मजीवशास्त्राचा...महाराष्ट्रात चार कृषी विद्यापीठे असून, तिथे १२...