agricultural news in marathi, control of spodoptera on soybean, agrowon, maharashtra | Agrowon

दूध भुकटी निर्यात नऊ टक्के वाढण्याचा अंदाज
वृत्तसेवा
सोमवार, 6 ऑगस्ट 2018

महाराष्ट्र आणि गुजरातमध्ये दूध भुकटी निर्यातीसाठी सरकारने अनुदान जाहीर केल्यामुळे निर्यातीत तब्बल नऊ पट वाढ होण्याची शक्यता आहे; त्यामुळे आंतरराष्ट्रीय बाजारात भुकटीचे दर दबावात येण्याची चिन्हे आहेत, असे उद्योग क्षेत्रातील सूत्रांनी सांगितले.

महाराष्ट्र आणि गुजरातमध्ये दूध भुकटी निर्यातीसाठी सरकारने अनुदान जाहीर केल्यामुळे निर्यातीत तब्बल नऊ पट वाढ होण्याची शक्यता आहे; त्यामुळे आंतरराष्ट्रीय बाजारात भुकटीचे दर दबावात येण्याची चिन्हे आहेत, असे उद्योग क्षेत्रातील सूत्रांनी सांगितले.

भारत हा जगातील सर्वाधिक दूध उत्पादन करणारा देश आहे. सरकारच्या निर्यात प्रोत्साहन धोरणामुळे २०१८-१९ या हंगामात देशातून १ लाख टन दूध भुकटी निर्यात होण्याची शक्यता आहे. आंतरराष्ट्रीय बाजारात गेल्या चार वर्षांच्या काळात अतिरिक्त पुरवठ्यामुळे दूध भुककटीचे दर निम्म्यावर आले आहेत. भारतातील ताज्या घडामोडींमुळे या दरांवर आणखी परिणाम होण्याची शक्यता असल्याचे विश्लेषक व उद्योगातील सूत्रांनी सांगितले.

देशात दुधाचे दर गेल्या तीन वर्षांतील नीचांकी पातळीला पोचले होते. त्यामुळे दूध भुकटीचे साठे मोठ्या प्रमाणावर शिल्लक आहेत. निर्यात वाढण्याची शक्यता असल्याने हे साठे कमी होण्याची चिन्हे आहेत.

दुधाला उत्पादन खर्चापेक्षा कमी दर मिळत असल्याने संतापलेल्या शेतकऱ्यांनी आंदोलने सुरू केली होती. त्यानंतर महाराष्ट्र आणि गुजरातमध्ये राज्य सरकारांनी दूध भुकटी निर्यातीसाठी प्रतिकिलो ५० रुपयांचे अनुदान जाहीर केले. तसेच केंद्र सरकारनेही अतिरिक्त १० टक्के निर्यात अनुदान देण्याचा निर्णय घेतला. ‘‘देशातून फारशी निर्यात होत नव्हती. सरकारच्या मदतीमुळे येत्या काही महिन्यांत निर्यात पुन्हा वेग घेईल,’’ असे गुजरात सहकारी दूध मार्केटिंग फेडरेशन लि.चे (अमूल) व्यवस्थापकीय संचालक आर. एस. सोधी म्हणाले. देशातून २०१८-१९ या हंगामात १ लाख टन दूध भुकटी निर्यात होईल, असा अंदाज व्यक्त केला जात आहे. गेल्या हंगामात ११ हजार ५०० टन भुकटी निर्यात झाली होती.

आंतरराष्ट्रीय बाजारावर परिणाम
भारतातून तुटपुंजी निर्यात होत असल्याने दूध भुकटी निर्यातीच्या बाजारपेठेत देशाचे स्थान फारसे महत्त्वपूर्ण मानले जात नव्हते. अमेरिकी कृषी विभागाने (यूएसडीए) भारत २०१८ मध्ये केवळ १५ हजार टन भुकटी निर्यात करेल, असा अंदाज वर्तविला होता. त्याच वेळी न्यूझीलंड आणि अमेरिकेतून अनुक्रमे ४ लाख १० हजार टन आणि ७ लाख २० हजार टन भुकटी निर्यातीचे अनुमान होते. परंतु भारतात सरकारने अनुदान दिल्यामुळे अपेक्षेपेक्षा अधिक भुकटी निर्यात होण्याची शक्यता असल्याने आंतरराष्ट्रीय बाजारात पुरवठा वाढून किमतींवर परिणाम होण्याची शक्यता आहे. स्थानिक आणि निर्यातीच्या बाजारपेठेतील दरांमध्ये मोठी तफावत असल्याने भारतीय डेअरी कंपन्या दूध भुकटीची फारशी निर्यात करत नव्हत्या; परंतु आता सरकारच्या अनुदानामुळे ही तफावत कमी झाली आहे, असे पराग मिल्क अध्यक्ष देवेंद्र शहा यांनी सांगितले. सरकारने अनुदान देऊनही दूध भुकटी निर्यातीत कंपन्यांना तोटा सहन करावा लागले, असे शहा यांचे म्हणणे आहे. दरम्यान, देशात शिल्लक दूध भुकटीचा साठा तीन लाख टनांवर पोचला असून, निर्यात वाढली तरी हा प्रचंड साठा मोठ्या प्रमाणावर कमी होणार नाही, असे मत इंडियन डेअरी असोसिएशनचे माजी अध्यक्ष अरुण नरके यांनी व्यक्त केले. शालेय पोषण आहारासारख्या योजनेत दुधाचा समावेश करून स्थानिक मागणी वाढविण्यावर अधिक भर देण्याची गरज आहे, असे देवेंद्र शहा म्हणाले.

इतर अॅग्रोमनी
कापूस, गवार बी आणि हरभऱ्याचे भाववाढीचे...या सप्ताहात गेल्या सप्ताहाच्या तुलनेने साखर वगळता...
हरभरा निर्यात, स्थानिक मागणीत वाढ या सप्ताहात गेल्या सप्ताहाच्या तुलनेने मका व गहू...
सीताफळाच्या मूल्यवर्धनातून घेतला...`उद्योगाच्या घरी, रिद्धीसिद्धी पाणी भरी`, अशी...
कापसाच्या भावात घसरणया सप्ताहात गेल्या सप्ताहाच्या तुलनेने गहू वगळता...
हलव्याच्या कार्यक्रमाने अर्थसंकल्पाची...नवी दिल्ली : नवीन वर्षाची सुरवात झाली की...
आयटीसीचे ‘ई चौपाल’ आता येणार मोबाईलवरग्रामीण भागाला डिजिटल करण्याच्या उद्देशाने दोन...
कृषिमालाच्या मूल्यवर्धनालाच खरे भविष्य...२०१८ मध्ये डॅनफॉस इंडिया या कंपनीने उत्तम असा...
वनशेतीसह आंतरपिके ठरतोय फायद्याचा सौदाशाश्वत उत्पादनासाठी पारंपरिक पिकांसोबत वनशेतीचा...
हरभऱ्याला वाढती मागणी या सप्ताहात गेल्या सप्ताहाच्या तुलनेने कापूस, गहू...
भात निर्यातीसाठी मागणीबरोबरच भूराजकीय...भारतीय भात निर्यातदारांच्या वाढीसाठी जागतिक...
मका, साखर, हळदीच्या भावात घसरणया सप्ताहात गेल्या सप्ताहाच्या तुलनेने सोयाबीन...
अर्थमंत्री जेटली १ फेब्रुवारीला...नवी दिल्ली : केंद्रातील मोदी सरकार त्यांच्या...
कापूस उद्योगाचे अमेरिका-चीनच्या...जळगाव : चीन व अमेरिकेत मागील नऊ महिन्यांपासून...
सातत्याने ताळेबंद तपासत शेती राखली...जळगाव जिल्ह्यातील नायगाव (ता. मुक्ताईनगर) येथील...
हळदीच्या निर्यात मागणीत वाढया सप्ताहात गेल्या सप्ताहाच्या तुलनेने सर्वच शेती...
हळदीच्या स्थानिक, निर्यात मागणीत वाढया सप्ताहात नाताळच्या सुटीमुळे आंतरराष्ट्रीय...
ग्राहकाला आधारसक्ती केल्यास 1 कोटींचा...नवी दिल्ली: दूरसंचार कंपन्यांकडून मोबाइल फोन...
युरियाची आयात ४२ लाख टनांवरनवी दिल्ली : भारताची चालू आर्थिक वर्षातील...
मका, हळद वगळता इतर शेतमालाच्या भावात वाढया सप्ताहात गेल्या सप्ताहाच्या तुलनेने कापूस व...
कांदा उत्पादकांना दिलासा देण्यासाठी...छत्तीसगड, मध्य प्रदेश आणि राजस्थानमध्ये...