agricultural news in marathi, control of stem borer of sugarcane , Agrowon, Maharashtra | Agrowon

ऊस पिकातील खोडकिडीचे नियंत्रण
डॉ. प्रमोद चौधरी, डॉ. दीपक पोतदार
शुक्रवार, 4 मे 2018

सद्यस्थितीत उसाच्या लागवडी संपल्या आहेत. विविध हंगामांत केलेली ऊस लागवड वाढीच्या विविध अवस्थांत आहे. अशावेळी ऊसपिकावर खोडकिडीचा प्रादुर्भाव होण्याची शक्यता आहे. तिच्या नियंत्रणासाठी उपाययोजना कराव्यात.

प्रतिबंधात्मक उपाययोजना   

सद्यस्थितीत उसाच्या लागवडी संपल्या आहेत. विविध हंगामांत केलेली ऊस लागवड वाढीच्या विविध अवस्थांत आहे. अशावेळी ऊसपिकावर खोडकिडीचा प्रादुर्भाव होण्याची शक्यता आहे. तिच्या नियंत्रणासाठी उपाययोजना कराव्यात.

प्रतिबंधात्मक उपाययोजना   

  • सरीमध्ये पाचटाचे आच्छादन केल्यास खोडकिडीचा प्रादुर्भाव कमी प्रमाणात होतो.
  • उसाची लागवडीनंतर १ ते १.५ महिन्यांनी बाळबांधणी करावी. बाळबांधणीमुळे खाेडकिडीचे पतंग बाहेर पडल्यानंतर तयार झालेली छिद्रे बंद होण्यास मदत होते. परिणामी खोडकिडीचे पतंग बाहेर पडत नाहीत.
  • उसामध्ये मका, ज्वारी ही आंतरपिके न घेता कांदा, लसूण, कोथिंबीर, पालक ही आंतरपिके घ्यावीत.
  • खोडकिडीच्या प्रभावी नियंत्रणासाठी प्रतिहेक्टरी ५ कामगंध सापळे (ई.एस.बी.ल्यूर) शेतात लावावेत. कामगंध सापळ्याकडे नर पतंग आकर्षित होतात व सापळ्यात अडकतात. परिणामी पुढील प्रजोत्पादनास आळा बसतो.

जैविक नियंत्रण

  • ऊस लागवडीनंतर ४० ते ५० दिवसांनी फुले ट्रायकोकार्ड ३ ते ४ प्रतिहेक्टरी या प्रमाणात साधारणत: १० ते १५ दिवसांच्या अंतराने लावावीत.

रासायनिक नियंत्रण

  • क्लोरअॅन्ट्रानीलीप्रोल (०.४ टक्के दाणेदार) १८ ते १९ किलो प्रतिहेक्टरी किंवा फिप्रोनील (०.३ टक्के दाणेदार) २५ ते ३३ किलो प्रतिहेक्टरी या प्रमाणात वापरावे. हे कीटकनाशक वापरताना त्यात बारीक माती ३ किलो प्रति १ किलो रसायन या प्रमाणात चांगली मिसळावी. नंतर हे मिश्रण कुदळीने अर्धा फूट अंतरावर चळी घेऊन मातीआड करावे व हलके पाणी द्यावे. सर्व प्रकारच्या ऊस पोखरणाऱ्या किडींसाठी ही उपाययोजना करावी; त्यामुळेच आपल्याला चांगला परिणाम मिळतो.

नांग्या भरणे आवश्‍यक
खोडकिडीचा शेतात फार प्रादुर्भाव झाला असल्यास शेतात उगवण विरळ दिसते. अशावेळी एकरी रोपांची संख्या योग्य प्रमाणात राखण्यासाठी लागणीबरोबर प्लॅस्टिकच्या पिशव्यांमध्ये किंवा प्लॅस्टिक ट्रेमध्ये पुरेशी उसाची रोपे तयार करून नांग्या भरण्यासाठी त्यांचा उपयोग करावा.

उन्हाळ्यातील पाणीव्यवस्थापन
सद्यस्थितीत उष्णतेची लाट आली आहे. अशावेळी पिकास पाण्याची टंचाई होणार नाही यासाठी खालीलप्रमाणे व्यवस्थापन करावे.

  • पिकास ८ ते १० दिवसांच्या अंतराने पाणी द्यावे. ठिबक सिंचन पद्धतीचा अवलंब करावा. शक्य असल्यास आच्छादनाचा वापर करावा
  • पाण्याची कमतरता असल्यास एक आड एक सरीला पाणी द्यावे.

 

इतर इंधन शेती
ऊस पिकातील खोडकिडीचे नियंत्रणसद्यस्थितीत उसाच्या लागवडी संपल्या आहेत. विविध...
सौर ऊर्जेवर आधारीत उपकरणांची माहिती..सौर वाळवणी यंत्र : साठवणीसाठी धान्य योग्य...
सोलर टनेल ड्रायरबाबत माहिती द्यावी.सोलर टनेल ड्रायरमध्ये सफेद मुसळी, पान पिंपरी, हळद...
तंत्र कोळसा उत्पादनाचे...कार्बनच्या प्रमाणावर कोळशाचे औष्णिक मूल्य ठरते....
जमीन सुधारणेसाठी ‘बायोचार’ ठरले फायदेशीरशेतातील टाकाऊ पदार्थांवर ऑक्सिजनविरहित वातावरणात...
पीक अवशेषांचे ब्रिक्वेटिंग शेतकऱ्यांसह...शेतीमध्ये उत्पादित होणाऱ्या पीक अवशेषांची...
वाया शेतमालापासून स्वस्तात इथेनॉल...उत्तराखंडमधील काशीपूर येथे नुकतीच शेतीमधील वाया...