agricultural news in marathi, farmer's ideas while doing agriculture, Agrowon, Maharashtra | Agrowon

कल्पनेतून केली अडचणींवर मात
कोजेन्सिस वृत्तसेवा
सोमवार, 9 एप्रिल 2018

जगभरात शेतकरी आपली दैनंदिन कार्य करीत असताना अनेक अडचणींना तोंड देत असतात. मात्र स्वकल्पनेतून समस्यांवर मात करण्यात ते यशस्वी ठरतात. अमेरिकेतील काही शेतकऱ्यांनी केलेले हे प्रयोग निश्चितपणे मार्गदर्शक ठरणारे आहेत.

जगभरात शेतकरी आपली दैनंदिन कार्य करीत असताना अनेक अडचणींना तोंड देत असतात. मात्र स्वकल्पनेतून समस्यांवर मात करण्यात ते यशस्वी ठरतात. अमेरिकेतील काही शेतकऱ्यांनी केलेले हे प्रयोग निश्चितपणे मार्गदर्शक ठरणारे आहेत.

हायड्रॉलिक नळ्यांसाठी स्प्रिंगचा वापर  
अमेरिकेतील आयोवा राज्यातील उडूबॉन येथील शेतकरी जेम्स नेल्सन हे कायम शेतीकामात व्यस्त असतात. त्यांच्याकडे असलेल्या ट्रॅक्टरच्या हायड्रॉलिक प्रणालीतील रबरी नळ्या खूप लांब आहेत. जास्त लांबीमुळे शेतात कामेे करताना तसेच खड्ड्यातून गेल्याने किंवा इतर कारणांनी ट्रॅक्टरला धक्का बसल्यास या नळ्या तुटतात. यावर त्यांनी उपाय शोधला. मोडकळीस आलेल्या जीपच्या कॉइल स्प्रिंग त्यांनी रबरी नळीमध्ये बसविली. असे केल्याने रबरी नळी स्प्रिंगमुळे ताणली गेली. ट्रॅक्टर ज्याप्रमाणे फिरेल त्याप्रमाणे कोणत्याही दिशेने स्प्रिंग हालू शकत असल्याने रबरी नळीही हलते. परिणामी, ट्रॅक्टरला बसणाऱ्या विविध धक्क्यांनंतरही रबरी नळी तुटत नाही.

लाकडी ओंडके वाहतुकीसाठी मजबूत साधन
अमेरिकेतील कन्सास राज्यातील सेेंट मॅरीज येथील शेतकरी रिचर्ड पीटर्स यांना शेतात विविध ठिकाणी तसेच शेततळ्यामध्ये पडणाऱ्या झाडांचे ओंडके उचलण्याची समस्या भेडसावत होती. असे लाकडी ओंडके वाहून नेण्यासाठी बाजारात विविध प्रकारचे हूक उपलब्ध आहेत. मात्र ते पुरेसे मजबूत नसल्याने त्यांचा उपयोग हाेत नव्हता. अखेर त्यांनी जुन्या ट्रकच्या स्प्रिंगमधून तोडली. एका मजबूत लोखंडी बारला ती वेल्डिंग करून जोडली. अशाप्रकारे तयार केलेल्या साधनाच्या साह्याने त्यांचे काम सोपे झाले. त्यासाठी काही वेल्डिंग रॉड आणि लोखंड कापणाऱ्या पट्टी यांच्यासाठी थोडा खर्च त्यांना करावा लागला. मात्र मोठमोठे लाकडी ओंडके ओढण्यासाठी मजबूत साधनाची निर्मिती करता आली.

फ्यूज काढण्यासाठी बनविली यंत्रणा
ट्रॅक्टर तसेच मोठ्या वाहनांमध्ये विविध विद्युत यंत्रणा कार्यरत असतात. त्यांच्या संरक्षणासाठी काचेचे फ्यूज बसविलेले असते. बऱ्याचदा विविध कारणांनी या फ्यूजमध्ये बिघाड होतो. दुरुस्तीसाठी किंवा बदलण्यासाठी फ्यूज बाहेर काढावे लागतात. मात्र फ्यूज बाहेर काढताना बऱ्याचवेळा फुटतो. अमेरिकेतील दक्षिण डिकोटा राज्यातील सायमन ग्लॅंझर या शेतकऱ्यालाही फ्यूज तुटण्यामुळे आर्थिक नुकसान होत होते. मात्र त्यांनी त्यावर उपाय शोधला. त्यांनी टोकदार पक्कड घेतली. तिच्या तोंडाचा काही भाग वेल्डिंग करून कापला; त्याला ड्रील मशिनने फ्यूजच्या आकाराचे छिद्र पाडले. त्यामुळे त्यांना दुरुस्तीसाठी फ्यूज बोर्डमधून बाहेर काढणे सोपे जाऊ लागले. बोर्डला कसलाही धक्का न बसता फ्यूज काढणे आणि परत बसविणे सहज शक्य झाले.

इतर ताज्या घडामोडी
सांगलीतील ९० टक्के द्राक्ष हंगाम उरकलासांगली : जिल्ह्यातील यंदाचा द्राक्ष हंगाम ९०...
फरारी द्राक्ष व्यापाऱ्यास शेतकऱ्यांनी...नाशिक  ः चालू वर्षाच्या हंगामात जिल्ह्यातील...
औरंगाबाद लोकसभा मतदारसंघातील प्रचार...औरंगाबाद : औरंगाबाद लोकसभा मतदारसंघातील...
सध्याचे सरकार म्हणजे लबाडाचे आवतन : पवारनगर : सध्याचे केंद्र सरकार म्हणजे लबाडाचे आवतन...
सिंचनाच्या पाण्याचे मोजमाप करण्याच्या...शेतीमध्ये पाणी हा अत्यंत महत्त्वाचा घटक असून,...
परभणीत वांगी प्रतिक्विंटल १००० ते २५००...परभणी : येथील पाथरी रस्त्यावरील फळे भाजीपाला...
मतदान केंद्रावरील रांगेपेक्षा...सोलापूर  : सोलापूर लोकसभा मतदारसंघात सर्वत्र...
अवकाळीचा सोलापूर जिल्ह्याला मोठा फटकासोलापूर : जिल्ह्याला गेल्या चार महिन्यांत अधून-...
मंठा तालुक्यात वादळी वाऱ्याने नुकसानमंठा, जि. जालना  : तालुक्यात मंगळवारी ( ता....
पुणे विभागातील दोन लाख हेक्टरवरील ऊस...पुणे  ः गेल्या चार ते पाच महिन्यांपासून पुणे...
मराठवाड्यातील मतदान टक्केवारीत किंचित घटबीड, परभणी : मराठवाड्यातील बीड, उस्मानाबाद,...
सातारा जिल्‍ह्यातील ऊस उत्पादकांना...सातारा  ः जिल्ह्यातील सह्याद्री कारखान्याचा...
म्हैसाळ योजनेत २२ पंपांद्वारे उपसासांगली : म्हैसाळ योजनेच्या पंपांची संख्या विक्रमी...
दिग्गजांच्या सभांनी तापणार साताऱ्यातील...सातारा : सातारा लोकसभा मतदारसंघातील राजकीय...
प्रभावी अपक्ष उमेदवारांमुळे लढती रंगतदारमुंबई : राज्यात तिसऱ्या आणि चौथ्या टप्प्यातील २१...
राज्यात काकडी प्रतिक्विंटल ४००ते २०००...नाशिकला काकडी प्रतिक्विंटल १२५० ते १७५० रुपये...
धनगर समाज भाजपच्याच पाठीशी ः महादेव...सांगली  : मुख्यमंत्री देवेंद्र फडणवीस हेच...
ऊस गाळपात इंदापूर कारखान्याची आघाडी पुणे  : जिल्ह्यात सर्व १७ साखर कारखान्यांनी...
निवडणुकीमुळे चाराटंचाईकडे दुर्लक्ष;...पुणे  : निवडणुकीची रणधुमाळी सुरू असताना...
नाशिक जिल्ह्यात चारा छावण्यांसाठी...नाशिक  : जिल्ह्यातील टंचाईच्या झळा तीव्र होत...