agricultural news in marathi, improved sugarcane variety phule 10,001, Agrowon, Maharashtra | Agrowon

अधिक उत्पादन, साखर उताऱ्यासाठी फुले १०,००१
डॉ. आनंद सोळंके, दीपक पोतदार, संदेश देशमुख
बुधवार, 21 फेब्रुवारी 2018

ऊस उत्पादक शेतकऱ्यांना अधिक उत्पादन देणाऱ्या वाणाची नेहमीच आवश्‍यकता असते. तसेच साखर कारखानदारांनाही अधिक साखर उतारा आवश्‍यक असतो. साखर उद्योगातील या दोन्ही घटकांच्या अपेक्षा उसाचा फुले १०,००१ हा वाण पूर्ण करतो. राज्यातील विविध प्रक्षेत्रांवर घेतलेल्या चाचण्यांमध्ये या वाणाचे उत्पादन व साखर उतारा फुले ०२६५, को ८६०३२ व व्हीएसआय ४३४ या वाणांपेक्षा अधिक मिळाला आहे.

साखर कारखान्यांचा गाळप हंगाम सुरू होत असताना बहुतांशवेळा त्यांना सुरवातीला कमी साखर उतारा असलेला ऊस उपलब्ध होतो. मात्र फुले १०,००१ ऊसवाणामुळे सुरवातीपासूनच अधिक साखर उतारा मिळविता येतो.

ऊस उत्पादक शेतकऱ्यांना अधिक उत्पादन देणाऱ्या वाणाची नेहमीच आवश्‍यकता असते. तसेच साखर कारखानदारांनाही अधिक साखर उतारा आवश्‍यक असतो. साखर उद्योगातील या दोन्ही घटकांच्या अपेक्षा उसाचा फुले १०,००१ हा वाण पूर्ण करतो. राज्यातील विविध प्रक्षेत्रांवर घेतलेल्या चाचण्यांमध्ये या वाणाचे उत्पादन व साखर उतारा फुले ०२६५, को ८६०३२ व व्हीएसआय ४३४ या वाणांपेक्षा अधिक मिळाला आहे.

साखर कारखान्यांचा गाळप हंगाम सुरू होत असताना बहुतांशवेळा त्यांना सुरवातीला कमी साखर उतारा असलेला ऊस उपलब्ध होतो. मात्र फुले १०,००१ ऊसवाणामुळे सुरवातीपासूनच अधिक साखर उतारा मिळविता येतो.

फुले १०,००१ जातीचा पूर्वेतिहास :

  • फुले १०,००१ या वाणाची फुले २६५ व एम एस ०६०२ या वाणांच्या संकरातून निर्मिती करण्यात आली आहे. सदर वाणांचा संकर हा मध्यवर्ती ऊस संशोधन केंद्र, पाडेगाव येथे करण्यात आला आहे.
  • वाणाची चाचणी सन २०१० सालापासून पूर्वहंगामी, सुरू तसेच खोडवा पिकासाठी घेण्यात आली आहे. मध्यवर्ती ऊस संशोधन केंद्र, पाडेगाव, विभागीय ऊस व गूळ संशोधन केंद्र, कोल्हापूर, वसंतदादा शुगर इन्स्टिट्यूट, पुणे तसेच प्रवरानगर येथील प्रक्षेत्रांवर चाचणी घेण्यात आली आहे.
  • महाराष्ट्रात सर्वप्रकारच्या चाचण्या घेऊन वर्ष २०१६ -१७ मध्ये प्रसारित करण्यात आला आहे.

फुले १०,००१ वाणाची वैशिष्ट्ये :

  • हा वाण केवळ १० - १२ महिन्यातच पक्व होतो. त्यामुळे पूर्वहंगामी उसाची तोडणी व गाळप ऑक्‍टोबर - नोव्हेंबर महिन्यातच करता येते. साखर कारखान्यांचा या वेळी साखर उतारा कमी असतो. मात्र या उसामुळे गाळपाच्या सुरवातीच्या महिन्यातही साखर कारखान्यांच्या साखर उताऱ्यात वाढ होते.
  • गाळपालायक ऊसाची अधिक संख्या, उसाची जाडी चांगली व वजन जास्त असल्याने हेक्‍टरी अधिक ऊसउत्पादन व साखरउतारा मिळतो. त्यामुळे हा वाण साखर कारखाने तसेच ऊस उत्पादकांनाही फायदेशीर राहणार आहे.
  • खोडव्याची फूट व वाढ चांगली होते. त्यामुळे खोडव्याच्या उत्पादनातही भरीव वाढ मिळते. 
  • पाने हिरवीगार असून तुऱ्याचे प्रमाण अत्यल्प असते. पाचट सहज निघते त्यामुळे तोडणी करणे सुलभ जाते.
  • वाणाच्या पानांवर, तसेच देठांवर कूस नसल्याने वाढ्याचा उपयोग जनावरांच्या चाऱ्यासाठी होतो.
  • हा वाण मध्यम ते भारी जमिनीत तसेच खारवट व चोपण जमिनीतही चांगले उत्पादन देतो.
  • पूर्वहंगामी व सुरू लागवडीसाठीही हा वाण शिफारशीत करण्यात आला आहे.  

उसाचे व साखरेचे उत्पादन :
फुले ०२६५, को ८६०३२ व व्हीएसआय ४३४ या वाणांच्या तुलनेत उत्पादनात हेक्टरी अनुक्रमे २.०९, ११.३१ आणि ३२.७४ टक्के इतकी वाढ मिळाली आहे. तसेच साखर उताऱ्यात अनुक्रमे हेक्टरी ९.०४, १४.८७ आणि २६.०७ टक्के वाढ मिळाली आहे.

रोग व किडींसाठी प्रतिकारशक्‍ती :

  • हा वाण मर व लालकूज या रोगांना मध्यम प्रतिकारक तसेच चाबूककाणी रोगाला प्रतिकारक आहे.
  • खोड कीड, कांडी कीड, शेंडेकीड व लोकरी मावा या कीडींचाही प्रादुर्भाव या वाणाला अत्यंत कमी होतो.

संपर्क : डॉ. आनंद सोळंके, ९४२२९२१८१६
(मध्यवर्ती ऊस संशोधन केंद्र, पाडेगाव, जि. सातारा)
 

फोटो गॅलरी

इतर ताज्या घडामोडी
एचटी सीड ‘एसआयटी’ची पोलिसांच्या...नागपूर  ः राज्य शासनाने स्थापन केलेल्या एच....
इतिहासकालीन जलसंधारण अन् त्यामागचे...दरवर्षी पिढ्यानपिढ्या पावसाचे पाणी वेगवेगळे उपाय...
अभ्यासक्रमात हवा भूसूक्ष्मजीवशास्त्राचा...महाराष्ट्रात चार कृषी विद्यापीठे असून, तिथे १२...
ठिबकचे अनुदान वाटपासाठी अधिकाऱ्यांची...पुणे ः शासनाकडून ठिंबक सिंचनासाठी तरतूद केलेली...
होळीमुळे द्राक्ष काढणी मंदावलीनाशिक : द्राक्षपट्ट्यात द्राक्ष काढणीसाठी आदिवासी...
एकरकमी एफआरपीबाबत साखर कारखान्यांचे मौनसातारा ः जिल्ह्यातील बहुतांशी कारखान्यांचा ऊस...
‘बळिराजा'चे सोळा उमेदवार जाहीरकोल्हापूर : देशात शिक्षण, आरोग्य, रोजगार तसेच...
साताऱ्यात हिरवी मिरची ४०० ते ५०० रुपये...सातारा ः येथील कृषी उत्पन्न बाजार समितीत मंगळवारी...
धुळ्यात भाजपमध्ये अंतर्गत धुसफुसजळगाव ः लोकसभा निवडणुकीत भाजपचे जळगाव व...
नाशिकमध्ये युतीचे उमेदवार ठरेनानाशिक: लोकसभेच्या निवडणुकीसाठी नाशिक व दिंडोरी...
पुणे जिल्ह्यातील सात साखर कारखान्यांचा...पुणे ः पुणे जिल्ह्यातील साखर कारखान्यांचा ऊस गाळप...
उष्णतेचे कारण देऊन पपईच्या दरात अडवणूकनंदुरबार : जिल्ह्यातील पपई उत्पादकांना अपेक्षित...
नांदेड जिल्ह्यात साडेअकराशे हेक्टरवर...नांदेड ः नांदेड जिल्ह्यात गुरुवार (ता. १४) पर्यंत...
नगर जिल्हाधिकाऱ्यांच्या तपासणी मोहिमेची...नगर : जनावरांच्या छावण्या सुरू केल्या. मात्र,...
वऱ्हाडात हळद काढणीला सुरवातअकोला : वऱ्हाडात दुष्काळी परिस्थिती, तसेच पाणी...
परभणीतील पशुवैद्यक विद्यार्थ्यांचे भीक...परभणी ः पशुसंवर्धन विभागांतर्गंत पशुधन सहायकांना...
नाशिक जिल्ह्यात बिबट्यांचा धुमाकूळनाशिक : नाशिक शहर व जिल्ह्यात बिबट्याच्या...
सोलापूर कृषी विज्ञान केंद्राला...सोलापूर : भारतीय कृषी व संशोधन परिषदेअंतर्गत...
नगर जिल्ह्यात सव्वा कोटी टन उसाचे गाळपनगर ः जिल्ह्यातील २३ सहकारी व खासगी साखर...
सोलापूर जिल्हा दूध संघाचे पैसे...सोलापूर : दूध अनामत रक्कम, पशुखाद्य व गायी...