चीनमध्ये डेअरी उत्पादनांच्या मागणीमध्ये प्रति वर्षी ६ ते ७ टक्के दराने वाढ होत आहे. डेअरी उत्पादनामध्ये प्रामुख्याने चीज, योगर्ट आणि पूरक प्रथिनांची मागणी अधिक असल्याचा अहवाल मिंटेल या सर्वेक्षण कंपनीने दिला आहे. चीनमधील पोषकता सोसायटीने २०१६ मध्ये नूतनीकरण केलेल्या आहारविषयक सूचनांमध्ये प्रौढ व्यक्तीच्या आहारामध्ये ३०० ग्रॅम (१०.६ आऊन्स) डेअरी उत्पादने प्रति दिन वापरण्याची सूचना केली आहे. सध्या हा वापर केवळ १०० ग्रॅम प्रति प्रौढ व्यक्ती इतका कमी आहे. म्हणजेच डेअरी उत्पादनांच्या मागणीमध्ये वेगाने वाढ होत जाणार असल्याचा अंदाज मिंटेल कंपनीतील अन्न आणि पेय विश्लेषक लॉरीस ली यांनी व्यक्त केला. त्यांच्या मते नागरिकांमध्ये जागरूकता वाढली असून, कुटुंबाच्या आर्थिक मिळकतीमध्येही वाढ झाली आहे. या सर्व घटकांचा चांगला परिणाम डेअरी उत्पादनांच्या मागणीवर पडणार आहे.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.