agricultural news in marathi, mango, cashew nut crop advisory , Agrowon, Maharashtra | Agrowon

आंबा, काजू पीक सल्ला
योगेश परुळेकर, डॉ. राजन खांडेकर
शुक्रवार, 29 डिसेंबर 2017

नोव्हेंबर महिन्यात पडलेली थंडी आंब्याला मोहोर आणण्यास पोषक होती. त्यामुळे ज्या बागांमध्ये पक्व पालवी आहे अशा बागांमध्ये मोहोर येण्यास सुरवात झाली आहे. तसेच ज्या झाडांना पॅक्‍लोब्युट्रॉझॉल दिले आहे त्यांच्याही नवीन पालवीतून मोहोर येण्यास सुरवात झाली आहे.
आंबा :

नोव्हेंबर महिन्यात पडलेली थंडी आंब्याला मोहोर आणण्यास पोषक होती. त्यामुळे ज्या बागांमध्ये पक्व पालवी आहे अशा बागांमध्ये मोहोर येण्यास सुरवात झाली आहे. तसेच ज्या झाडांना पॅक्‍लोब्युट्रॉझॉल दिले आहे त्यांच्याही नवीन पालवीतून मोहोर येण्यास सुरवात झाली आहे.
आंबा :

  • सतत बदलत असलेल्या वातावरणामध्ये  मोहोरावर कीड व रोगांचा प्रादुर्भाव होण्याची शक्‍यता आहे. त्याच्या नियंत्रणासाठी उपाययोजना कराव्यात.
  • तुडतुडे या किडीच्या नियंत्रणासाठी लॅम्बडा सायहॅलोथ्रीन (५ टक्के) ०.६ मि.लि. प्रतिलिटर पाणी याप्रमाणात फवारणी करावी. तसेच भुरी रोगाच्या नियंत्रणासाठी हेक्‍झाकोनॅझोल (५ टक्के) ०.५ मि.लि. किंवा विद्राव्य गंधक (८० टक्के) २ ग्रॅम प्रतिलिटर पाणी याप्रमाणात फवारणी करावी.
  • करपा रोगाचा प्रादुर्भाव टाळण्यासाठी कार्बेन्डाझिम (१२ टक्के) अधिक मॅंकोझेब (६३ टक्के) या संयुक्त बुरशीनाशकाची १ ग्रॅम प्रतिलिटर पाणी याप्रमाणात फवारणी करावी. फवारणी करताना सकाळी ९ ते दुपारी २ वाजेपर्यंत किंवा संध्याकाळी ३.३० नंतर करावी.
  • नोव्हेंबर महिन्यात आलेल्या मोहोरावर कणी (मोहरीच्या आकाराची फळे) दिसायला सुरवात होते. अशावेळी २० पीपीएम तीव्रतेची एन.ए.ए.ची (२ ग्रॅम प्रति १०० लिटर पाणी) फवारणी घ्यावी. त्यामुळे फळधारणा वाढण्यास मदत होते.
  • फळवाढीच्या प्रक्रियेत फवारणीद्वारे खते दिल्यास फळाची वाढ चांगली होते. फळगळ रोखण्यासही या फवारणीची मदत मिळते. त्यामुळे फळे वाटाणा, गोटी व अंड्याची आकाराची असताना १ टक्का पोटॅशियम नायट्रेटची (१० ग्रॅम प्रतिलिटर पाणी) फवारणी करावी. तसेच पाण्याची उपलब्धता असल्यास याकाळात प्रतिझाड १५० ते २०० लिटर पाणी द्यावे. तसेच बुंध्याजवळ गवताचे आच्छादन करावे. गरजेनुसार १५ ते २० दिवसांच्या अंतराने पाण्याची दुसरी पाळी पुन्हा तशीच द्यावी.

काजू :

  • डिसेंबर महिन्यात काजूच्या कलमी झाडांना मोठ्या प्रमाणावर नवीन पालवी येऊ लागली आहे. नवीन पालवीमधून मोहोर येऊन फळधारणाही होत आहे.
  • अवकाळी पाऊस व ढगाळ वातावरणामुळे ढेकण्या (टी मॉस्किटो) या किडीचा प्रादुर्भाव दिसून येत आहे. ढेकण्याच्या प्रादुर्भावामुळे नवीन येणारी पालवी, मोहोर तसेच फळे सुकून जातात.
  • ढेकण्याच्या नियंत्रणासाठी प्रादुर्भावग्रस्त कोवळ्या फांद्या तसेच मोहोर कापून टाकाव्यात. ते सर्व बागेबाहेर नेऊन जाळून टाकावेत. बागेमध्ये लॅम्बडा सायहॅलोथ्रीन ०.६ मि.लि. किंवा प्रोफेनोफॉस १ मि.लि. प्रतिलिटर पाणी याप्रमाणात फवारणी करावी.

दालचिनी :

  • दालचिनी या मसाला पिकात पाने पोखरणाऱ्या अळीचाही प्रादुर्भाव होण्याची शक्‍यता असते. नियंत्रणासाठी क्विनॉलफॉस २ मि.लि. किंवा डायमेथोएट १ मि.लि. प्रतिलिटर पाणी याप्रमाणात फवारणी करावी.

काळीमिरी :

  • पोलुभुंगा या किडीच्या नियंत्रणासाठी मॅलॅथिऑन १ मि.लि. किंवा डायमेथोएट १ मि.लि. प्रतिलिटर पाणी याप्रमाणात फवारणी करावी.

संपर्क : योगेश परुळेकर, ८२७५४५४९७८
(कृषी महाविद्यालय, दापोली, जि. रत्नागिरी)

फोटो गॅलरी

इतर ताज्या घडामोडी
पुणे जिल्ह्यातील सात साखर कारखान्यांचा...पुणे ः पुणे जिल्ह्यातील साखर कारखान्यांचा ऊस गाळप...
उष्णतेचे कारण देऊन पपईच्या दरात अडवणूकनंदुरबार : जिल्ह्यातील पपई उत्पादकांना अपेक्षित...
नांदेड जिल्ह्यात साडेअकराशे हेक्टरवर...नांदेड ः नांदेड जिल्ह्यात गुरुवार (ता. १४) पर्यंत...
नगर जिल्हाधिकाऱ्यांच्या तपासणी मोहिमेची...नगर : जनावरांच्या छावण्या सुरू केल्या. मात्र,...
वऱ्हाडात हळद काढणीला सुरवातअकोला : वऱ्हाडात दुष्काळी परिस्थिती, तसेच पाणी...
परभणीतील पशुवैद्यक विद्यार्थ्यांचे भीक...परभणी ः पशुसंवर्धन विभागांतर्गंत पशुधन सहायकांना...
नाशिक जिल्ह्यात बिबट्यांचा धुमाकूळनाशिक : नाशिक शहर व जिल्ह्यात बिबट्याच्या...
सोलापूर कृषी विज्ञान केंद्राला...सोलापूर : भारतीय कृषी व संशोधन परिषदेअंतर्गत...
नगर जिल्ह्यात सव्वा कोटी टन उसाचे गाळपनगर ः जिल्ह्यातील २३ सहकारी व खासगी साखर...
सोलापूर जिल्हा दूध संघाचे पैसे...सोलापूर : दूध अनामत रक्कम, पशुखाद्य व गायी...
शेतकऱ्यांचे नाही, तर श्रीमंतांचे...प्रयागराज, उत्तर प्रदेश : "गेल्या काही...
नगरला चिंच प्रतिक्विंटल ८३०० ते ११९००...नगर ः नगर बाजार समितीत गेल्या आठवडाभरात भुसार...
शिरवळला पशुवैद्यकीय विद्यार्थ्यांचे...सातारा : सहायक पशुधन विकास अधिकाऱ्यांच्या...
स्वाभिमानीसोबत दिलजमाईसाठी बुलडाण्यात...बुलडाणा ः लोकसभा निवडणुकीसाठी राष्ट्रवादीने...
जळगावात गव्हाची आवक रखडत; दर स्थिरजळगाव ः जिल्ह्यात गव्हासाठी प्रसिद्ध असलेल्या...
नाशिकमध्ये हिरव्या मिरचीची आवक टिकून;...नाशिक : नाशिक कृषी उत्पन्न बाजार समितीमध्ये...
I transfer my JOSH to you...पणजी : गोव्याचे मुख्यमंत्री मनोहर पर्रीकर यांनी...
जीवलग मित्र गेला...मनोहर गेला. हे जरी सत्य असले तरी ते मान्य होणे...
जबरदस्त, प्रभावी इच्छाशक्तीचे केंद्र :...लहानपणापासूनच कुठलीही गोष्ट एकदा ठरवली की, तो ती...
तळपत्या सूर्याचा अस्त !राजकारणी माणसाला यश आणि अपयशाचा सामना रोजच करावा...