agricultural news in marathi, sugarcane crop advisory, Agrowon, Maharashtra | Agrowon

उस पीक सल्ला
डॉ. यू. एन. आळसे, डी. डी. पटाईत, डॉ. एस. जी. पुरी
मंगळवार, 17 एप्रिल 2018

१५ फेब्रुवारीनंतर तोडलेल्या उसाचा खोडवा शक्यताे ठेवू नये. सुरू ऊसाची
एप्रिल महिन्यात लागवड करू नये. कारण खोडकिडींमुळे झाडांची संख्या कमी होते.

खोडवा ऊस  :

१५ फेब्रुवारीनंतर तोडलेल्या उसाचा खोडवा शक्यताे ठेवू नये. सुरू ऊसाची
एप्रिल महिन्यात लागवड करू नये. कारण खोडकिडींमुळे झाडांची संख्या कमी होते.

खोडवा ऊस  :

  • नत्राचा दुसरा हफ्ता ६ ते ८ आठवड्यांनंतर हेक्टरी ७५ किलो युरियाद्वारे द्यावा. सरी वरंबा पद्धतीने लागवड केल्यास १२ ते १५ दिवसांच्या अंतराने पाणी द्यावे. ठिबक सिंचनाद्वारे पाणी द्यावयाचे असल्यास एक दिवसाआड मध्यम ते भारी जमिनीत ४० ते ४५ हजार लिटर पाणी प्रतिहेक्टरी द्यावे.
  • खोडवा पीक साडेचार महिन्यांचे झाल्यानंतर खांदणी करावी. खांदणीच्यावेळी रासायनिक
  • खतांची मात्रा नत्र १०० किलो, स्फुरद ५५ किलो व पालाश ५५ किलो प्रतिहेक्टरी या प्रमाणात द्यावे.
  • युरिया शक्यतो निंबोळी पेंडमध्ये मिसळून (६:१ या प्रमाणात) द्यावा. ज्यामुळे नत्राचा होणारा अपव्यय कमी होईल.
  • पिकावर काणी रोगाचा प्रादुर्भाव आढळल्यास रोगग्रस्त झाडाची बेटे मुळासकट खोदून नष्ट करावी.

सुरू ऊस

  • एप्रिल महिन्यात लागवड करू नये. कारण खोडकिडींमुळे झाडांची संख्या कमी होते.
  • तणांचे नियंत्रण करण्यासाठी निंदणी करून घ्यावी.
  • उसाच्या लागवडीनंतर सहा आठवड्यांनी प्रतिहेक्टरी नत्र १०० किलो अशी खतमात्रा द्यावी. पीक बारा आठवड्यांचे झाल्यानंतर प्रतिहेक्टरी नत्र २५ किलो युरियाच्या माध्यमातून द्यावे.
  • नत्राचा निचऱ्याद्वारे होणारा ऱ्हास कमी करण्यासाठी युरिया व निंबोळी पेंड ६:१ या प्रमाणात मिसळून द्यावे.
  • पिकास १० दिवसांच्या अंतराने पाण्याच्या पाळ्या द्याव्यात.  
  • सिंचनासाठी ठिबक सिंचन पद्धतीचा अवलंब करावा; कारण त्यामुळे पाण्याची ४० टक्के इतकी बचत होते.
  • पाणी शक्यताे मोठे वाफे किंवा पाडगे यामध्ये न देता सरळ ओळींमधून द्यावे. त्यामुळेही पाण्याची बचत होऊन उत्पादनात वाढ होते. पाणी देताना एक आड एक सरीस पाणी द्यावे; त्यामुळेही पाण्याची बचत होते.
  • पाण्याची कमतरता असल्यास पिकास वाळलेले गवत, उसाचे पाचट इत्यादींचे आच्छादन करावे.
  • खोडकीडीचा प्रादुर्भाव आढळल्यास वाळलेले पोंगे गोळा करून नष्ट करावेत. त्यानंतर क्लोरअॅन्ट्रानीलीप्रोल (१८.५ एससी) ३ मि.लि. १० लिटर पाण्यात मिसळून फवारावे. हेक्टरी ८ ट्रायकोकार्डचा वापर करावा.
  • गावाजवळील पांढरीच्या जमिनीत लोहाच्या कमतरतेमुळे उसाची पाने पिवळी, पांढरी पडल्यास १ टक्के फेरस सल्फेटची पिकावर फवारणी करावी.

पूर्वहंगामी ऊस   

  • उशिरा लागवड झालेल्या उसात नत्राची चौथी मात्रा १२० किलो प्रतिहेक्टरी पक्क्या बांधणीच्यावेळी द्यावी.
  • सरी वरंबा पद्धतीने लागवड केली असेल तर १० ते १२ दिवसांच्या अंतराने पाणी द्यावे.
  • सिंचनासाठी ठिबक सिंचन पद्धतीचा अवलंब केला असल्यास मध्यम ते भारी जमिनीत एक दिवसाआड ४० ते  ४५ हजार लिटर पाणी प्रतिहेक्टरी द्यावे.
  • बाष्पोत्सर्जन कमी करण्यासाठी उसावर केओलिनची ६० ग्रॅम प्रतिलिटर पाणी याप्रमाणात फवारणी करावी.

संपर्क : डाॅ. यू. एन. आळसे, ०२४५२-२२९००
(कृषी तंत्रज्ञान माहिती केंद्र, वसंतराव नाईक
मराठवाडा कृषी विद्यापीठ, परभणी.)

इतर नगदी पिके
खोडवा उसाला द्या शिफारशीत खतमात्रापाण्याची उपलब्धता लक्षात घेऊन रासायनिक खतांचा...
थंडी, धुक्यांमुळे कांदा पिकावरीस...सध्या थंडीचा कडाका चांगलाच वाढलेला असून, धुकेही...
कांदा पिकावरील किडीचे नियंत्रणसध्या थंडीचा कडाका चांगलाच वाढलेला आहे. या काळात...
ऊसपीक सल्ला सुरू उसाचा कालावधी १२ महिन्यांचा असल्यामुळे ऊस...
खोडवा उसाला द्या शिफारशीत खतमात्राबगला फोडून झाल्यानंतर सेंद्रिय खते सरीमध्ये...
मशागतीशिवाय ऊस खोडव्याचे व्यवस्थापन खोडवा उसामध्ये बाळ बांधणी, मोठी बांधणी करू नये...
रुग्णसेवेसह शेतीतही जपले वेगळेपणमुंबई येथील प्रसिद्ध किडनीविकार तज्ज्ञ डॉ....
तंत्र खोडवा व्यवस्थापनाचे...फेब्रुवारी पूर्वी तुटलेल्या उसाचा खोडवा ठेवावा....
गुलाबी बोंड अळी नियंत्रण उपाययोजनासध्या सर्वत्र कापसाची वेचणी सुरू आहे. डिसेंबर...
कांदा पिकावरील फुलकिडीचे नियंत्रणकांदा पीक हे प्रामुख्याने खरीप, रब्बी हंगामात...
कापसाच्या फरदडीत गुलाबी बोंड अळीचा धोकाचालू हंगामात सुरवातीच्या काळात कपाशीवरील गुलाबी...
पूर्वहंगामी उसासाठी एकात्मिक अन्नद्रव्य...पूर्वहंगामी उसामध्ये वाढीच्या अवस्थेप्रमाणे...
तंत्र पूर्वहंगामी ऊस लागवडीचे...लागवड ३० नोव्हेंबरपर्यंत पूर्ण करावी. लागवडीसाठी...
तंत्र ऊस खोडवा व्यवस्थापनाचे...ऊस तोडणीच्या वेळी पाचट ओळीत न लावता जागच्या जागी...
भुरीच्या प्रादुर्भावावर लक्ष ठेवासर्व द्राक्ष विभागांमध्ये वातावरण पुढील आठ...
कपाशीवरील पिठ्या ढेकणाचे एकात्मिक...पिठ्या ढेकूण ही कीड पिकात शिरल्यानंतर त्याचे...
कपाशीवरील पांढरी माशी, कोळी नियंत्रण...सध्या कोरडवाहू कपाशीवर पांढऱ्या माशी व कोळी या...
उसाच्या उत्पादकता वाढीसाठी सिलिकॉन वापरपिकांच्या वाढीसाठी अन्य अन्नद्रव्यांप्रमाणे...
ऊस उत्पादन वाढीसाठी सूक्ष्म...साधारणपणे ज्या जमिनीत सातत्याने ऊस लागवड असते,...
कपाशीतील किडींचे एकात्मिक नियंत्रणसध्या कपाशीचे पीक पाते, फुले व बोंड लागण्याच्या...