agricultural news in marathi, technology developed to preserve rose till 1 year , Agrowon, Maharashtra | Agrowon

एक वर्षापर्यंत टिकणारे खरे गुलाब !
कोजेन्सिस वृत्तसेवा
शनिवार, 3 फेब्रुवारी 2018

झाडापासून कापणी झाल्यानंतर फूल जास्तीत जास्त ८ ते १० दिवसांपर्यंत टिकते. मात्र, अमेरिकेतील सॅन अॅन्तोनियो (टेक्सास) येथील एका कंपनीने गुलाबाची फुले एक वर्षापर्यंत टिकवण्याची पद्धत विकसित केल्याचा दावा केला आहे. यामुळे अत्यंत नाशवंत मानल्या जाणाऱ्या फुलांच्या बाजारपेठेतील अनेक संदर्भ बदलले जाणार आहेत.

झाडापासून कापणी झाल्यानंतर फूल जास्तीत जास्त ८ ते १० दिवसांपर्यंत टिकते. मात्र, अमेरिकेतील सॅन अॅन्तोनियो (टेक्सास) येथील एका कंपनीने गुलाबाची फुले एक वर्षापर्यंत टिकवण्याची पद्धत विकसित केल्याचा दावा केला आहे. यामुळे अत्यंत नाशवंत मानल्या जाणाऱ्या फुलांच्या बाजारपेठेतील अनेक संदर्भ बदलले जाणार आहेत.

शेतीमध्ये फुलांचे दर्जेदार उत्पादन महत्त्वाचे आहे. मात्र, त्या इतकाच ग्राहकांच्या हाती पडल्यानंतरचा टिकवण कालावधीही अत्यंत महत्त्वाचा मानला जातो. योग्य वेळी कापलेल्या लांब दांड्याच्या गुलाब फुलांचा साठवण कालावधी सामान्य तापमानामध्ये जास्तीत जास्त १० ते १५ दिवसांपर्यंत असतो. मात्र, आयव्हरी फ्लोरल डिझाइन या कंपनीने खास द्रावण तयार केले असून, त्यामुळे फुलांची टिकवणक्षमता एक वर्षापर्यंत वाढवणे शक्य असल्याचा दावा केला आहे. कंपनीचे मालक तुआन ली यांनी सांगितले, की फुले अधिक काळ टिकावीत, यासाठी फुलांच्या कापणी करण्यापासूनच प्रयत्न करण्याची आवश्यकता असते. फुलांची काढणी झाल्यानंतर त्वरित त्यांना एका द्रावणामध्ये बुडवण्यात येते. हे द्रावण ग्लिसरिन, आवश्यक तेल आणि काही प्रकारची वनस्पतिजन्य घटक यापासून बनवले जाते. त्यानंतर ही फुले सामान्य तापमानामध्ये ठेवता येतात. फुलांसाठी सूर्यप्रकाश किंवा पाण्याची आवश्यकताही नसते. ही फुले विविध रंगांमध्ये उपलब्ध आहेत. सध्या व्हॅलेंटाइन दिनाच्या निमित्ताने लाल आणि गुलाबी रंगांमध्ये त्याची अधिक उपलब्धता केली आहे. विविध आकारांच्या बॉक्समध्ये मिळणाऱ्या या फुलांची किंमत सुरू होते ती १२५ डॉलरपासून.

आश्चर्याचा धक्का...
मेगान मॅकवॉन्घ यांच्या पतीने सहा महिन्यांपूर्वी लग्नाच्या दहाव्या वाढदिवसानिमित्त गुलाबाची काही फुले दिली. ती एका बॉक्समध्ये होती. आजही ती पहिल्या दिवसाप्रमाणे ताजी दिसतात, हेच त्याचे वैशिष्ठ्य. त्यासाठी ना पाण्याची गरज, ना वेळच्या वेळी दांड्यांना छाटण्याची गरज ! मेगान यांनी सांगितले, की सामान्यतः केवळ कृत्रिम फुलेच इतके दिवस टिकत असल्याचे माहीत होते. अर्थात कृत्रिम फुलांवर धूळही मोठ्या प्रमाणात जमा होते. मात्र, खरी फुले सहा महिन्यांपेक्षाही अधिक काळ टिकल्याने आश्चर्य वाटत आहे. 

टॅग्स

इतर अॅग्रो विशेष
गोकुळानं ‘गणित’ नाही मांडलंपशुपालनातून दूध व्यवसाय म्हणजे मुळातच उद्योग आहे...
ब्राझीलचा धडा घेणार कधी?सातत्याने दोन वर्षांच्या चांगल्या पाऊसमानानंतर...
उत्तर प्रदेशातील कारखान्यांची अतिरिक्त...नवी दिल्ली ः बाजारात साखरेचे पडलेले दर आणि...
भारतात गोड्या पाण्याची उपलब्धता घटलीवॉशिंग्टन ः भारतात उपलब्ध पाण्याचा आणि पाणी...
कापसाच्या ३७० वाणांच्या विक्रीला...नगर  ः बोंड अळीच्या नियंत्रणासाठी कमी आणि...
अधिकाऱ्यांनी कोंडून दिली खुनाची धमकीपुणे  : कृषी खात्यातील पाणलोट व मृद्संधारण...
उन्हाचा चटका कायम राहणारपुणे : राज्यात उन्हाचा ताप वाढल्याने विदर्भ, मध्य...
वादळाने बाष्प खेचून नेले; अरबी समुद्रात...पुणे : अरबी समुद्रात मंगळवारी कमी तीव्रतेचे वादळ...
हिरापूरच्या बैल बाजारात चार कोटींवर...बीड : हिरापूर (ता. गेवराई) येथे बैलांचा आठवडे...
दापोलीत उद्यापासून जॉइंट ॲग्रेस्कोपुणे ः यंदा ४६ वी संयुक्त कृषी संशोधन व विकास...
बफर स्टॉकच्या शक्‍यतेने साखर १००...कोल्हापूर : गेल्या अनेक दिवसांपासून मंदीच्या...
कापूस बियाणे सत्यता पडताळण्यासाठी ‘क्‍...जळगाव ः बोगस कापूस बियाण्याला आळा घालण्यासह...
फळपिकांसह एकत्रित क्रॉपसॅप योजना...मुंबई : राज्यातील प्रमुख फळ पिके व इतर पिकांवरील...
‘महावेध’ देणार शेतकऱ्यांना अचूक...मुंबई : लहरी हवामानामुळे नेहमीच नुकसान सहन करीत...
‘वनामकृवि’ कुलगुरू पदासाठी उद्या मुलाखतीपरभणी : वसंतराव नाईक मराठवाडा कृषी...
सिंचनक्षमता बळकट करून फळबागशेती केली...केळीचे मुख्य पीक, त्याचे निर्यातक्षम उत्पादन,...
‘त्या’ कृषी पर्यवेक्षकांच्या ‘डिमोशन’ला...अकोला ः सन २०११ मध्ये कृषी पर्यवेक्षक पदावर...
फळबाग शेती, रायपनिंग चेंबर, थेट विक्रीडोंगरकडा (जि. हिंगोली) येथील वयाच्या पासष्टीमध्ये...
अकोला जिल्हा प्रशासन शेतकऱ्यांना देणार...अकोला ः देशात राबवल्या जात असलेल्या प्रधानमंत्री...
दक्षिण महाराष्ट्रातील कारखान्यांत ८०...सांगली/कोल्हापूर ः साखरेला दर नसल्याने निराश...