agricultural news in marathi,agro crop advisory, Agrowon, Maharashtra | Agrowon

कृषी सल्ला : कापूस, भुईमूग, बाजरी, मका...
कृषी विद्या विभाग, महात्मा फुले कृषी विद्यापीठ, राहुरी.
शुक्रवार, 20 जुलै 2018

कापूस
बीटी कापूस बोंड अळ्यांना प्रतिकारक्षम राहण्यासाठी बीटी कपाशी सभोवती ५ ओळी किंवा २० टक्के बिगर बीटी वाणाची लागवड करावी. रस शोषक किडींच्या नियंत्रणासाठी मित्र किटकांचे संगोपन होण्याच्या उद्देशाने मिश्र पीक, आंतर पीक, सापळा पीक म्हणून मका, चवळी, झेंडू या पिकांची लागवड करावी.

कापूस
बीटी कापूस बोंड अळ्यांना प्रतिकारक्षम राहण्यासाठी बीटी कपाशी सभोवती ५ ओळी किंवा २० टक्के बिगर बीटी वाणाची लागवड करावी. रस शोषक किडींच्या नियंत्रणासाठी मित्र किटकांचे संगोपन होण्याच्या उद्देशाने मिश्र पीक, आंतर पीक, सापळा पीक म्हणून मका, चवळी, झेंडू या पिकांची लागवड करावी.

भुईमूग
पाने खाणारी अळी व पाने गुंडाळणारी अळीच्या नियंत्रणासाठी, फवारणी प्रति १० लिटर पाणी
क्विनॉलफॉस (२५ ईसी) २० मिली.
सोयाबीन
स्पोडोप्टेरा अळीच्या प्रादुर्भावाचा आगाऊ अंदाज मिळण्यासाठी हेक्टरी
५ स्पोडोल्युर युक्त कामगंध सापळे
वापरावेत.

बाजरी
सध्या पीक वाढीच्या अवस्थेत असून, याकाळात खोड कीड किंवा खोड माशीचा प्रादुर्भाव होऊ शकतो. त्यांच्या नियंत्रणासाठी फवारणी प्रति १० लिटर पाणी
 मॅलेथिऑन (५० टक्के प्रवाही) १४ मि.लि.
ज्वारी
खोडकिडीचा प्रादुर्भाव दिसून येताच ५ टक्के निंबोळी अर्क किंवा क्विनॉलफॉस (२५ टक्के प्रवाही) २० मि.लि.प्रति १० लिटर पाण्यात मिसळून फवारावे.

मका
खोडकिड नियंत्रणासाठी डायमेथोएट (३० टक्के प्रवाही) १५ मि.लि.
प्रति १० लिटर पाण्यात मिसळून फवारणी करावी.

मिरची
 पीक सध्या फळे लागण्याच्या स्थितीत आहे. या काळात सरकोस्पोरा नावाच्या बुरशीमुळे पानावर गोलाकार, लहान डाग, ठिपके दिसून येतात. डागांचा मध्यभाग फिक्कट पांढरा आणि कडा गर्द तपकिरी असतात. या रोगाला ‘फ्राॅग आय लिफ स्पाॅट'' असेही म्हणतात. रोगाचा प्रादुर्भाव वाढून पाने पिवळी पडून ती गळतात. पानगळ झाल्यामुळे फळे उघडी पडतात.
सौर उष्णतेमुळे फळांवर पांढरे चट्टे पडतात.
अल्टरनेरिया सोलॅनी नावाच्या बुरशीमुळे तपकिरी रंगाचे आकारहीन डाग पानावर दिसतात. या डागांमध्ये एकात एक अशी गोलाकार वलये असतात. असे लहान डाग एकमेकात मिसळून मोठे चट्टे होतात. रोगाचा प्रादुर्भाव वाढून पानाची पूर्ण वाढ होण्याअगोदर करपतात आणि पानगळ होते. सरकोस्पोरा व अल्टरनेरिया
या रोगांचा प्रादुर्भाव बियाण्यांमार्फत होतो.
उपाययोजना :
या रोगांची लक्षणे दिसताच मॅन्कोझेब २५ ग्रॅम किंवा काॅपर आॅक्झिक्लोराईड २५ ग्रॅम किंवा क्लोरोथॅलोनील २५ ग्रॅम प्रति १० लिटर पाणी या प्रमाणे नॅपसॅक पंपाने फवारणी करावी.

वांगी

  • रोपांची पुनर्लागवड करताना रोपे तीन तास अगोदर इमिडाक्लोप्रिड १ मि.लि.प्रति लिटर पाणी या प्रमाणात तयार केलेल्या द्रावणात बुडवून ठेवावीत. नंतर लागवड करावी.
  • पिकाच्या कडेने मका अधिक चवळी यांची लागवड करावी.
  • शेतामध्ये प्रति हेक्टर १०० कामगंध सापळे वापरावेत. त्यातील सेप्टा (ल्यूर) दर दोन महिन्याच्या अंतराने तीन वेळा बदलावे.
  • लागवडीनंतर ५ दिवसांनी तुडतुडे, मावा, पांढरी माशी या किडी आढळून आल्यास, डायमेथोएट (३० टक्के प्रवाही) १० मि.लि. प्रति १० लिटर पाणी या प्रमाणे फवारणी घ्यावी.
  • लागवडीनंतर २० दिवसांनी दर आठवड्याला किडके शेंडे व फळे आढळून आल्यास गोळा करुन नष्ट करावीत. त्यासाठी ती खोल खड्डयात पुरून टाकावीत. त्यानंतर सायपरमेथ्रीन (२५ टक्के प्रवाही) ५ मि.लि. प्रति १० लिटर पाणी या प्रमाणे फवारणी करावी. अधून मधून ४ टक्के निंबोळी अर्काची फवारणी करावी.

वेलवर्गीय भाजीपाला

  • कारली, काकडी, दुधी भोपळा, दोडका, घोसाळी या पिकांवर फळमाशीचा प्रादुर्भाव दिसून येत आहे. त्यासाठी क्यू-ल्युर कामगंध सापळे एकरी ५ या प्रमाणात वापरावेत. ५ टक्के निंबोळी अर्काची फवारणी करावी.
  • वेलवर्गीय पिकांवर केवडा रोगाचा प्रादुर्भाव दिसून आल्यास, त्याच्या नियंत्रणासाठी फवारणी प्रति १० लिटर पाणी
  • मेटॅलॅक्झिल एम अधिक मॅन्कोझेब (संयुक्त बुरशीनाशक) २५ ग्रॅम किंवा काॅपर आॅक्सिक्लोराईड ३० ग्रॅम
  • पुढील फवारणी दहा दिवसांच्या अंतराने करावी.
  • सध्या पावसाळी वातावरण असल्यामुळे फवारणीमध्ये स्टिकर १० मिली प्रति १० लिटर प्रमाणे वापरावे.टीप : पावसाळ्यात फवारणी करताना स्टिकरचा वापर करावा.

संपर्क : ०२४२६ -२४३२३९
(कृषी विद्या विभाग, महात्मा फुले कृषी विद्यापीठ, राहुरी.)

 

फोटो गॅलरी

इतर ताज्या घडामोडी
पुण्यात कांदा, लसूण, फ्लॉवरच्या दरात वाढपुणे  ः गुलटेकडी येथील कृषी उत्पन्न बाजार...
'आणखी साखर तयार कराल, तर खड्ड्यात जाल'विटा, जि सांगली : पाणी आले म्हणून साखरेचे...
शिपायाने घातला शेतकऱ्यांना २२ लाखांला...वर्धा : पशुसंवर्धन विभागाच्या अनुदानावरील...
धान्य पट्ट्यात २०१८मध्ये ४३ शेतकरी...भंडारा : सिंचन, पर्यायी आणि व्यवसायिक पद्धतीविषयी...
पुणे जिल्ह्यात चाराटंचाईचा प्रश्‍न गंभीरपुणे  : जिल्ह्यात पाणीटंचाईबरोबरच...
नांदेड जिल्ह्याला एक लाख क्विंटल...नांदेड : नांदेड जिल्ह्यात २०१९-२० मधील खरीप...
नांदेड जिल्ह्यात हमीभावाने ३८५७ क्विंटल...नांदेड : केंद्र शासनाच्या किंमत समर्थन मूल्य...
खानदेशात मे महिनाअखेरीस कापूस बियाणे...जळगाव  ः खानदेशात पूर्वहंगामी कापूस लागवड...
नांदेड विभागात ७८ लाख टन ऊस गाळपनांदेड : प्रादेशिक सहसंचालक (साखर) नांदेड...
गडहिंग्लज, चंदगड तालुक्यात दहा गावांत...गडहिंग्लज, जि. कोल्हापूर  : गडहिंग्लज आणि...
अनुकूल हवामानामुळे यंदा दर्जेदार...सांगली : यंदा बेदाणा निर्मितीसाठी अनुकूल हवामान...
एकतीस वर्षांतही संपले नाही गोसेखुर्द...भंडारा : राज्यकर्त्यांच्या निष्क्रीयतेमुळे...
शेती, शेतकऱ्यांचे हित जपणारे सरकार...फलटण, सातारा : ‘‘लोकसभा निवडणुकीकडे जगाचे...
बागायती कोल्हापूरचा दुष्काळग्रस्तांना...कोल्हापूर : पाणीटंचाईमुळे दूरवरून पाणी आणण्यासाठी...
नागपूर विभागातील प्रकल्पात  उरला १० टक्...नागपूर  : विभागातील मोठ्या प्रकल्पांमध्ये...
यवतमाळ जिल्ह्यात नाफेडची तूर खरेदी बंदयवतमाळ  : गेल्या दोन वर्षांपासून जिल्ह्यात...
माझे लक्ष्य विधानसभा निवडणूक : राज ठाकरेमुंबई : लोकसभेची निवडणूक लढविणार नाही, हे मी...
शेतकरी संघटनांच्या कार्यकर्त्यांवर...नाशिक : शेतकरी आंदोलनाचा केंद्रबिंदू राहिलेल्या...
जळगाव जिल्ह्यातील ६७ शाळांना सौर प्रकल्पजळगाव  ः  जिल्हा परिषद शाळांमधील...
नगर मतदारसंघात अठरा लाख मतदार बजावणार...नगर  : नगर मतदारसंघात १८ लाख ५४ हजार २४८...