सुरवातीच्या तीन वर्षांत कलमांना योग्य वळण देण्यासाठी छाटणी करावी. कलमांना बुंध्यापासून १.५ मीटर अंतरावर किंवा विस्तारानुसार २५ सें. मी. रुंद आणि १५ सें.मी. खोल गोलाकार चर खोदून त्यामध्ये ऑगस्ट महिन्यात खते द्यावीत. नवीन लागवड केलेल्या कलमांचे बुंधे तणविरहीत ठेवावेत. पाऊस संपल्यानंतर कलमांच्या बुंध्याजवळची माती हलवून मोकळी करावी. तसेच बुंध्याभोवती पालापाचोळा किंवा गवताचे आच्छादन करावे. कलमांच्या जोडाखाली येणारे फुटवे वेळोवेळी काढून टाकावेत. सुरवातीच्या तीन वर्षांत कलमांना योग्य वळण देण्यासाठी छाटणी करावी. जमिनीपासून सुमारे ०.७५ ते १ मीटर उंचीपर्यंत कलमांच्या खोडावर फांद्या येऊ न देता खोड स्वच्छ ठेवावे. साधारणपणे एक मीटर उंचीवर चारही बाजूंनी फांद्यांची वाढ होऊन झाडाचा आकार घुमटाकार होईल याकडे लक्ष द्यावे.
नवीन लागवड केलेल्या कलमांची काळजी :
खत व्यवस्थापन :
काजू कलमांना वयोमानानूसार द्यावयाची खतमात्रा
वय वर्षे लागवडीनंतर | शेणखत (घमेली) | नत्र (ग्रॅम) | स्फुरद (ग्रॅम) | पालाश (ग्रॅम) |
१ | १ | २५० (युरिया ५०० ग्रॅम) | ६३ (४०० ग्रॅम सिंगल सुपर फॉस्फेट) | ६३(१०० ग्रॅम म्युरेट ऑफ पोटॅश) |
२ | २ | ५०० (युरिया १ किलो) | १२५ (८०० ग्रॅम सुपर फॉस्फेट) | १२५ (२०० ग्रॅम म्युरेट ऑफ पोटॅश) |
३ | ३ | ७५० (युरिया १.७२५ किलाे) | १८८ (१.२५किलो सिंगल सुपर फॉस्फेट) | १८८ (३०० ग्रॅम म्युरेट ऑफ पोटॅश) |
४ | ४ | १००० (युरिया २.२०० किलाे) | २५० (१.५० किलाे सिंगल सुपर फॉस्फेट) | २५० (४०० ग्रॅम म्युरेट ऑफ पोटॅश) |
संपर्क : योगेश परुळेकर, ८२७५४५४९७८ (उद्यानविद्या विभाग, कृषी महाविद्यालय, दापोली, जि. रत्नागिरी)
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.