सेंद्रिय हळद, ऊस उत्पादनासह प्रक्रिया पदार्थनिर्मितीकडे कल

शेतकरी :  निवास लक्ष्मण साबळे, शिवथर, ता. जि. सातारा सातारा जिल्ह्यात सेंद्रिय शेती करण्याकडे कल वाढू लागला आहे. सातारा जिल्ह्यातील मालगाव येथील सात्विक सेंद्रिय शेतकरी बचत गटाच्या माध्यमातून अनेक शेतकरी उत्तमरीत्या सेंद्रिय शेती करत आहेत. या गटातील शिवथर (ता. जि. सातारा) येथील निवास लक्ष्मण साबळे हे सेंद्रिय पद्धतीने हळद आणि ऊस पिकाचे उत्पादन यशस्वीपणे घेत असून, सेंद्रिय गूळनिर्मितीही करत आहेत.

शिवथर (ता. जि. सातारा) येथील निवास साबळे यांची वडिलांसह एकत्रित ३.५ एकर शेती आहे. शिक्षण सुरू असतानाही ते वडिलांच्या सोबतीने पारंपरिक शेती करत. पुढे काही काळ व्यवसाय केल्यानंतर संपूर्ण वेळ शेती करू लागले. या काळात वडिलांनी नैसर्गिक शेतीचे प्रशिक्षण घेतले. चार वर्षांपूर्वी त्या पद्धतीने शेती करण्यास सुरवात केली. मालगाव परिसरामध्ये सात्विक सेंद्रिय शेतकरी बचत गट कार्यरत असून, त्या गटामध्ये ते समाविष्ठ झाले. गटातील प्रत्येक शेतकऱ्याकडे देशी गाय असणे बंधनकारक आहे, त्यामुळे दोन गीर गायींची खरेदी केली. रासायनिक शेती पूर्णपणे थांबवून दोन एकर ऊस आणि दहा गुंठे हळद या पिकांची सेंद्रिय पद्धतीने लागवड सुरू केली. उर्वरित क्षेत्रामध्ये गहू, ज्वारी ही हंगामी पिके घेतात. या वर्षी प्रथमच वांगी, फ्लॉवर, टोमॅटो या भाजीपाला पिकांची लागवड केली. या गटातील ३७ शेतकऱ्यांनी पीजीएस प्रमाणीकरणासाठी प्रयत्न केले असून, त्याचे दुसरे वर्ष आहे. सेंद्रिय उत्पादन आणि उत्पन्नाविषयी निवास साबळे यांनी सांगितले, की रासायनिक शेतीच्या तुलनेमध्ये उत्पादन कमी येत असले तरी जमिनीचा पोत सुधारत आहे. त्याचप्रमाणे नैसर्गिक घटकांच्या साह्याने कीडरोग नियंत्रणात ठेवण्याकडे कल असतो. खर्च अत्यंत कमी असल्याने कमी उत्पादन येऊनही परवडू शकते.    

घन जीवामृताचा वापर : दरवेळी पाण्यासोबत जीवामृत देत असले तरी आवश्यकतेनुसार घन जीवामृताचा वापर केला जातो. दोन पोती सुकवलेले शेण, दहा लिटर गोमूत्र, दोन किलो गूळ, दोन किलो बेसन, वडाच्या झाडाखालील माती यांचे मिश्रण बारदानामध्ये भरून तीन दिवस सावलीमध्ये ठेवतात. त्यानंतर ते शेतात टाकतात.

सेंद्रिय हळद :

निवास साबळे यांची वैशिष्ट्ये :

संपर्क : निवास साबळे, ९९२२५२४२६२