प्रवीस कृषी रसायनाची सीआयबी रजिस्टर्ड उत्पादने बाजारात

कोल्हापूर : येथील प्रवीस कृषी रसायन या कंपनीने सोळा उत्पादने सेंट्रल इन्सेक्‍टिसाइड बोर्ड, फरिदाबादकडे नोंदणीकृत केली आहेत. तणनाशक, कीटकनाशक आणि बुरशीनाशक या मालिकेतील ही उत्पादने आहेत. अशी माहिती प्रवीस कृषी रसायनचे कार्यकारी संचालक डॉ. हणुमंत भोसले यांनी दिली. ते म्हणाले, `प्रवीस कृषी रसायन या कंपनीने आधुनिक तंत्रज्ञानाने उत्पादित केलेली सोळा उत्पादने सीआयबी नोंदणीकृत करून घेतली आहेत. यामुळे संपूर्ण देशभरासाठी उत्पादन आणि विक्रीचा परवाना मिळाला असून, आता महाराष्ट्रासह अन्य राज्यातही शेतकऱ्यांसाठी ती उपलब्ध केली आहेत. जनरिक श्रेणीतील ही उत्पादने कीड, तण आणि बुरशीच्या नियंत्रणासाठी उपयुक्त ठरतील, असा दावा त्यांनी केला. ग्रीनफिल्ड हायटेक टेक्‍नॉलॉजीच्या माध्यमातून गेली अकरा वर्ष शेतकऱ्यांच्या सेवेत असून, सेंद्रिय संजीवके व सेंद्रिय बुरशीनाशके देत आहोत. आता प्रवीस कृषीच्या माध्यमातून हुक, कॅनयोन, प्रनीम, प्रो-क्‍युअर, स्मॅश, स्पाइक, रेड, हर्बो-किल, प्रमिडा, सायटोक्‍झिन-एल, प्रोमेट्री, प्रोझेब, विक्रम, प्रजिब, ऍन्ट्रॉप-प्रो, प्रताप अशी उत्पादने बाजारात उपलब्ध असल्याचे भोसले यांनी सांगितले.