संगीताच्या धड्यांमुळे सुधारते भाषिक कौशल्य

दोन शब्दांतील उच्चारण, अर्थ आणि त्यांचा योग्य जागी वापर या अनुषंगाने लहान मुलांना अनेक वेळा अडचणी येतात. या अडचणीवर संगीताचे धडे फायदेशीर ठरत असतात. ‘मॅसेच्युसेट्स इन्स्टिट्यूट ऑफ टेक्नॉलॉजी’ येथील प्रयोगात असे आढळून आले आहे. संगीताच्या शिक्षणामुळे भाषेची कौशल्ये वाढण्यास मदत होत असल्याचे अनेक अभ्यासातून पुढे आले आहे. मात्र, सर्वसामान्य समजशक्ती सुधारण्याची क्षमता असल्याचे पहिल्यांदाच आढळून आले आहे. ‘एमआयटी’ च्या संशोधकांनी शिशुगटातील मुलांवर पियानोचे धडे देऊन, त्याचे होणारे परिणाम तपासले आहे. वेगवेगळ्या पिचेसमधील आवाज ओळखण्याची क्षमता वाढते. त्याचा फायदा बोलल्या जाणाऱ्या शब्दांचे उच्चारण व्यवस्थित समजण्यासाठी होतो. एकूण समजशक्तीमध्ये बुद्धिमत्ता, एकाग्रतेचा कालावधी आणि कार्यरत स्मरणशक्ती यांचे मोजमाप केले.