agricultural news in marathi,varieties of papaya , Agrowon, Maharashtra | Agrowon

पपईच्या सुधारित जाती देतील चांगले उत्पादन
डॉ. उज्ज्वल राऊत, डॉ. देवानंद पंचभाई
बुधवार, 14 फेब्रुवारी 2018

पपई हे बारमाही भरपूर उत्पादन देणारे फळपीक आहे. खाण्यासाठी व पेपेन उत्पादनासाठी फळांचा उपयोग होतो. या पिकाची उत्पन्नक्षमताही चांगली आहे. मात्र त्यासाठी सुधारित अधिक उत्पादनक्षम जातींची लागवड करणे आवश्‍यक अाहे.

पपई फळपीकाच्या उभयलिंगी व द्विभक्तलिंगी अशा जाती आहेत. उभयलिंगी जातीच्या लागवडीपासून अधिक उत्पादन मिळते. त्यामुळे लागवडीसाठी उभयलिंगी जातीच्या रोपांची खात्रीशीर रोपवाटिकेतून निवड करावी.

पपई हे बारमाही भरपूर उत्पादन देणारे फळपीक आहे. खाण्यासाठी व पेपेन उत्पादनासाठी फळांचा उपयोग होतो. या पिकाची उत्पन्नक्षमताही चांगली आहे. मात्र त्यासाठी सुधारित अधिक उत्पादनक्षम जातींची लागवड करणे आवश्‍यक अाहे.

पपई फळपीकाच्या उभयलिंगी व द्विभक्तलिंगी अशा जाती आहेत. उभयलिंगी जातीच्या लागवडीपासून अधिक उत्पादन मिळते. त्यामुळे लागवडीसाठी उभयलिंगी जातीच्या रोपांची खात्रीशीर रोपवाटिकेतून निवड करावी.

सुधारित जाती
कुर्ग हनीड्यू (मधूबिंदू) : उभयलिंगी जात, चांगली उत्पादन क्षमता, प्रतिझाड प्रतिवर्ष ३० ते ४० फळे मिळतात. फळे लांब आकाराची असतात. गरामध्ये साखरेचे प्रमाण जास्त असल्याने चवीला अतिशय गोड असतात.

पुसा डेलिशिअस : उभयलिंगी जात, चांगली उत्पादन क्षमता, झाडाचे खोड मजबूत असून, फळे जमिनीपासून १६० सें.मी. उंचीपासून वर लागतात. गर अतिशय चवदार आणि गोड असतो. प्रतिझाड प्रतिवर्ष ३० ते ४० फळे मिळतात. फळांचे सरासरी वजन १ ते १.२ किलो असते. साखरेचे प्रमाण १० टक्के असते.

पुसा डॉर्फ : द्विभक्तलिंगी जात, झाडे ठेंगणी आणि जास्त उत्पादन देणारी आहेत. लागवडीनंतर झाडांना २३५ दिवसांपासून फळे लागतात. जमिनीपासून ४० सें.मी. उंचीपासून फळे लागतात. फळे मध्यम आकाराची व सरासरी वजन १ ते १.५ किलो असते. गर अतिशय गोड, मधुर व नारंगी घट्ट असतो. घन लागवडीसाठी ही जात अतिशय चांगली आहे. सोसाट्याचा वारा जेथे वाहतो तेथे ही लागवडीसाठी फायदेशीर ठरते.

सी.ओ.३ : उभयलिंगी जात, झाडे उंच वाढतात. फळे मध्यम आकाराची असून गरामध्ये साखरेचे प्रमाण जास्त असल्याने गर गोड असतो. गराचा रंग लालसर असून, ब्रिक्‍स १४.६ टक्के असते. फळांचे सरासरी वजन ०.५ ते ०.८ किलो असते. प्रतिझाड प्रतिवर्ष ९० ते १२० फळे मिळतात.

वॉशिंग्टन : द्विभक्तलिंगी जात, झाडे बुटकी असतात. फळे लांब, वर्तुळाकार, फळांचे सरासरी वजन १.५ ते २ किलो, गर केशरी, चवदार व उत्पादनास चांगली जात आहे.
तैवान-७८५ आणि तैवान-७८६ : उभयलिंगी जात, भरपूर उत्पादन क्षमता (प्रतिवर्ष प्रतिझाड १०० ते १२५ फळे). लागवड व तोडणी वर्षभर चालू असते. एकूण फळांपैकी ६० ते ७० फळे मोठ्या आकाराची व दुसऱ्या बाजारपेठेत पाठविण्यास योग्य असतात. फळांचे सरासरी वजन १ ते १.५ किलोपर्यंत असते. प्रतिहेक्‍टरी फळांचे उत्पादन १००-१२५ टन मिळते. शुद्ध बियाणे वापरल्यास या जाती व्हायरस रोगाला बळी पडत नाहीत. झाडांची उंची कमी असून, प्रतिहेक्‍टरी ४४४४ झाडांची लागवड करता येते.
सी.ओ.२, सी.ओ.४, सी.ओ.५, सी.ओ.९, सी.ओ.७ : या जाती पेपेन उत्पादनासाठी प्रसारित केलेल्या आहेत. त्यापैकी सी.ओ. ७ ही जात उभयलिंगी असून, बाकीच्या द्विभक्तलिंगी आहेत.

 

संपर्क : डॉ. उज्ज्वल राऊत, ९८५०३१४३५२
(उद्यान विद्या विभाग, डॉ. पंजाबराव देशमुख कृषी विद्यापीठ, अकोला.)

इतर अॅग्रोगाईड
केळी पीक सल्लाउन्हाळ्यात अधिक तापमान, तीव्र सूर्य प्रकाश, वादळी...
गुलाबी बोंड अळी नियंत्रणासाठी फरदड;...केंद्रीय कापूस संशोधन संस्था, नागपूरद्वारे तयार...
जैविक कीड-नियंत्रणासाठी उपयुक्त बुरशीगेल्या काही वर्षांमध्ये कीडनियंत्रणासाठी...
केशर आंबा फळगळीची कारणे अन् उपाययोजना  सद्यःस्थितीत हवामान आंबा झाडांसाठी...
शास्त्रीय पद्धतीनेच व्हावेत जल...गावातील पाण्याचे स्रोत ज्या भागात आहेत, त्या...
शेतजमिनीतील चिकणमातीच्या प्रकारानुसार...हलक्या आणि कमी पाणी धरून ठेवण्याची क्षमता...
कोरडवाहू शेतीतील समस्या जाणून...राज्यात एकूण शेत जमिनीपैकी १८ टक्के जमीन बागायत...
कांदा व लसूण व्यवस्थापन सल्लारांगडा कांद्याची काढणी झालेली असून, रब्बी...
बंधाऱ्यांची परिस्थिती अन् परिणामसध्या जलसंधारण म्हटले की आपल्या डोळ्यांसमोर...
सूज, जखमांवर काळी अळू उपयुक्त स्थानिक नाव    : काळी अळू...
उन्हाळी भुईमुगावरील कीड नियंत्रणउन्हाळी भुईमुगावर खालील विविध अळ्यांचा...
लागवड उन्हाळी तिळाची...उन्हाळी हंगामात लागवडीसाठी एकेटी १०१, पीकेव्ही एन...
उन्हाळी भुईमुगावरील पानेे खाणारी अळी या अळीला तंबाूखूवरील पाने खाणारी अळी म्हणूनही...
उन्हाळी पिकातील खतांचे व्यवस्थापनउन्हाळी हंगामात प्रामुख्याने भुईमूग, सूर्यफूल,...
जमीन, हवामानानुसार बांबू जातीची निवड...वनामधील बांबूची प्रत चांगली नसते आणि वनातला बांबू...
द्राक्ष बागेतील अतिथंडीचे परिणाम,...द्राक्षलागवडीखालील भागात (मुख्यतः नाशिक जिल्हा)...
थंडी : केळी पीक सल्ला१) सध्याच्या थंडीमुळे नवीन लागवड केलेल्या...
वाढत्या थंडीपासून द्राक्षबागेचे संरक्षणउत्तरेकडून येणाऱ्या थंड वाऱ्यांमुळे राज्यातील...
केळी पीक व्यवस्थापन सल्ला उन्हाळ्यातील अधिक तापमान, वेगाने वाहणारे वारे...