तंत्रज्ञान, संशोधनात आविष्कार घडवण्याची क्षमता, काळाच्या पुढे जाण्याची वृत्ती, जागतिक बाजारपेठेचा प्रचंड अभ्यास व जगात आघाडीवर राहण्याचे उत्तुंग ध्येय. पुणे येथील विकास दत्तात्रय दांगट या मराठमोळ्या उद्योजकाची ही सारी वैशिष्ट्ये आहेत. विंग (जि. सातारा) येथे आंतरराष्ट्रीय दर्जाचा भव्य शेतमाल प्रक्रिया उद्योग उभारून नावीन्यपूर्ण उत्पादनांची श्रेणी त्यांनी तयार केली आहे. त्याद्वारे युरोप, अमेरिकेतील बाजारपेठा मिळवल्या. देशभरात दहा हजार शेतकऱ्यांसोबत करार शेती करून त्यांना आपल्या उद्योग कक्षेत आणले आहे.
पुणे-कोल्हापूर राष्ट्रीय महामार्गावर सुमारे ५० किलोमीटरवर शिरवळजवळ असलेल्या फाट्यापासून आत वळले की काही किलोमीटवर विंग हे गाव लागते. तिथं ‘एसव्ही ग्रुप आॅफ कंपनीज’ या उद्योगसमूहांतर्गत शेतमाल प्रक्रिया उद्योग प्रकल्प १४ एकरांत वसला आहे.
नऊ कंपन्यांची जबाबदारी सांभाळणारा अवलिया विकास दत्तात्रय दांगट यांच्या उद्योगसमूहाच्या तब्बल नऊ कंपन्या आहेत. सर्व कंपन्यांनी भारतासह जगात नाव कमावले आहे. या सर्व कंपन्यांचे दांगट हे समूह संचालक आहेत. पुणे जिल्ह्यातील जुन्नर तालुक्यातील उंब्रज हे त्यांचे मूळ गाव. येथील सामान्य शेतकरी कुटुंबात जन्मलेल्या दांगट यांना शिक्षक असलेल्या आई-वडिलांचे संस्कार लाभले. नववीपर्यंत अगदी कंदिलाच्या उजेडात त्यांनी शिक्षण घेतलं. राजकीय पार्श्वभूमी किंवा धनाढ्य संपत्तीचा वारसा नसताना केवळ कुशाग्र बुद्धी व खडतर कष्ट घेण्याची वृत्ती यामुळे ते ‘मेकॅनिकल इंजिनिअर’ झाले.
उच्च ध्येय ठेवून वाटचाल पदवी घेतल्यानंतर पुणे येथे अभियांत्रिकी क्षेत्रातील नावाजलेल्या कंपनीत काही वर्षे नोकरीचा अनुभव घेतला. परंतु नोकरी, पगार, बढती, सर्वोच्च स्थान एवढ्यावर समाधान मानणारी ही व्यक्ती नव्हती. त्यांची विचार व कार्यशक्ती काळाच्या कितीतरी पुढची होती. ‘व्हीजनरी’ असेच संबोधन त्यांना योग्य आहे. त्यादृष्टीने १९९६ मध्ये पुणे शहर परिसरातील नांदेड फाटा भागात अभियांत्रिकी क्षेत्रातील पहिली कंपनी स्थापन केली. टप्प्याटप्प्याने अन्य कंपन्या स्थापन करीत २००७ च्या सुमारास कृषी उद्योग क्षेत्रात प्रवेश केला.
दांगट यांचा उद्योग दृष्टिक्षेपात
कृषी व प्रक्रिया उद्योगात चार कंपन्या अशा.
वैशिष्ट्यपूर्ण काही उत्पादने
उद्योगाची काही वैशिष्ट्ये
रासायनिक अवशेषमुक्त अन्नाची निर्मिती दांगट यांच्या कंपनीने सुमारे पाचशे एकर क्षेत्र विविध ठिकाणी लीजवर घेतले असून तिथे रासायनिक अवशेषमुक्त मालाचं उत्पादन घेतले जात आहे. शेतकऱ्यांचा शेतीतील उत्पादन खर्च कमी करण्याचा दांगट यांचा प्रयत्न आहे. शेतकऱ्यांबरोबरच ग्राहकांना आरोग्यदायी, सत्वयुक्त आहार देण्याचे उद्दिष्ट ठेवले आहे.
मधुमेही रुग्णांसाठी क्रांतिकारी उत्पादन साखरेेबाबत अथवा मधुमेहाबाबत अत्यंत संवेदनशील असलेल्या व्यक्तींसाठी दांगट यांनी भागीदारी प्रकल्पांतून ‘शुगरलीफ’ नावाचे क्रांतिकारी उत्पादन मार्केटमध्ये उपलब्ध केले आहे. साखर, मेथी, डाळिंब, आवळा, काळी मिरी, हळद, आले आदींचा अर्क असलेले हे नावीन्यपूर्ण उत्पादन आहे.
जागतिक बाजारपेठेवर कब्जा
उद्योग विस्तार
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.