नेब्रास्का लिंकन विद्यापीठातील संशोधकांनी पिकांच्या मूलभूत गुणधर्मांची माहिती गोळा करण्याची लिडार आधारित स्वयंचलित आणि कार्यक्षम पद्धत विकसित केली आहे. यातून पिकांच्या जनुकीय माहिती आणि भौतिक गुणधर्म समजणे शक्य होणार आहे. यातून पिकांच्या विविध जाती, संकर किंवा जनुकीय सुधारित गुणधर्मांची तुलना करणे शक्य होणार आहे. याचा फायदा पिकांच्या अधिक उत्पादनक्षम जातींच्या विकासासाठी शास्त्रज्ञांसोबतच पैदासकारांनाही होऊ शकतो. नेब्रास्का लिंकन विद्यापीठातील संशोधक युफेंग गे, सुरेश थापा आणि त्यांच्या सहकाऱ्यांनी वनस्पतींच्या भौतिक गुणधर्मांविषयी मूलभूत माहिती गोळा करण्यासाठी या तंत्रज्ञान विकसित केले आहे. यामुळे वनस्पतीच्या दोन प्रकारांची तुलना सहजतेने करता येते. त्या विषयी माहिती देताना युफेंग गे म्हणाले, की आपण डीएनए सिक्वेन्सिंग आणि जनुकीय माहिती वेगाने मिळवणे शक्य आहे. मात्र, या माहितीची सांगड भौतिक माहितीशी घालण्यासाठी या तंत्राचा चांगला उपयोग होऊ शकतो. केवळ तीन मिनिटांमध्ये अत्यंत अचूक माहिती उपलब्ध होऊ शकते. याचा पहिला प्रयोग मका आणि ज्वारी या पीक वनस्पतींवर करण्यात आला.
तीन मिनिटांमध्ये मिळते माहिती
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.