कॅलिफोर्नियामध्ये पाणी वाचवण्यासाठी केलेल्या उपाययोजनांचा फायदा पर्यावरणासाठीही होत असल्याचे दिसून आले आहे. त्यामुळे हरितगृह वायू उत्सर्जनामध्ये घट, विजेच्या वापरामध्ये बचत साध्य झाली आहे. कर्बवायूंच्या उत्सर्जनाचा विचार केला असता पाणीबचतीच्या फायद्यासह पर्यावरणासाठी बोनसच मिळाला. डेव्हिस येथील कॅलिफोर्निया विद्यापीठात झालेल्या या संशोधनांचे निष्कर्ष ‘जर्नल एन्व्हायर्नमेंटल रिसर्च लेटर्स’मध्ये प्रकाशित झाले आहेत. सुमारे चार वर्षेे कॅलिफोर्निया राज्याला सतत दुष्काळी स्थितीचा सामना करावा लागत होता. या काळात ५.४२ लाख हेक्टर क्षेत्र पडिक राहिल्याने २,७२ अब्ज डॉलरइतके आर्थिक नुकसान सोसावे लागले होते. परिणामी २१ हजार नोकऱ्याही कमी झाल्या होत्या. या पार्श्वभूमीवर २०१५ मध्ये कॅलिफोर्निया राज्यामध्ये पाणीवापरामध्ये २५ टक्क्यांपर्यंत बचत करण्याचे धोरण राबवण्यात आले. त्यातून सुमारे ५२.४ लाख गॅलन पाणी वाचले.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.