फिकट रंगामुळे छताच्या थंडाव्यासोबत पाण्यात बचतही शक्य

उष्ण कटिबंधामध्ये घराचे तापमान थंड ठेवण्यासाठी मोठ्या प्रमाणात ऊर्जा खर्च होते. त्यातून उत्सर्जित होणाऱ्या हरितगृह वायूचे विपरीत परिणाम पर्यावरणावरही होतात. याऐवजी छताचा रंग पांढरा किंवा फिकट ठेवल्यास थंड छत ठेवण्यास फायदेशीर ठरते. त्याचप्रमाणे शहरी भागातील लागणाऱ्या पाण्यामध्येही बचत होण्यास मदत होत असल्याचे ‘लॉरेन्स बर्कले नॅशनल लॅबोरेटरी’ने केलेल्या अभ्यासामध्ये दिसून आले आहे. वातावरण नियंत्रणासाठी मोठ्या प्रमाणात ऊर्जेचा वापर होतो. त्यातून हरितगृह वायूंचे प्रमाण वाढून तापमानामध्ये वाढ होत असल्याने एकूण पर्यावरणासाठी नुकसानकारक ठरते. यावर मात करण्यासाठी लॉरेन्स बर्कले राष्ट्रीय प्रयोगशाळेतील ऊर्जा विभागातील संशोधिका पौया वाहमनी आणि अॅण्ड्र्यू जोन्स यांनी छत थंड ठेवण्यासाठी काही प्रयोग केले. त्यांच्या परिणामांचे विश्लेषण केले. यातून घरे थंड राहण्यासोबतच बाह्य परिसरामध्ये वापरल्या जाणाऱ्या पाण्यामध्येही बाष्पीभवन कमी होऊन बचत होऊ शकत असल्याचे दिसून आले. १८ कॅलिफोर्निया प्रांतामध्ये पाणीबचतीचे हे प्रमाण किमान ९ टक्क्यांपर्यंत असेल. लॉस एन्जेलिस प्रांतामध्ये एकूण ८३० लाख गॅलन पाणी प्रतिदिन वाचू शकते. त्यांच्या अभ्यासाचे हे निष्कर्ष ‘नेचर कम्युनिकेशन्स’मध्ये प्रकाशित करण्यात आले आहेत. महत्त्वाचे मुद्दे ः