तणनाशकांना प्रतिकारकता विकसित झालेली असल्याने तणांचे नियंत्रण करणे महागडे ठरते. तणांच्या नियंत्रणासाठी आच्छादन पिके एक चांगला पर्याय ठरू शकतो. त्या अनुषंगाने इल्लिनॉईज विद्यापीठातील कृषी शास्त्र महाविद्यालयामध्ये प्रयोग करण्यात आले. त्यात बेबी सोयाबीन पिकामध्ये मोहरीचे आच्छादन पीक घेऊन ते लवकर गाडून टाकल्यास फायदा होत असल्याचे दिसून आले आहे.
भाजीपाला पिकामध्ये तणांचा प्रादुर्भाव ही मोठी समस्या मानली जाते. त्याच्या नियंत्रणासाठी तणनाशकांचा वापर करणेही अनेक वेळा शक्य होत नाही. अशा वेळी पर्यावरणपूरक पर्यायी पद्धतीचा वापर करण्यासंदर्भात इल्लिनॉईज विद्यापीठातील संशोधक मार्टी विल्यम्स अभ्यास करीत आहेत. त्यांनी सांगितले, की भाजीपाला पिकामध्ये मोहरीवर्गीय आच्छादन पिकांचा अवलंब केल्यास तणांची घनता २० टक्क्याने कमी होत असल्याचे दिसून आले. सुरवातीच्या काळामध्ये वाढणाऱ्या तणांची वाढ ८५ टक्क्यापर्यंत रोखली जाते. मोठ्या दाण्याच्या व खाण्यायोग्य सोयाबीनला इडॅमम किंवा बेबी सोयाबीन म्हणून ओळखले जाते. त्याची लागवड भाजीपाल्यामध्ये अमेरिकेतील अनेक राज्यांमध्ये केली जाते. या पिकाच्या उगवणीवर तणाच्या प्रादुर्भावामुळे विपरीत परिणाम होतो. त्यातच जर आच्छादन पिकांचा अवलंब केल्यास कितपत फायदा होईल, याबाबतच संशोधकांमध्ये मतभिन्नता होती. साध्या सोयाबीनच्या तुलनेमध्ये बेबी सोयाबीन हे मातीचा प्रकार आणि उगवणीसाठी संवेदनशील असते. त्यामुळे या पिकांवर विल्यम्स आणि त्यांच्या सहकारी संशोधकांनी तीन वर्षासाठी चाचण्या घेतल्या. इडॅममच्या ११ प्रकाराचा आणि आच्छादन पिकामध्ये मुळा, विंटर कॅनोला, मोहरीवर्गीय पिके यांचा समावेश होता.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.