इरविंग पक्ष्यांच्या पंखांची ओरिगामी, ४ डी तंत्राद्वारे नक्कल

कागदांच्या घडीकामाच्या कलेला `ओरिगामी` म्हणतात. ही जपानी कला केवळ मुलांच्या मनोरंजनासाठीच नव्हे; तर विविध आधुनिक उत्पादनांमध्येही मोलाची भर घालत आहे. एटीएच झुरीच आणि पुरदेई विद्यापीठातील संशोधकांनी चार मितीय (४ डी) प्रिटिंग तंत्रज्ञानामध्ये विविध उत्पादनांच्या निर्मितीसाठी ओरीगामी संरचना आणि इरविंग पक्ष्यांच्या पंखाच्या रचनेची सांगड घालण्याचा प्रयत्न केला आहे.

निसर्गामध्ये इरविंग पक्ष्यांचे आकाशात उडताना पसरलेल्या स्थितीमध्ये मोठे होणारे पंख पक्षी बसल्यानंतर मात्र अत्यंत कमी जागेमध्ये सामावले जातात. त्यांच्या पंखातील पडणाऱ्या घड्यांचा अभ्यास करून, ओरिगामी कलेच्या मदतीने प्रोटोटाइप तयार करण्यात आले आहेत. सामान्य स्थितीच्या तुलनेमध्ये इरविंग पक्ष्याचे पंख उघडलेल्या स्थितीमध्ये दहा पट मोठे होतात. हे गुणोत्तर निसर्गामध्येही सर्वांत मोठे आहे. त्याचप्रमाणे एकदा उघडल्यानंतर तसेच राहण्यासाठी किंवा बंद होण्यासाठी कोणत्याही स्नायूंच्या उर्जेची आवश्यकता राहत नाही, हे त्याचे आणखी एक वैशिष्ट्य. एखादी मोठी संरचना गुंडाळून कमीत कमी जागेमध्ये ठेवण्यासाठी अशाप्रकारे ओरिगामी कला उपयुक्त ठरत आहे.