वातावरणातील बदल लक्षात घेता कांदा पिकांच्या नव्या जातींच्या पैदासीसाठी सातत्याने प्रयत्न केला जात आहे. जागतिक पातळीवरील विविध संस्था त्यासाठी कार्यरत आहेत. त्यामध्ये खासगी संशोधन संस्था, कंपन्यांचे संशोधन विभागही उतरले आहे. विविध रोगांसाठी प्रतिकारकता, सालीची जाडी, गंध, रंग यावर लक्ष केंद्रित केले जात आहे. कांद्याचा दर्जा हा अत्यंत महत्त्वाचा घटक असून, तो टिकवण्यासाठी विविध मार्गाने प्रयत्न केले जात आहेत. त्यासाठी रोग प्रतिकारकता विकासावर प्राधान्याने लक्ष दिले जात आहे. कमी कालावधीच्या कांद्यामध्ये येणाऱ्या करपा रोगाविरुद्ध प्रतिकारक जनुक पीडीआर कार्यान्वित असलेल्या प्रजातीं बाजारात उतरवण्यासाठी पैदासकार तयार आहेत. त्याविषयी माहिती देताना ग्लोबल प्रोडक्ट मॅनेजर विम व्हॅन डेर हेईज्दान यांनी सांगितले, की या रोगांविरुद्धची प्रतिकारशक्ती कांदा पिकाला आणि उत्पादनांना बाजारामध्ये वेगळी क्षमता देणार आहे. नेदरलँडमधील बियाणे उत्पादक कंपनी हजेरातर्फे विविध ठिकाणी कांदा सुधार प्रकल्प राबवला जात असून, त्यामध्ये प्राधान्याने दर्जा आणि अधिक उत्पादनावर लक्ष केंद्रित करण्यात येतो. दर्जासाठी कंपनीने काही निकष ठरवले आहेत. त्यात कडकपणा आणि सुप्तावस्था यांचा समावेश आहे. कडकपणा हा घट्टपणा, कांद्याच्या सालींची संख्या आणि जाडीवर अवलंबून असतो. त्यामुळे वाहतुकीदरम्यान व साठवणीमध्ये कांदा चांगला राहण्यास मदत होते. स्थानिक हवामानानुसार केले खास बदल ः
रोगासाठी प्रतिकारकता ः
दीर्घकाळ साठवणीमधील वजनांची घट
कांद्याचा रंग ः गेल्या काही वर्षांमध्ये कांद्याच्या रंगामध्ये बदल केले जात आहे. नेहमीच्या लाल, पांढरा यासोबत पिवळा, गुलाबी असे रंग आणले जात आहेत. गुलाबी रंगाचा कांदा इक्वेडोर परिसरातीमध्ये लोकप्रिय आहे. गुलाबी रंग आणि मंद असा गंध असलेला कांदा पेरू आणि डोमिनिकन प्रजासत्ताक येथील देशांमध्ये प्रसिद्ध आहे. त्याच प्रमाणे लाल आणि पांढऱ्या कांद्याचाही बाजारपेठेतील हिस्सा वाढत आहे. हजेरा कंपनीने एका कांद्यामध्ये दुहेरी रंग असलेली जात आणण्याचे नियोजन केले आहे. सेंद्रिय बाजारपेठेसाठी नवी जात ः गेल्या काही वर्षांमध्ये सेंद्रिय बाजारपेठ वेगाने विस्तारत आहे. त्यामध्ये बस्तान बसवण्यासाठी हजेरा कंपनीने विशिष्ट जात- फास्टो बनवली आहे. ती हवामानातील विविध बदलांमध्येही चांगल्या प्रकारे वाढते. तिचा साठवणकालावधीही उत्तम आहे. तसेच लवकर येणारी, रोग प्रतिकारकता असल्याने दर्जाही चांगला मिळतो.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.