वृद्धापकाळातील नाजूकपणा कमी करण्यात आहार ठरेल महत्त्वपूर्ण

वृद्धापकाळातील नाजूकपणा कमी करण्यात आहार ठरेल महत्त्वपूर्ण
वृद्धापकाळातील नाजूकपणा कमी करण्यात आहार ठरेल महत्त्वपूर्ण

मध्य पूर्वेतील देशांप्रमाणे फळे, भाज्या, पूर्णधान्ये, कडधान्ये व सुका मेवा यांचा आहारात समावेश असल्यास वृद्धत्वामध्ये भेडसावणाऱ्या नाजूक प्रकृतीचा धोका कमी करणे शक्य होते. या आहारामध्ये वृद्धापकाळामध्येही अधिक काळापर्यंत स्वावलंबी राहणे शक्य होऊ शकते. हे संशोधन ‘जर्नल ऑफ गेरियाट्रिक्स सोसायटी’मध्ये प्रकाशित करण्यात आले आहे. वार्धक्यामध्ये वाढत्या वयासोबत ताकद कमी होत जाते, तसतसे वजनामध्ये आणि स्नायूंच्या शक्तीमध्ये घट होते. परिणामी चक्कर येणे, हाडे ठिसूळ होणे, स्मरणशक्ती कमजोर होणे अशा अनेक समस्या उद्भवतात. यावर इंग्लंड येथील ‘युनिव्हर्सिटी कॉलेज लंडन’ येथील संशोधक केट वॉल्टर्स आणि गोतारो कोजिमा यांच्या गटाने मार्ग काढण्याचा प्रयत्न केला आहे. या समस्येसाठी आरोग्यपूर्ण आहार अत्यंत महत्त्वाचा ठरत असल्याचे दिसून आले. मध्य पूर्वेसह फ्रान्स, स्पेन, इटली आणि चीन येथील चार संशोधनामध्ये सुमारे ५७८९ लोकांच्या आहार आणि आरोग्याचे विश्लेषण केले. त्याविषयी माहिती देताना डॉ. वॉल्टर्स यांनी सांगितले, की ज्या व्यक्ती मध्य पूर्वेतील आहारांचा काटेकोरपणे पालन करतात, त्यामध्ये वृद्धापकाळी नाजूकपणाची समस्या कमी उद्भवतात. हे प्रमाण अर्ध्यापेक्षाही कमी राहत असल्याचे दिसून आले. या अभ्यासामध्ये मध्य पूर्वेतील लोकांप्रमाणे अधिक फळे, भाज्या, पूर्ण धान्ये, कडधान्ये आणि सुका मेवायुक्त अशा सातत्यपूर्ण आहारामुळे वृद्धांच्या स्नायूंची शक्ती, कार्यक्षमता, वजन आणि ऊर्जा पातळी कायम राहण्यास मदत होते.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com