| ओरेगॉन येथील २६ वर्षीय महिलेच्या डोळ्यामध्ये कॅटल आयवर्म (शा. नाव ः Thelazia gulosa) पहिल्यांदाच आढळून आली आहे. प्रामुख्यानेमोठ्या आकाराच्या प्राण्यांच्या (गाय) डोळ्यामध्ये ही सूत्रकृमी आढळते. मात्र, मानवांमध्ये तिचा प्रादुर्भाव आढळण्याची ही पहिलीच बाब समोर आली आहे. त्याबाबतची माहिती अमेरिकन जर्नल ऑफ ट्रॉपिकल मेडीसीन अॅण्ड हायजीन मध्ये प्रकाशित करण्यात आली आहे. ब्रुकींग (ओरेगॉन) येथील अॅबी बेकले या महिलेची सातत्याने डोळ्यामध्ये काही खुपत असल्याची तक्रार होती. ऑगस्ट २०१६ मध्ये ओएचएनयू येथील वैद्यकीय महाविद्यालयातील प्रा. एरीन बोन्युरा यांनी पाहणी केली असता डोळ्यामध्ये ही कृमी आढळली. बेकले यांच्या पापणीच्या आतून पारदर्शक अर्धा इंच लांबीची कृमी वैद्यकीय तज्ज्ञांनी काढली. काढताना तिचे दोन भाग झाले असले तरी तिची प्रजात ओळखणे शक्य झाले. कॅटल आयवर्म उत्तर अमेरिकेती गायींच्या डोळ्यामध्ये थेलाझिया कुळातील सुत्रकृमी परजिवी आढळते. या आधी मानवामध्ये प्रादुर्भावाच्या दहा घटना नोंदवल्या असल्या तरी त्याची प्रजाती वेगळी आहे. गेल्या दोन दशकामध्ये प्रथमच थेलाझिया गुलोसा ही प्रजाती मानवामध्ये आढळली आहे. या सूत्रकृमीचा प्रसार गायींच्या डोळ्यातून वाहणाऱ्या पाण्यामध्ये तिच्या माशींद्वारे अंडी घातल्याने होतो. ही माशी एका गायीकडून दुसऱ्या गायीकडे या कृमींचा प्रसार करते. आतापर्यंत माणसांच्या डोळ्यामध्ये ती वाढू शकत नसल्याचे मानले जात होते. | |||
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.