प्रतिकारक जिवाणूंच्या प्रसारासाठी पशुपक्षी ठरतात कारण
प्रतिकारक जिवाणूंच्या प्रसारासाठी पशुपक्षी ठरतात कारण

प्रतिकारक जिवाणूंच्या प्रसारासाठी पशुपक्षी ठरतात कारण

शेतकऱ्यांकडे असलेल्या जनावरांद्वारे प्रतिजैविकांना न जुमानणाऱ्या जिवाणूंचा प्रसार होतो. मात्र, त्याचा वेग आणि दिशा नेमकेपणाने जाणून घेण्याची आवश्यकता आहे. त्यासाठी जनुकीय माहिती विश्लेषण उपयुक्त ठरू शकेल, असे मत एडिंनबर्ग विद्यापीठातील संशोधकांनी व्यक्त केले आहे. समृद्ध शेतीमध्ये नेहमीच विविध पाळीव जनावरांचाही समावेश केला जातो. त्यातील अनेक प्राणी अगदी त्याच्या कुटुंबातील सदस्यच बनून जातात. या प्राण्यांसोबतच खाद्यासाठी पाळल्या जाणाऱ्या पशुपक्ष्यांमुळेही विविध रोग आणि जिवाणूंचा प्रसारही होत असतो. या संदर्भात इंग्लंड येथील एडिंनबर्ग विद्यापीठातील संशोधकांनी केलेल्या अभ्यासात गाई, वराह, कोंबड्या यासारख्या प्राण्यांमुळे औषधांना दाद न देणाऱ्या जिवाणूंचा प्रसार होत असल्याचे स्पष्ट झाले आहे. जिवाणूंतील नेमके फरक मिळवण्यासाठी त्यांनी जनुकीय विश्लेषण करून त्याची सांगड रोग प्रसाराशी घातली आहे. जागतिक आरोग्य संघटनेने ई. कोलाय जिवाणूंच्या प्रसारातून मानवी आरोग्यासाठी मोठा धोका असल्याचे भाकित केले आहे. मात्र, लिव्हरपूल आणि ऑक्सफोर्ड या नामांकित विद्यापीठांतील संशोधकांनी नैरोबी येथील आंतरराष्ट्रीय पशुधन संशोधन संस्थेच्या सहकार्यांनी शेतीतील पाळीव प्राणी आणि त्यापासून पसरणाऱ्या जिवाणूंचा सविस्तर अभ्यास केला आहे. या संशोधनाविषयी माहिती देताना एडिंगबर्ग विद्यापीठातील लोकसंख्या आरोग्यशास्त्र केंद्रातील संशोधक दिशोन मुलोई यांनी सांगितले, की खाद्य प्राणी आणि माणूस यातील प्रतिकारक जिवाणूंच्या प्रसाराचे पुरावे मर्यादित असल्याचे आमच्या संशोधनात आढळले. मात्र, या विषयी अधिक समजून घेण्यासाठी जनुकीय माहिती विश्लेषण आणि मृत्यूकारक रोगाचे पुरावे यावर लक्ष केंद्रित करावे लागेल. त्यातून या दोन्ही समुदायातील रोगांचा प्रसार आणि दिशा याविषयी स्पष्टता मिळू शकेल. डॉ. ब्रॅम व्हॅन बुन्निक यांनी सांगितले, की पाळीव प्राण्यांपासून होणारा रोग व जिवाणूंच्या प्रसाराविषयी फारच कमी माहिती उपलब्ध आहे. प्रतिजैविके आणि औषधांना प्रतिकारक जिवाणूंची समानता आणि ओळख याविषयी काम झालेले नाही. त्यामुळे रोगांचा प्रसाराची दिशा ठरवण्यासाठी जनुकीय विश्लेषण फायदेशीर ठरू शकते. संशोधनाचे निष्कर्ष जर्नल फूडबॉर्न पॅथोजन्स अॅण्ड डिसीजमध्ये प्रकाशित केले आहेत.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com