बुरशींची वाढ व प्रसारासाठी आवश्यक अशा महत्त्वाच्या अन्नद्रव्याचा पुरवठा रोखण्याचा नवा मार्ग वेस्टमीड इन्स्टिट्यूट फॉर मेडिकल रिसर्च येथील संशोधकांनी ओळखला आहे. त्यामुळे दरवर्षी सुमारे १.६ दशलक्ष लोकांमध्ये होणारा बुरशींचा प्रादुर्भाव रोखणे शक्य होऊ शकेल, असा दावा केला आहे. बुरशीजन्य रोगांमुळे होणाऱ्या मृत्यूचा दर हा ट्युबरक्युलोसीस इतकाच असून, मलेरियाद्वारे होणाऱ्या मृत्यूदरापेक्षा अधिक आहे. सध्या जी बुरशी विरोधी औषधे वापरली जातात, ती अधिक विषारी आहेत. तसेच त्याचा शरीरामध्ये शोषले जाण्याचा वेगही कमी असून, परिणामकारकता कमी आहे. त्याचप्रमाणे औषधांसाठी निर्माण होणारी प्रतिकारकता ही नवी समस्या उद्भवत आहे. वनस्पतींच्या वाढीसाठी ज्याप्रमाणे विविध अन्नद्रव्यांची आवश्यकता असते, तसेच बुरशींच्या वाढीसाठी काही अन्नद्रव्यांची आवश्यकता असते. माणसांमध्ये फॉस्फेटचे प्रमाण अधिक असूनही त्याचे शोषण बुरशींना योग्य प्रकारे करता येत नसल्याचे संशोधनामध्ये आढळले आहे. त्यामुळे अधिक फॉस्फेटच्या शोषणासाठी बुरशींना अधिक वाहक तयार करावे लागतात. या प्रक्रियेला फॉस्फेट स्टार्वेशन रिस्पॉन्स असे म्हणतात. ही वाहक तयार करण्याची प्रक्रिया रोखणे शक्य झाल्यास बुरशींची वाढ रोखता येईल, असा कयास संशोधकांनी बांधला. त्याचे उंदरावर केलेले प्रयोग यशस्वी झाले असून, उंदरातील बुरशींचा प्रसार रोखणे शक्य झाले आहे. याविषयी माहिती देताना मुख्य संशोधिका आणि सहायक प्रो. ज्युलियाने डिजोर्डजेविक यांनी सांगितले, की या नव्या तंत्रावर आधारीत बुरशीजन्य रोगांचा प्रसार रोखणाऱ्या औषधांची निर्मिती करता येईल. हे तंत्र सुरक्षित आणि वेगवान ठरू शकेल. प्रतिकार शक्ती कमी असलेल्या रुग्णांसाठी फायदेशीर
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.