agricultural stories in marathi, agro vision, Untapped potential for Redbelly blood oranges in European market. | Agrowon

लाल गराच्या संत्रा निर्यात वाढीसाठी ऑस्ट्रेलियन उत्पादकांचे प्रयत्न
वृत्तसेवा
शनिवार, 19 मे 2018

 ऑस्ट्रेलियामध्ये आतील गर व रस रक्तासारख्या लाल रंगाच्या संत्रा फळबागा आहेत. त्याला ब्लड ऑरेंज या नावानेही ओळखले जाते. या फळांच्या निर्यात युरोपीय देश, अमेरिका यासह चीनमध्ये करण्याच्या दृष्टीने उत्पादकांनी प्रयत्न सुरू केले आहे. या फळांच्या वैशिष्ट्याचा विशेषतः स्वाद आणि रंग याचा फायदा होण्याची आशा आहे.

 ऑस्ट्रेलियामध्ये आतील गर व रस रक्तासारख्या लाल रंगाच्या संत्रा फळबागा आहेत. त्याला ब्लड ऑरेंज या नावानेही ओळखले जाते. या फळांच्या निर्यात युरोपीय देश, अमेरिका यासह चीनमध्ये करण्याच्या दृष्टीने उत्पादकांनी प्रयत्न सुरू केले आहे. या फळांच्या वैशिष्ट्याचा विशेषतः स्वाद आणि रंग याचा फायदा होण्याची आशा आहे.

ऑस्ट्रेलियातील साउथ वेल्स रिव्हेरिना जिल्ह्याजवळच्या ग्रिफीथ भागामध्ये ब्लड ऑरेंज फळाच्या बागा आहेत. रिव्हेरीना प्रांतातील वातावरण हे मूलतः सिसिलीप्रमाणे असून, सिसिलीमध्ये ब्लड ऑरेंजच्या अनेक जातींचे मूळ आहे. त्यामुळे येथील फळांना उत्तम चव व स्वाद मिळतो. येथील रेडबेल्ली सिट्रस कंपनीचे संचालक लेन मॅन्सिनी यांनी सांगितले, की रेडबेल्ली सिट्रस कंपनीकडे सुमारे दहा वर्षे जुनी झाडे असून, ती प्रति वर्ष अधिकाअधिक उत्पादन देतात. युरोपीय देशामध्ये ब्लड ऑरेंजच्या निर्यातीसाठी मोठ्या संधी असून, त्या प्रमाणात प्रयत्न झालेले नाहीत. गेल्या काही वर्षांपासून तेथून विचारणा होत असून, त्या तात्पुरत्या स्वरुपामध्ये पुरवल्या जातात. मात्र, या फळांना सातत्यपूर्ण उपलब्धतेच्या दृष्टीने बाजारपेठेची निर्मिती व संरचना उभारणीची गरज आहे. त्या अनुषंगाने प्रयत्न करत आहोत.

हंगाम उत्साहवर्धक राहण्याची शक्यता :

एकूणच लेन हे येत्या २०१८ मधील संपूर्ण हंगामासाठी अत्यंत उत्साही असून, दर्जेदार आणि उत्तम उत्पादनाची आशा आहे. कारण हे वर्ष ऑस्ट्रेलियामध्ये प्रामुख्याने थंड वर्ष असण्याचे अंदाज असून, त्यामुळे फळातील गराला गडद लाल रंग व उत्तम रस मिळतो. अर्थात, याकाळात धुके आणि दवापासून फळबागांचे संरक्षण करावे लागते. या काळात फळबागेमध्ये ‘आर्ट फ्रॉस्ट’ पंख्याचा वापर करून धुके बागेपासून दूर ठेवण्याचा प्रयत्न केला जातो. परिणामी निर्यातक्षम उत्पादन मिळवणे शक्य होते. गेल्या वर्षीच्या तुलनेमध्ये या वर्षी प्रत्येक गोष्टीला थोडा उशीर झाल्याने निर्यात कार्यक्रमाला ऑगस्टच्या पहिल्या आठवड्यापर्यंत सुरवात होण्याची फारशी शक्यता दिसत नसल्याचे लेन यांनी सांगितले.

वितरणासाठी भागीदारी ः

ब्लड ऑरेंज या फळाला अमेरिकेमध्ये बाजारपेठ तयार करण्याच्या दृष्टीने संपूर्ण अमेरिकेमध्ये चांगली वितरण व्यवस्था असलेल्या पिनॅकल फ्रेश या विक्री कंपनीशी भागीदारी केली आहे. पिनॅकल फ्रेशचे डॅनियल न्युपोर्ट यांनी सांगितले, की ऑस्ट्रेलियन ताज्या फळांचा दर्जा उत्तम आहे. सध्या लिंबूवर्गीय फळांमध्ये अमेरिकेतील पश्चिम किनाऱ्यावरील बाजारात चिली देशाच्या फळांचे वर्चस्व आहे. तर पूर्व किनाऱ्यावरील बाजारात दक्षिण आफ्रिकेचे मोठा वाटा आहे. या दोन्ही देशांकडे ब्लड ऑरेंजचे उत्पादन फारसे दर्जेदार नाही. त्यामुळे उत्तम दर्जाच्या बाजारामध्ये ऑस्ट्रेलियन फळांना नक्कीच जागा आहे. पिनॅकल तर्फे अमेरिकन बाजारपेठेमध्ये ९० टक्के उत्पादनेही घावूक बाजारात पाठवली जातात. त्याच प्रमाणे ब्लड ऑरेंजच्या रसाच्या ड्रॅक्युला ब्रॅंड ला हॉलोवीन या सणाच्या काळात अधिक मागणी राहू शकते. या भीतीदायक मुखवटे घालण्याच्या या सणांसाठी नाताळाप्रमाणे सुमारे सहा महिन्यापासून तयारी सुरू असते. त्यामुळे त्या दिशेने विक्रीचे नियोजन करण्यात येत आहे.

चीन बाजारात गोड फळांची मागणी ः

अमेरिकेप्रमाणे चीन बाजारामध्ये रेड बेल्ली सिट्रस निर्यातीच्या दिशेने प्रयत्न करत आङे. सध्या अत्यंत कमी असलेल्या या निर्यातीमध्ये वाढ करण्यासाठी चांगल्या भागीदाराच्या शोधात ते आहेत. पहिल्या टप्प्यात किमान एक दोन कंटेनर प्रति वर्ष एवढी मागणी येथून होऊ शकेल. अर्थात अमेरिकेपेक्षा या देशातील लोकांच्या चवीची मागणी वेगळी आहे. येथे तुलनेने अधिक गोड फळांना पसंती दिली जाते. त्यामुळे योग्य सर्वेक्षण करून ब्लड ऑरेंज फळांच्या विक्रीचे नियोजन केले जात असल्याचे लेन यांनी सांगितले.

इतर ताज्या घडामोडी
अवर्षणाचा पिकावरील ताण कमी करण्यासाठी...कोरडवाहू शेतीत पीक उत्पादनाच्या दृष्टीने “ओल तसे...
कोल्हापुरात केळी लागवड कमी होण्याची शक्...कोल्हापूर : पुरेशा पाण्याअभावी जिल्ह्यात केळीच्या...
नगरमधील आठ तालुके अद्यापही रब्बी...नगर ः नगर जिल्ह्यामध्ये रब्बीची आतापर्यंत अवघी नऊ...
जनावरांच्या आहारातील क्षारमिश्रणाचे...जनावरांच्या हाडांच्या वाढीसाठी दूध उत्पादनासाठी,...
परभणी जिल्ह्यात हुमणीच्या नुकसानीचा कहरपरभणी ः परभणी जिल्ह्यात उद्‍भवलेल्या दुष्काळी...
बाजार समिती कर्मचारी शासन आस्थापनावर...पुणे  ः राज्यातील बाजार समित्यांमधील...
पुणे विभागात चारापिकांची एक लाख...पुणे   ः जनावरांसाठी चाऱ्याची अडचण येऊ नये...
साताऱ्यात उसावर ‘हुमणी’चा प्रादुर्भावसातारा  ः जिल्ह्यातील विविध पिकांवर ‘हुमणी’...
नगर जिल्ह्यात ३५ हजार हेक्‍टरवरील उसावर...नगर  ः नगर जिल्ह्यात यंदा उसावर ‘हुमणी’चा...
‘पंदेकृवि’तील शिवारफेरीला शेतकऱ्यांचा...अकोला  ः डाॅ. पंजाबराव देशमुख कृषी...
महसूल राज्यमंत्र्यांनी घेतला महागावमधील...महागाव, जि. यवतमाळ  ः दुष्काळग्रस्त भागात...
महाराष्ट्रातील जनताच पंतप्रधान मोदी...शिर्डी, जि. नगर   ः घरकुलाचा लाभ देण्यासाठी...
सरकारने कर्जमाफीत घोटाळा केला : उध्दव...नगर  ः राज्यातील शेतकऱ्यांसाठी कर्जमाफी...
पुण्यात भाजीपाल्याच्या मागणीत वाढ; दरही...पुणे ः गुलटेकडी येथील कृषी उत्पन्न बाजार...
नाशिक जिल्ह्यात सर्वपक्षीय पाणी बचाव...नाशिक  : मराठवाड्यातील जायकवाडी धरणात नाशिक...
इंदापूर बाजार समितीत शेतीमाल तारण योजना...इंदापूर, जि. पुणे  ः महाराष्ट्र राज्य कृषी...
नगर जिल्ह्यात एप्रिलपासून चाराटंचाई...नगर  ः जिल्ह्यात यंदा पाऊस नसल्याचे...
शेतीतील सुधारणांसाठी कृषी विद्यापीठांची...अकोला   ः बदललेल्या परिस्थितीत शेतीतही मोठी...
नगर जिल्हा परिषदेत सरकार विरोधात...नगर  ः जिल्हा परिषदेच्या मालकीच्या...
शेतकऱ्यांच्या मागण्यांबाबत ‘राष्ट्रवादी...अकोला  ः तूर, सोयाबीन, हरभरा या पिकांचा विमा...