घराच्या वातानुकूलनासह उष्णता राखणारे तंत्रज्ञान विकसित

घराच्या वातानुकूलनासह उष्णता राखणारे तंत्रज्ञान विकसित
घराच्या वातानुकूलनासह उष्णता राखणारे तंत्रज्ञान विकसित

लिथुनिया देशातील कौनस युनिव्हर्सिटी ऑफ टेक्नॉलॉजी येथील संशोधकांनी घरांच्या वातानुकूलनासाठी विशेष उपकरण (रिक्युपरेटर) विकसित केले आहे. त्यात घरातील उष्णता ८९ टक्क्यांपर्यंत धरून ठेवणे शक्य होणार आहे. त्यामुळे घरे उष्ण ठेवण्यासाठी वापरल्या जाणाऱ्या ऊर्जेमध्ये बचत होईल.

परदेशामध्ये थंड वातावरणामुळे घरातील उष्णता रोखून धरणे आवश्यक असते. अन्यथा घर उष्ण ठेवण्यासाठी अधिक गॅस किंवा लाकडांचे ज्वलन करावे लागते. परिणामी ऊर्जा वापर वाढतो. त्याच उष्णता रोखून धरण्यासाठी दारे, खिडक्या बंद केल्याने वातानुकूलनामध्ये समस्या येतात. घरामध्ये जळती लाकडेही ज्वलनासाठी ऑक्सिजन वापरत असतात. त्यामुळे घरामध्ये ऑक्सिजनची कमतरता होऊ शकते. हे टाळण्यासाठी कौनस युनिव्हर्सिटी ऑफ टेक्नॉलॉजी येथील उष्णतेमध्ये कमी न होता वातानुकूलन करण्यासाठी नाविन्यपूर्ण तंत्र शोधले आहे. त्याला ऑक्सिजन असे नाव दिले असून, त्याद्वारे घरातील उष्णता ८९ टक्क्यांपर्यंत रोखून धरली जाते. या उपकरणाचा आकार अत्यंत लहान आहे. याविषयी माहिती देताना व्यवस्थापन झिल्लिनास सॅलीयलिनिस यांनी सांगितले, की हे उपकरण सिलिंगच्या वर लावले जाते. लहान आकाराच्या घरांतील वातानुकूलनासाठी कोणताही आवाज न करता कार्य करू शकते.

  • युरोपिय संघाने प्रत्येक नव्या घराच्या निर्मितीमध्ये यांत्रिक व्हेंटिलेशन बसवण्याची शिफारस केली आहे. मात्र, लहान घरांमध्ये किंवा फ्लॅटमध्ये मोठी व्हेटिंलेशन यंत्रणा बसविण्याएवढी जागा उपलब्ध असत नाही. अशा वेळी हे उपकरण उपयोगी ठरू शकते.
  • हवेतून येणाऱ्या परागांच्या कणांनाही अडवण्याची क्षमता यात बसवलेल्या F७ फिल्टरमध्ये आहे. त्यामुळे अॅलर्जी असलेल्या व्यक्तींनाही फायदेशीर होऊ शकेल.
  • सध्या याचे प्रारुप तयार असून, लवकरच उत्पादन बाजारात आणणार असल्याचे सॅलीयलिनीस यांनी सांगितले. याचा वापर वातानुकूलनासोबतच बाह्य उष्णता रोखण्यासाठी झाल्यास भारतातही या प्रकारचे उपकरण फायद्याचे ठरू शकते.
  • Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

    ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

    Related Stories

    No stories found.
    Agrowon
    agrowon.esakal.com