प्राणघातक हृदयरोगाचे प्रमाण होतेय कमी

प्राणघातक हृदयरोगाचे प्रमाण होतेय कमी
प्राणघातक हृदयरोगाचे प्रमाण होतेय कमी

गेल्या दोन वर्षामध्ये हृदयरोगाला प्रतिबंध आणि त्यावरील उपचारामध्ये सुधारणा होत गेल्या असून, अमेरिकन प्रौढातील हृदयरोगामुळे होणारे मृत्यूचे प्रमाण १९९० च्या तुलनेमध्ये लक्षणीय कमी झाल्याचा निष्कर्ष येल विद्यापीठातील संशोधकांनी काढला आहे. १९९५ ते २०१४ या काळामध्ये ४० लाख लोकांच्या रुग्णांचा आढावा या संशोधनासाठी घेण्यात आला होता. आजवरचा अमेरिकेतील हृदयरोगासंदर्भातील सर्वात मोठा आणि एकात्मिक अभ्यास असल्याचे सांगण्यात येते. १. हृदयरोगासाठी रुग्णालयामध्ये दाखल होण्याच्या प्रमाणामध्ये ३८ टक्क्यांनी घट झाली आहे. २. हृदयरोगाबाबतचा ३० दिवसांचा मृत्यू दर आजवरच्या सर्वात कमी पातळीवर म्हणजे १२ टक्क्यांवर आला आहे. १९९५ पासून असा खाली येण्याची ही तिसरी वेळ आहे. गेल्या काही वर्षातील संशोधनामुळे ही लक्षणीय झेप घेता आल्याचे येल विद्यापीठातील हृदयरोगतज्ज्ञ डॉ. हार्लन कृमहोल्झ यांनी सांगितले. पुढे ते म्हणाले, की गेल्या वीस वर्षापासून राष्ट्रीय पातळीवर हृदयरोगाला प्रतिबंध करण्यासाठी घेतल्या जाणाऱ्या प्रयत्नामुळे आणि उपचारातील सुधारणांमुळे ही स्थिती गाठली आहे. विविध उपचार केंद्रे आणि अमेरिकन हृदयरोगशास्त्र महाविद्यालय आणि सार्वजनिक आरोग्य विभागातील तज्ज्ञ यांनी आरोग्यदायी जीवनशैली, धोक्याच्या घटकांना लक्ष्य करत उपचाराची प्रत सुधारली असल्याचे संशोधकांनी नमूद केले. अमेरिकेच्या प्रांतनिहाय निष्कर्षानुसार आरोग्यविषयक सुविधांची कमतरता असलेले भाग ओळखून त्यावर काम करण्यात येणार आहे. या विभागांमध्ये ३० दिवस मृत्यूदरांमध्ये गेल्या दोन दशकांमध्ये फारच कमी बदल झाला किंवा अजिबात फरक झाला नाही. आमच्या पाहणीमध्ये हृदयरोगाचा व त्यामुळे होणाऱ्या मृत्यूचा ऐतिहासिक कमी दर आढळला आहे. अर्थात यावर संतुष्ट राहण्याची आवश्यकता नाही. कारण वैद्यकीय उपचाराच्या इतिहासातून हृदयरोग कायमचा दूर करण्याचे अंतिम लक्ष्य असून, ते अद्याप प्रचंड दूर आहे, असे डॉ. हार्लन कृमहोल्झ म्हणाले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com