ऑस्ट्रेलियातील सुपरमार्केटची दुष्काळाशी लढण्यासाठी शेतकऱ्यांना मदत

ऑस्ट्रेलियातील सुपरमार्केटची दुष्काळाशी लढण्यासाठी शेतकऱ्यांना मदत
ऑस्ट्रेलियातील सुपरमार्केटची दुष्काळाशी लढण्यासाठी शेतकऱ्यांना मदत

ऑस्ट्रेलियातील एका सुपर मार्केटने दुष्काळाशी सामना करण्याच्या शेतकऱ्यांना मदत करण्यात पुढाकार घेतला आहे. २०१५ पासून दुष्काळी कामांसाठी खास २० दशलक्ष पेक्षा अधिक निधी वापरला आहे. या वर्षी पाच दशलक्ष निधी प्रामुख्याने पाणी वाचवणाऱ्या तंत्रज्ञानाच्या वापरण्याचे नियोजन करून कामांना सुरवात झाली आहे. ऑस्ट्रेलियातील क्विन्सलॅंड भागातील पाच पैकी चार भाजीपाला उत्पादक शेतकऱ्यांना दुष्काळामुळे अडचणींचा सामना करावा लागत आहे. या शेतकऱ्यांच्या मदतीसाठी ऑस्ट्रेलियातील मोठे कोल्स सुपरमार्केट पुढे आले आहे. त्यांनी या प्रकल्पाअंतर्गत १६ शेतकरी आणि प्रक्रिया उद्योजकांना मदत केली आहे. पाच दशलक्ष डॉलर इतका दीर्घकालीन आर्थिक निधी पुरवला आहे. इतर कारणांसाठी निधी बाजूला ठेवला आहे. क्विन्सलॅंड भागातील शेतकरी ब्रायन क्रस्ट हे आपली पत्नी ज्युलिया आणि मुलगा मॅथ्यू यांच्यासह भाजीपाल्याची शेती करतात. भाज्यांमध्ये प्रामुख्याने ब्रोकोली, फूलकोबी आणि कोबी यांचे उत्पादन घेतले जाते. ते कोल्स सुपर मार्केटला भाज्या पुरवतात. मात्र, दुष्काळी स्थितीमध्ये उत्पादनामध्ये अडचणी येत होत्या. या वर्षी त्यांच्या १०० हेक्टर क्षेत्रापैकी केवळ ३० हेक्टर क्षेत्रामध्ये लागवड करणे शक्य झाले. कोल्स सुपरमार्केटद्वारे १.४ दशलक्ष डॉलर इतक्या निधीतून ब्रायन क्रस्ट यांच्या शेती परिसरातील एका धरणामध्ये सुधारणा करण्यात येत आहे. या मुळे धरणाची क्षमता २० टक्क्याने वाढणार आहे. येथून निचरा होऊन पाणी रोखण्यासाठी त्याला प्लॅस्टिक लायनिंग केली जात आहे. पाणी देण्यासाठी वापरल्या जाणाऱ्या ऊर्जेमध्ये बचत करण्यासाठी खास प्रयत्न केले जात आहेत. या साऱ्या प्रयत्नातून ३० मेगा लिटर पाणी वाचवणे शक्य होईल, असा शेतकरी क्रस्ट यांना विश्वास आहे. धरणांच्या कामाला सुरवात झाली असली तरी या हंगामामध्ये त्याचा कितपत फायदा होईल, या बद्दल साशंकता असली तरी तीव्र दुष्काळी परिस्थितीमध्ये कोल्स सुपरमार्केटने पाठिंबा दिल्यामुळे आनंदी असल्याचे क्रस्ट यांनी सांगितले. दुष्काळसंबंधी अडचणींमध्ये शेतकरी व प्रक्रिया उद्योजकांना मदत करण्यासाठी २०१५ पासून सुमारे २० दशलक्ष डॉलर इतकी रक्कम खर्च केली आहे. त्यातून शेतकऱ्यांना विविधप्रकारे मदत केली जाते. - ग्रेग डेव्हिस मुख्य कार्यअधिकारी, कोल्स सुपर मार्केट.  

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com