जगभरामध्ये प्राणी आणि मनुष्यामध्ये लेप्टोस्पायरॉसिस या रोगाचा प्रादुर्भाव दिसून येतो. या रोगाच्या रोगकारक जिवाणूंच्या प्रजातीनुसार रोगाची व अन्य प्राण्यांमध्ये प्रसार होण्याची क्षमता ठरते. उरुग्वे येथील गायीमध्ये प्रादुर्भाव करणाऱ्या लेप्टोस्पायरा या जिवाणूंच्या विविध प्रजातीतील नेमक्या गुणधर्मांची ओळख पटवण्यात संशोधकांना यश आले आहे. हे संशोधन प्लॉस निग्लेक्टेड ट्रॉपिकल डिसिसेज या संशोधनपत्रिकेमध्ये प्रकाशित करण्यात आले आहे. लेप्टोपायरॉसिस या रोगाचा माणसांमध्ये प्रसार हा प्रामुख्याने उंदीर, गायी, घोडे, मेंढ्या, वराह आणि कुत्रे अशा रोगग्रस्त प्राण्यांमुळे प्रदूषित झालेल्या पाण्याद्वारे होतो. उष्ण आणि उष्ण कटिबंधीय प्रदेशामध्ये अधिक पाऊस किंवा पूर परिस्थितीमध्ये या रोगाचा उद्रेक झाल्याचे दिसून येते. उरुग्वे येथील इन्स्टिट्यूट ऑफ मॉन्टेव्हिडिओ, फॅकल्टी ऑफ मेडिसीन (उदेलार), राष्ट्रीय कृषी संशोधन संस्था (INIA) आणि पशुधन मंत्रालय अशा विविध संशोधन संस्थांनी एकत्रितपणे लेप्टोपायरॉसीसचा प्रादुर्भाव आणि प्रसार याविषयी अभ्यास केला आहे. त्यासाठी उरुग्वे येथील ४८ डेअरी फार्ममधील सुमारे ९६३ गायींच्या रक्त व मूत्राचे नमुने तपासण्यात आले. त्याच प्रमाणे २२ कत्तलखान्यातून ५७७ प्राण्यांचे मूत्र आणि मूत्रपिंडाचे नमुने घेण्यात आले. प्रत्येक नमुना हा लेप्टोस्पायराचा प्रादुर्भाव आणि नेमक्या प्रजातीची ओळख पटवण्यासाठी तपासण्यात आला.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.