कृषी सल्ला : खरीप पिकांसह, वेलवर्गीय भाज्या, फळे

कृषी सल्ला
कृषी सल्ला

 कापूस अवस्था - पाते/ बोंडे लागणे

रस शोषक कीडींच्या नियंत्रणासाठी निओनिकोटीनॉईड वर्गातील कीटकनाशकांचा वारंवार वापर टाळावा. त्याऐवजी फवारणी प्रतिलिटर पाणी फ्ल्युनिकॅमीड (५० डब्लूजी) ०.४ ग्रॅम

 सोयाबीन अवस्था - फांद्या फुटणे

हवेतील आर्द्रता ७५ टक्क्यांपेक्षा कमी असल्यास हिरवी उंट अळीच्या व्यवस्थापनासाठी फवारणी प्रतिलिटर पाणी क्विनॉलफॉस (२५ टक्के प्रवाही) ३ मिली किंवा प्रोफेनोफॉस (५० टक्के प्रवाही) २ मिली.

  बाजरी अवस्था - दाणे भरणे

बाजरी पिकाला फुलोरा किंवा दाणे भरण्याच्या अवस्थेत पाणी दिल्यास उत्पादनात वाढ होते. पाऊस न पडल्यास किंवा जमिनीतील ओलावा विचारात घेऊन संरक्षित पाणी द्यावे.  

 तूर अवस्था - फांद्या फुटणे

शेंगा पोखरणाऱ्या अळीच्या प्रादुर्भावाचा आगाऊ अंदाज समजण्यासाठी हेक्टरी ५ कामगंध सापळे ५० मीटर अंतरावर शेतात उभारावेत.

 मूग-उडीद मुगावर रस शोषक कीडी आणि उडदावर केसाळ अळ्या यांचा प्रादुर्भाव दिसत आहे. त्यांच्या नियंत्रणासाठी फवारणी प्रतिलिटर पाणी क्विनॉलफॉस (२५% प्रवाही) २ मिली.

भुईमूग अवस्था - वाढीची ः भुईमुगातील तुडतुडे, फुलकीडे यांच्या नियंत्रणासाठी उघडीप मिळाल्यानंतर, फवारणी प्रतिलिटर पाणी लॅंबडा सायहॅलोथ्रीन १ मिली.

भाजीपाला  गवार, भेंडी या पिकांच्या शेंगा आणि फळांची तोडणी वेळेवर करावी.  मिरची, वांगी या पिकांची लागवड करून एक महिना झाला असल्यास मातीची भर लावावी.  टोमॅटो पिकांना सुतळीच्या साहाय्याने झाडांना आधार द्यावा.  वेलवर्गीय भाजीपाला पिकांना नत्राचा दुसरा हप्ता देऊन मातीची भर लावावी. तसेच, फळांची तोडणी वेळेवर करावी.

वेलवर्गीय पिके अवस्था - वाढीची

पाने खाणारी कीड आणि केवडा व भुरी रोगाचा प्रादुर्भाव अनेक ठिकाणी दिसत आहे. त्यांच्या नियंत्रणासाठी उघडीप मिळल्यानंतर फवारणी प्रतिलिटर पाणी क्लोरपायरिफॉस १.५ ते २ मि.ली. किंवा प्रोफेनोफॉस १.५ ते २ मिली यामध्ये पाण्यात विरघळणारे गंधक २.५ ग्रॅम.

वांगी अवस्था - फळे लागणे 

वांगी पिकावर शेंडे व फळ पोखरणाऱ्या अळीचा प्रादुर्भाव वाढत आहे. त्याच्या व्यवस्थापनासाठी.  कीडग्रस्त शेंडे दर आठवड्याने खुडून आणि नष्ट करावेत.  फळे तोडणीनंतर कीडग्रस्त फळे गोळा करून ती जमिनीत गाडावीत.  शेंडे व फळ पोखरणाऱ्या अळीचे नियंत्रणासाठी, फवारणी प्रतिलिटर पाणी सायपरमेथ्रीन (१० टक्के प्रवाही) १ मिली किंवा इंडोक्झाकार्ब १ मिली किंवा अधूनमधून ४ टक्के निंबोळी अर्काची फवारणी करावी.

लिंबूवर्गीय पिके अवस्था - वाढीची

या काळात पिठ्या ढेकणाचा प्रादुर्भाव दिसून येत आहे. त्याच्या नियंत्रणासाठी, फवारणी प्रतिलिटर पाणी क्लोरपायरिफॉस (२० टक्के प्रवाही) २.५ मिली किंवा डायमेथोएट (३० टक्के प्रवाही) १.५ मिली.

डाळिंब अवस्था - फुले लागणे ः या काळात फुलकीडींचा प्रादुर्भाव वाढतो. त्याच्या नियंत्रणासाठी स्पिनोसॅड (२.५ एससी) १ मिली प्रतिलिटर पाणी याप्रमाणे फवारणी करावी.

गुलाब अवस्था - वाढीची ः लाल कोळी या कीडींच्या नियंत्रणासाठी, फवारणी प्रतिलिटर पाणी डायकोफॉल (१८.५ टक्के प्रवाही) १.५ मिली.

संपर्क ः ०२४२६ २४३२३९          (कृषी विद्या विभाग, महात्मा फुले कृषी विद्यापीठ, राहुरी)

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com