agricultural stories in Marathi, agrowon, Grapes Advice | Agrowon

डाउनी, भुरीच्या प्रादुर्भावाकडे लक्ष द्या...
डॉ. एस. डी. सावंत
गुरुवार, 11 ऑक्टोबर 2018

सर्वसाधारण सर्वच द्राक्ष विभागांमध्ये येत्या आठवड्यामध्ये कोठेही पावसाची शक्यता नाही. काही ठिकाणी म्हणजेच सांगली, पुण्याच्या जवळपासच्या विभागामध्ये वातावरण अधूनमधून ढगाळ राहील. सर्वच विभागांंमध्ये पुढील चार ते पाच दिवस तरी कमाल तापमान ३० अंश सेल्सिअसच्या वर आणि ३५ अंश सेल्सिअसच्या जवळपास राहण्याची शक्यता आहे. फक्त पुण्याजवळचा भाग म्हणजे यवत, रोहू, श्रीगोंदा, पारगाव, इंदापूर, बोरी आणि बारामती या भागामध्ये अनपेक्षितपणे कमाल तापमान १६ ते १७ तारखेनंतर ३० अंश सेल्सिअसच्या खाली जाण्याची शक्यता आहे. याच विभागामध्ये इतर विभागांच्या प्रमाणामध्ये जास्त आर्द्रता राहण्याची शक्यता आहे.

सर्वसाधारण सर्वच द्राक्ष विभागांमध्ये येत्या आठवड्यामध्ये कोठेही पावसाची शक्यता नाही. काही ठिकाणी म्हणजेच सांगली, पुण्याच्या जवळपासच्या विभागामध्ये वातावरण अधूनमधून ढगाळ राहील. सर्वच विभागांंमध्ये पुढील चार ते पाच दिवस तरी कमाल तापमान ३० अंश सेल्सिअसच्या वर आणि ३५ अंश सेल्सिअसच्या जवळपास राहण्याची शक्यता आहे. फक्त पुण्याजवळचा भाग म्हणजे यवत, रोहू, श्रीगोंदा, पारगाव, इंदापूर, बोरी आणि बारामती या भागामध्ये अनपेक्षितपणे कमाल तापमान १६ ते १७ तारखेनंतर ३० अंश सेल्सिअसच्या खाली जाण्याची शक्यता आहे. याच विभागामध्ये इतर विभागांच्या प्रमाणामध्ये जास्त आर्द्रता राहण्याची शक्यता आहे. सकाळी पडणाऱ्या दवाकडे या विभागातील शेतकऱ्यांनी विशेष लक्ष द्यावे.

  • छाटलेल्या बागांच्यामध्ये नवीन फुटी येण्यास सुरवात झाल्यास रोगाचा विशेष धोका कोठेही नाही. कमाल तापमान ३० अंश सेल्सिअसच्या पुढेच राहण्याची शक्यता असल्याने दव पडणे फारसे अपेक्षित नाही. अशा परिस्थितीमध्ये नवीन रोग येण्याची शक्यता फारशी दिसत नाही; परंतु ज्या विभागामध्ये मागील काही दिवसांमध्ये हलका पाऊस झाला असेल आणि छाटणीनंतर फुटलेल्या बागांच्या जवळपास न छाटलेल्या बागा असल्यास नवीन फुटींना डाउनीचा धोका थोड्या प्रमाणात निश्‍चित राहील.
  • विशेषतः ज्या बागांमध्ये ७५ ते ८० टक्क्यांपेक्षा जास्त आर्द्रता दिसून आली असल्यास नवीन फुटींवर सकाळी हलके दव पडू शकते. त्यामुळे डाउनीचा धोका वाढू शकतो. असा ठिकाणी मात्र डायथायोकार्बामेट गटातील बुरशीनाशके (मॅंकोझेब किंवा प्रॉपीनेब किंवा मेटीराम २ ग्रॅम प्रतिलिटर पाणी) दोन ते तीन दिवसांच्या अंतराने एक दोन वेळा निश्‍चित फवारावीत. त्यामुळे डाउनीचे चांगले नियंत्रण मिळू शकेल.  
  • इंदापूर, बोरी, बारामती जवळपासच्या भागामध्ये सकाळची आर्द्रता जास्त आहे. सध्या कमाल तापमान ३२ ते ३५ अंश सेल्सिअसच्या जवळपास असले तरीसुद्धा पुढील काही दिवसांत (१७-१८ तारखेनंतर) ते ३० अंश सेल्सिअसपेक्षा कमी होण्याची शक्यता दिसते. या विभागात छाटण्या जास्त प्रमाणात झालेल्या आहेत. या विभागातील बागायतदारांनी नवीन फुटी डाउनीपासून चांगल्या सुरक्षित ठेवणे आवश्‍यक आहे. फक्त बाह्यस्पर्शी बुरशीनाशकाच्या फवारणीने संपूर्णपणे डाउनीचे नियंत्रण मिळणे कदाचित शक्य होणार नाही. ज्या बागांमध्ये पाच ते सहा पानांच्या पुढील कॅनॉपी आहे अशा ठिकाणी कमी आर्द्रतेचे वातावरण पाहून दुपारच्या वेळेस सीएए गटातील बुरशीनाशकांची  (डायमेथोमॉर्फ १ ग्रॅम अधिक मॅंकोझेब २ ग्रॅम प्रतिलिटर पाणी टॅंक मिक्स किंवा इप्रोव्हॅलिकार्ब अधिक प्रॉपिनेब हे संयुक्त बुरशीनाशक २.५ ते ३ ग्रॅम प्रतिलिटर पाणी) फवारणी घेऊन आंतरप्रवाही बुरशीनाशक चांगल्या रितीने आंतरप्रवाही होईल याची खात्री करून घ्यावी. जेणेकरून पाचव्या पानानंतर येणारा घड डाउनीपासून चांगल्या रितीने सुरक्षित राहील.
  • अलीकडे छाटलेल्या बागांच्यामध्ये फुटी येण्याअाधीच सल्फर (८० डब्लूजी) दिड ते दोन ग्रॅम प्रतिलिटर पाण्यात मिसळून फवारल्यास काडीच्या पृष्ठभागावर असलेल्या भुरीचे नियंत्रण होते.  विशेषतः बागेमध्ये छाटणीअगोदर भुरीचा प्रादुर्भाव ज्या ठिकाणी दिसला होता त्या ठिकाणी अशाप्रकारची सल्फरची फवारणी भुरीच्या नियंत्रणाच्या दृष्टीने निश्‍चितच फायदेशीर ठरेल. ज्या ठिकाणी वातावरण अधूनमधून ढगाळ राहिल्याचे दिसल्यास सल्फरची फवारणी जरूर घ्यावी.

०२०-२६९५६००१
(संचालक, राष्ट्रीय द्राक्ष संशोधन
केंद्र, मांजरी, जि. पुणे)

इतर ताज्या घडामोडी
कर्जमाफीची प्रक्रिया थंडावल्याने...सोलापूर : शेतमालाचे कोसळलेले दर, कर्जमाफी होऊनही...
योग्य पद्धतीने करा दालचिनी काढणीनोव्हेंबर ते मार्च या कालावधीत दालचिनी काढणीचा...
परभणीत फ्लॅावर प्रतिक्विंटल ४०० ते ७००...परभणी ः येथील जुना मोंढा भागातील फळे भाजीपाला...
भाजपची राष्ट्रीय परिषद ११ जानेवारीपासूननवी दिल्ली ः भारतीय जनता पक्षाच्या राष्ट्रीय...
यंत्रमाग १ तर प्रोसेस, सायझिंगला २...मुंबई  ः महाराष्ट्र राज्याचे वस्त्रोद्योग...
अटी, शर्ती काढल्या तरच कर्जमाफीचा फायदा नगर : सरकारच्या चुकीच्या धोरणामुळे कर्ज झाले आहे...
कर्जासाठी शेतकऱ्याचा बॅंकेसमोर मृत्यू...मुंबई : कर्जाच्या मागणीसाठी शेतकऱ्यांना स्टेट...
ग्रामपंचायतीच्या ८०० सदस्यांचे सदस्यत्व...सोलापूर : निवडणूक निकालानंतर सहा महिन्यांच्या आत...
प्रतापगडावर शिवप्रताप दिन उत्साहातसातारा : ढोल-ताशांचा रोमांचकारी गजर, छत्रपती...
कांद्याला पाचशे रुपये अनुदान द्यानाशिक : कांद्याला हमीभाव मिळत नसल्याने...
'प्रकल्पग्रस्त पुनर्वसनात वेळेचा अपव्यय...नाशिक : शासकीय अधिकारी काम कसे करतात, यावरच...
बचत गटांच्या सक्षमीकरणासाठी ‘...मुंबई : राज्यातील महिला सक्षमीकरणाशी निगडित...
वीस वाळू घाटांच्या लिलावाचा मार्ग मोकळाअकोला : मुंबई उच्च न्यायालयाच्या नागपूर खंडपीठाने...
नांदेडमध्ये नाफेडतर्फे तूर खरेदी केंद्र...नांदेड ः केंद्र शासनाच्या आधारभूत किंमत खरेदी...
परभणीत आज शेतकरी सुकाणू समिती बैठकपरभणी : राज्यातील दुष्काळग्रस्त शेतकऱ्यांना मदत,...
सांगली बाजार समितीत हमालांचे आंदोलनसांगली ः कृषी उत्पन्न बाजार समितीतील हमालांनी...
नगर जिल्ह्यात हमी केंद्रांकडे शेतकरी...नगर ः आधारभूत किमतीने मूग, उडीद सोयाबीनची खरेदी...
शिवसेनेकडून जिल्हा परिषदेत नाराजांचे...जळगाव : जिल्हा परिषदेत तीन पंचवार्षिक भाजपसोबत...
शेतकरी मृत्यूप्रकरणी पाथरी बाजारपेठेत...पाथरी, जि. परभणी  : पीककर्जाच्या मागणीसाठी...
अण्णा हजारे यांनी कांदाप्रश्‍नी लक्ष...नगर ः शेतकऱ्यांना एक ते पाच रुपये किलो दराप्रमाणे...