agricultural stories in marathi, agrowon, Grapes advice, powdery mildew in grape vineyard | Agrowon

ढगाळ वातावरणामध्ये भुरी प्रादुर्भावाची शक्यता
डॉ. एस. डी. सावंत
गुरुवार, 17 मे 2018

सांगली, सोलापूर येथील द्राक्ष विभागामध्ये येत्या आठवड्यामध्ये आज आणि उद्या (१७, १८ तारखेपर्यंत) वातावरण ढगाळ राहील. १८ तारखेपासून २१ तारखेपर्यंत अधूनमधून एक दोन ठिकाणी पावसाची शक्यता राहील. सांगली विभागामध्ये पळशी, खानापूर, विटा, तासगाव या सर्व भागामध्ये सर्वसाधारणपणे १८ व त्यानंतर २१, २२ तारखेला हलक्या पावसाची शक्यता आहे. सोलापूर भागामध्ये याच दिवसामध्ये सांगलीप्रमाणे अधूनमधून हलक्या स्वरूपाचा पाऊस होईल.

सांगली, सोलापूर येथील द्राक्ष विभागामध्ये येत्या आठवड्यामध्ये आज आणि उद्या (१७, १८ तारखेपर्यंत) वातावरण ढगाळ राहील. १८ तारखेपासून २१ तारखेपर्यंत अधूनमधून एक दोन ठिकाणी पावसाची शक्यता राहील. सांगली विभागामध्ये पळशी, खानापूर, विटा, तासगाव या सर्व भागामध्ये सर्वसाधारणपणे १८ व त्यानंतर २१, २२ तारखेला हलक्या पावसाची शक्यता आहे. सोलापूर भागामध्ये याच दिवसामध्ये सांगलीप्रमाणे अधूनमधून हलक्या स्वरूपाचा पाऊस होईल.

सध्याच्या परिस्थितीमध्ये नवीन फुटी फुटत आहेत आणि शेंडा चालू आहे. अधूनमधून पाऊस पडला तरी वातावरणामध्ये जास्त आर्द्रता वाढत नाही. ती ४० ते ५० टक्क्यापेक्षा अधिक राहत नाही. अशा वातावरणामध्ये करपा रोगाची फारशी शक्यता नाही. परंतू मागील आठवड्यामध्ये सांगितल्याप्रमाणे बहुतांशी ठिकाणी वातावरण ढगाळ राहत असल्यामुळे पुन्हा भुरीचाच जास्त धोका दिसतो. ज्या ज्या ओलांड्यावर जास्त फुटी आलेल्या असतील, तिथे आतील बाजूला भुरी वाढण्याची शक्यता आहे. या भुरीच्या नियंत्रणासाठी सल्फर (८० डब्ल्यूजी) दीड ते दोन ग्रॅम प्रति लिटर प्रमाणात वापर करावे. सांगलीच्या काही भागामध्ये वाळवा, तासगाव भागामध्ये मागील एक दोन दिवसामध्ये हलक्या गारा पडून वादळी पाऊस झाल्याचे समजते. बऱ्याचशा ठिकाणी या गारामुळे नवीन फुटीच्या हिरव्या काड्यावर कमी जास्त प्रमाणात जखमा झालेल्या आहेत. बरीचशी पानेही फाटलेली आहेत. खरे पाहता या कोवळ्या हिरव्या काड्यावरील जखमा कालांतराने भरून निघतील. फाटलेल्या पानांनी फारसा फरक पडणार नाही. नवीन चांगली पाने येऊन, ती ढगाळ वातावरण व पावसामुळे जोमाने वाढतील. झाडावर ताण कमी होईल. भुरीव्यतिरिक्त अन्य कोणत्या रोगाची त्वरीत शक्यता नसल्यामुळे सध्या भुरीसाठी सल्फरव्यतिरिक्त अन्य कोणत्याही बुरशीनाशकाच्या फवारणीची जरूरी नाही. १८ ते २१ च्या दरम्यान जर बागेमध्ये पाऊस झाला, तर या सर्व बागांमध्ये बुरशीजन्य करपा रोगाची शक्यता वाढेल. म्हणून २० ते २१ तारखेनंतर पाऊस झालेल्या ठिकाणी करपा रोगाच्या नियंत्रणासाठी थायोफिनेट मिथाईल ०.७५ ग्रॅम अधिक मॅन्कोझेब २ ग्रॅम (टॅक्स मिक्स) प्रति लिटर या प्रमाणे फवारावे. या पावसाआधी याची फवारणी केल्यास बुरशीनाशक पावसाने धुवून जाईल व पुन्हा २१, २२ तारखेनंतर फवारणी करणे आवश्यक होईल. म्हणूनच २१ तारखेनंतर फवारणी करण्याचा सल्ला देत आहोत.
नाशिक भागामध्ये पावसाची विशेष शक्यता नाही. परंतू वातावरण अधूनमधून ढगाळ राहणार आहे. वर नमूद केल्याप्रमाणे ढगाळ वातावरणामुळे भुरीसाठी योग्य ती फवारणी करणे आवश्यक आहे. दिंडोरी व जवळपासच्या भागामध्ये १७,१८ तारखेला कदाचित काही भागामध्ये हलका पाऊस होण्याची शक्यता आहे. पावसाची तीव्रता पाहूनच पाऊस संपल्यानंतर वरीलप्रमाणे फवारणीचा निर्णय घ्यावा.
 

इतर ताज्या घडामोडी
पाणीटंचाई निवारणासाठी ३२ कोटीनागपूर : ग्रामीण भागातील पाणीटंचाई...
परभणी जिल्ह्यात रब्बी ज्वारीचा अग्रीम...परभणी ः परभणी जिल्ह्यात उद्भवलेल्या दुष्काळी...
नांदेड, परभणी, हिंगोली जिल्ह्यांत १२...नांदेड ः चालू कापूस खरेदी हंगामामध्ये नांदेड,...
बेदाणानिर्मिती शेडवर बसू लागली यंत्रेसांगली ः जिल्ह्यातील कवठेमहांकाळ, मिरज...
उन्हाळी भुईमुगावरील कीड नियंत्रणउन्हाळी भुईमुगावर खालील विविध अळ्यांचा...
जातपडताळणीचा ‘ऑफलाइन’ छळ पुणे  : शासनानेच वाटलेल्या जातप्रमाणपत्रांची...
लागवड उन्हाळी तिळाची...उन्हाळी हंगामात लागवडीसाठी एकेटी १०१, पीकेव्ही एन...
सांगलीत शनिवारपासून सेंद्रिय परिषद,...सांगली ः रेसीड्यू फ्री ऑरगॅनिक मिशन इंडिया...
उन्हाळी भुईमुगावरील पानेे खाणारी अळी या अळीला तंबाूखूवरील पाने खाणारी अळी म्हणूनही...
लोहाच्या कमतरतेवरील वनस्पतींची...हेन्रिच हेईन विद्यापीठ डस्सेलडॉर्प आणि...
नेरच्या नदी पात्रातील भराव काढादेऊर, ता.धुळे : पांझरा नदी पात्रातील नव्या...
सौर कृषिपंप योजनेसाठी पुणे जिल्ह्यातून...पुणे : शेतकऱ्यांना दिवसा व सौरऊर्जेद्वारे शाश्वत...
अपारंपरिक ऊर्जा काळाची गरज : बावनकुळेभंडारा : पारंपरिक ऊर्जेची मर्यादा लक्षात घेऊन...
नांदेड जिल्ह्यामध्ये १८ टॅंकरद्वारे...नांदेड ः जिल्ह्यातील तीव्र पाणीटंचाई उद्भवलेली ११...
परभणी, नांदेड जिल्ह्यात २ लाख खात्यांवर...परभणी ः परभणी आणि नांदेड जिल्ह्यातील दुष्काळामुळे...
टेंभूच्या नेवरी वितरिकेची कामे २२...सांगली ः टेंभू उपसा सिंचन योजनेच्या नेवरी वितरिका...
पाणीटंचाईमुळे कांदा लागवडीच्या...पुणे ः वाढत असलेल्या पाणीटंचाईमुळे शेतकऱ्यांनी...
नगर जिल्ह्यामध्ये तुरीचे उत्पादन...नगर ः नगर जिल्ह्यामध्ये यंदा दुष्काळी परिस्थिती...
अण्णासाहेब पाटील महामंडळामार्फत १२ कोटी...कोल्हापूर : शासनाने अण्णासाहेब पाटील आर्थिक मागास...
कचारगडला `अ’ वर्ग पर्यटनस्थळाचा दर्जा...गोंदिया ः कचारगड हे देशभरातील भाविकांचे...