तुरीवर पिसारी पतंगाचा प्रादुर्भाव

किडीचे शास्त्रीय नाव ः इक्झेलॅस्टीस ॲटोमोसा १) कळी, फुलोरा आणि शेंगांमध्ये मोठ्या प्रमाणात प्रादुर्भाव आढळून येतो. अंड्यातून बाहेर पडलेल्या अळ्या कळ्या, फुले आणि व शेंगांना छिद्रे पाडून आतील भाग खातात. २) पूर्ण वाढ झालेल्या अळ्या प्रथम शेंगांचा पृष्ठभाग खरवडून खातात व नंतर शेंगांच्या बाहेर राहून आतील दाणे खातात व शेंगांवर अथवा शेंगावरील छिद्रांमध्ये कोषावस्थेत जातात. आर्थिक नुकसानकारक पातळी : - ५ अळ्या प्रती १० झाडे किंवा ५ टक्के प्रादुर्भावग्रस्त शेंगा नियंत्रण : प्रतिलिटर पाणी १) पहिली फवारणी ः - फूलकळी येताना अ‍ॅझाडिरेक्टीन ०.०३ टक्के (३०० पीपीएम) ५ मि.लि. २) दुसरी फवारणी ः पीक ५० टक्के फुलोऱ्यावर असताना ः - एचएएनपीव्ही (५०० एलई) १ मि.लि. किंवा - बॅसीलस थुरीनजेंसीस २ ग्रॅम ३) तिसरी फवारणी ः - दुसऱ्या फवारणीनंतर १५ दिवसांनी - इंडोक्झाकार्ब (१४.५ टक्के प्रवाही) ०.७ मि.लि. किंवा - इमामेक्टीन बेंझोएट (५ टक्के दाणेदार) ०.४ ग्रॅम किंवा - क्लोरॲन्ट्रानिलीप्रोल ०.३ मि.लि. संपर्क : चांगदेव वायळ,९९७५५४१९६७ (कडधान्य सुधार प्रकल्प, महात्मा फुले कृषी विद्यापीठ, राहुरी)