agricultural stories in marathi, AGROWON, protection from nipah virus | Agrowon

प्रतिबंधात्मक उपायातून रोखता येतो निपाह विषाणू संसर्ग
डॉ. वैभव सानप, डॉ. प्रवीर दामले
मंगळवार, 29 मे 2018

निपाह विषाणूचा प्रादुर्भाव प्रामुख्याने वराहामध्ये होताे, परंतु वराह व मानव यांच्याव्यतिरिक्त कुत्रे, मांजरी, शेळ्या, मेंढ्या व घोडे यांसह अनेक प्राण्यांच्या प्रजातींमध्ये निपाह संक्रमणाचे पुरावे उपलब्ध आहेत. निपाह विषाणूच्या संसर्गाची लक्षणे जनावरामध्ये आढळून आल्यास ताबडतोब नोंदणीकृत पशुवैद्यक अधिकाऱ्याशी संपर्क साधावा.

निपाह विषाणूचा प्रादुर्भाव प्रामुख्याने वराहामध्ये होताे, परंतु वराह व मानव यांच्याव्यतिरिक्त कुत्रे, मांजरी, शेळ्या, मेंढ्या व घोडे यांसह अनेक प्राण्यांच्या प्रजातींमध्ये निपाह संक्रमणाचे पुरावे उपलब्ध आहेत. निपाह विषाणूच्या संसर्गाची लक्षणे जनावरामध्ये आढळून आल्यास ताबडतोब नोंदणीकृत पशुवैद्यक अधिकाऱ्याशी संपर्क साधावा.

निपाह विषाणू (NiV) हा प्राण्याकडून मानवामध्ये संक्रमित होणारा नवीन उदयोन्मुख विषाणू आहे. फळे खाणारी वटवाघुळे ही या विषाणूसाठी नैसर्गिक स्राेत किंवा यजमान आहेत. सर्वप्रथम सिंगापूर व मलेशिया या देशांमध्ये १९९९ साली वराह व त्यांचे पालन करणाऱ्या शेतकऱ्यांमध्ये या रोगाची लक्षणे दिसून आली होती. मलेशियातील निपाह या गावातील आजारी व्यक्तीमध्ये हा विषाणू सर्वप्रथम आढळला होता, तेव्हापासून या विषाणूस या नावाने ओळखतात.
सद्यःस्थितीत मानव किंवा प्राणी यांच्यापैकी कुणासाठीही या रोगाविरुद्ध औषधोपचार किंवा लसीकरण उपलब्ध नाही. परंतु प्रतिबंधात्मक उपाय करून या रोगाचा प्रादुर्भाव टाळता येतो.

निपाह विषाणूचा प्रसार कसा होतो?
फळझाळावर आढळणारी वटवाघळे या विषाणूचा नैसर्गिक स्राेत असतात. वटवाघळांचे मूत्र, विष्ठा, थुंकी इत्यादी शरीरस्त्रावांमध्ये या विषाणूंची वाढ होते व याचा संपर्क जनावरांशी विशेषतः डुकरांशी आल्यास त्यांना या रागोचा प्रादुर्भाव होतो. प्रादुर्भाव झालेल्या जानावरांमधून निपाह विषाणू मानवामध्ये व इतर प्रभावशील जनावरामध्ये प्रसारित होतो. या विषाणूचा प्रसार हा प्रादुर्भावित जनावरामधून निरोगी जनावर व मानवामध्ये आणि मानवामधून निरोगी मानवामध्ये होतो.

जनावरांमधील रोगाची लक्षणे

  • गंभीर स्वरूपाचा खोकला दिसून येतो.
  • जास्त ताप येणे, थरथरणे.
  • श्वास घेण्यास त्रास होणे.
  • मेंदूज्वर व माज्जासंस्थे संबंधीची इतर लक्षणे.
  • स्नायूमध्ये तणाव तसेच कमजोरपणा.
  • आकस्मिक मृत्यू होणे.

मानवामधील रोगाची लक्षणे

  • प्रादुर्भाव झाल्यानंतर साधारण २ ते १४ दिवसांदरम्यान रोगाची लक्षणे दिसू लागतात.
  • प्रारंभी ताप, खोकला, डोकेदुखी, थकवा येणे, जीभ बेचव होणे यांसारखी लक्षणे दिसून येतात.
  • त्यानंतर डोकेदुखी, जास्त ताप, तंद्री, मानसिक गोंधळ, कोमा इत्यादीसारखी लक्षणे तसेच परिणामी मृत्यूसुद्धा होऊ शकतो.

रोगनिदान

  • केवळ लक्षणांवरून रोगनिदान करणे कठीण असते.
  • निपाह विषाणूच्या चाचणीसाठी अनेक चाचण्या अस्तित्वात आहेत.
  • रोगनिश्‍चिती करण्याकरिता आजारी जनावराचे रक्त, लघवी किंवा इतर शरीर स्त्रावाचे नमुने घेऊन प्रयोगशाळेत त्यातून विषाणू वेगळे करून निदान केले जाते.

प्रतिबंधात्मक उपाय

  • जनावरांचा संपर्क वटवाघळाशी किंवा त्यांनी खाल्लेल्या फळांसोबत येणार नाही याची काळजी घ्यावी.
  • वराह किंवा इतर जनावरांच्या फार्मवर संसर्ग टाळण्यासाठी चांगल्या प्रतीची जैविक सुरक्षा (Biosecurity) असणे महत्त्वाचे आहे.
  • गोठ्याच्या किंवा जनावरांच्या आहार साठवणुकीच्या ठिकाणी फळझाडांची लागवड करणे टाळावे.प्रादुर्भाव झालेल्या जनावरांची लवकर ओळख करून इतर प्राणी आणि मानव यांना प्रादुर्भाव होण्यापासून संरक्षित करण्यास मदत करू शकतात, त्यासाठी पशुवैद्यकाची मदत घ्यावी.
  • प्रभावित भागात प्रादुर्भाव झालेल्या जनावरांशी संपर्क येणार नाही याची काळजी घ्यावी.

रोगाचे नियंत्रण
कुठलाही उपचार उपलब्ध नसल्याने प्रादुर्भाव झालेल्या जनावरांना त्वरित वेगळे करून त्यांना मारले जाते.
मेलेल्या जनावराचे शव खोल खड्ड्यामध्ये पुरावे.
प्रादुर्भाव झालेल्या जनारांच्या संपर्कात आलेला चारा, शेण व इतर गोष्टींची योग्य विल्हेवाट लावली जाते.
पुरलेल्या जागेवर क्लोराइडयुक्त चुना टाकावा.  
जनवरांसाठी वापली जाणारी भांडी जंतुनाशकाने व गरम पाण्याने स्वच्छ धुवून घ्यावीत.

संपर्क : डॉ. वैभव सानप, ९४५५१४८१७२
(सानप भारतीय तंत्रज्ञान संस्था कानपूर, उत्तर प्रदेश येथे कार्यरत अाहेत, तर दामले चंद्रपूर येथे पशुधन विकास अधिकारी अाहेत.)

इतर कृषिपूरक
जनावरांच्या आरोग्यासाठी कॅल्शिअम...मांसपेशी, मज्जा संस्थेवर नियंत्रण, गर्भवाढी आणि...
योग्य वेळी करा लसीकरणजनावरांना रोगाचा प्रादुर्भाव होण्याची वाट न बघता...
थंड, ढगाळ अन् कोरड्या हवामानाची शक्यतामहाराष्ट्रावर १०१२ हेप्टापास्कल इतका हवेचा दाब...
दुधाच्या प्रकारानुसार बदलतात मानकेदुग्धजन्य पदार्थ उच्च गुणवत्तेचे व दर्जेदार...
वासरांसाठी योग्य अाहार, संगोपन पद्धतीवासराचा जन्म झाल्यानंतर त्याचा श्‍वासोच्छ्वास...
शेतीला दिली मधमाशीपालनाची जोडपरिसरातील पीकपद्धतीवर आधारित पूरक उद्योगाची जोड...
रोपवाटिका उद्योगात उत्तम संधीकोणत्याही पिकाचे किमान दीड ते दोन महिने आधी...
जनावरांच्या अाहारात बुरशीजन्य घटकांचा...अाहाराद्वारे जनावरांच्या शरीरात बरेच हानिकारक घटक...
मुरघासाचे फायदे, जनावरांसाठी वापरचाऱ्याच्या कमतरतेमुळे दूध उत्पादनामध्ये सातत्य...
जनावरांच्या आहारातील क्षारमिश्रणाचे...जनावरांच्या हाडांच्या वाढीसाठी दूध उत्पादनासाठी,...
पशूसल्लासध्या तापमानात वाढ झाली असल्यामुळे जनावरांमध्ये...
मुरघास : चाराटंचाईवर उत्तम पर्यायउन्हाळ्यामध्ये किंवा चारा तुटीच्या काळात...
उष्ण वातावरणात सांभाळा जनावरांनाअचानक वाढणाऱ्या उष्णतेमुळे जनावरांची अधिक काळजी...
आरोग्यदायी कडधान्य चिप्सतेलकट बटाटा चिप्सचे प्रमाण बाजारपेठेमध्ये वेगाने...
रेशीम कीटकांवर दिसतोय उझी माशीचा...सध्याच्या काळात पुणे, सातारा, लातूर, सोलापूर,...
दुधाळ जनावरांतील खुरांच्या आजाराचे...खुरांची योग्य काळजी व अचूक व्यवस्थापन यांमुळे...
कृषी व्यवसाय, उद्योगाकरिता व्यवहार्यता...कृषी व्यवसाय किंवा उद्योगामध्ये अपेक्षित उत्पन्न...
जनावरांसाठी पशुखाद्यापासून पोषक फीड...उत्पादन, उत्पादनकाळ, गाभणकाळ या बाबींचा विचार...
पोटफुगीपासून वाचवा जनावरांनाहिरव्या चाऱ्याचे अतिप्रमाणात सेवन केल्यामुळे...
वासरांमधील संसर्गजन्य अतिसारवासरांमधील अतिसार हा अनेक रोगांशी संबंधित आजाराची...